ماهو كفو الوقت حبك يمحيه (( ابن فطيس))

[آلشوقـ]

ماهوب كفو الوقت حبك يمحّيه
ياللي تخاف صروف الايام تمحاه


ارتاح دام ان المواصل يقويه
انت . انت وانا . انا وقلبي هو إياه

حتى ولو بتغيب ذكراك تكفيه
ياواحدٍ تكفي عن الناس ذكراه

حُبك على رملة خفوقي مواطيه
ورياح عذلي عَنك ماتمسح خطاه

واللي يعذل القلب عن درب غاليه

( يالله عسى اللي يبلا المواليف يبلاه )

اخفيه يابلفيت والحال يبديه
ادناة واحد ينظر الحال يقراه

اخفيه فيه ومعتنيٍ به وحاميه
عن كل عينٍ ودها تنزل حماه

قلبٍ يحبك والهوى الذرب ماليِه
كانك مكذبني بعينك تحلاه

شرط . ان تشوفك فيه منت بحواليه
ويمكن تشوف ديار واماكن رعاه


وشوف به تمثال والوقت هاريه
وبتشوف زرعٍ ميتٍ واقفٍ ماه


وبتشوف جرحٍ فيه سكين راعيه
راح ونسى السكين والجرح ينخاه

وبتشوف حصنٍ عجّ الاقدار سافيّه
وبتشوف باقي بيت . راعيه خلاه

لاتنزعج . هذا خفوقي وباقيه
ولاتضايق من تصّدع زواياه


قَد زلزله فرقا وهزة عراويه
والله ستر والحظ عانه وعافاه

كانه صلح لك واعجبك . زيد تبينه
ابنه وجهزّ للمقابيل مبناه

ابغيك بس من المفارق تداريه
وازهل من ايداري شعورك ويدراه

وحلل وحرّم فيه . ياأبرك بلاويه
وحله وراع ارضاي ورضاك وارضاه

جعلك بعد بعض الوجيه . امحق وجيه
ناسٍ مراتعها الرفيق بتقفاه

انواع . واخطر نوع مانيب ناسيه
نوعٍ على تفريق الاثنين مسعاه

تلقاه دوم . وكل يومٍ تلاقيه
واذا بغيت الصدق ماعاد تلاقه

وإلا انت . ردك كُل مادعيك لبيه
انشهدٍ منتوا بفي عيني اشباه

منت بمعى العالم . ولا تقولي ليه
انت ادرى مني وفي جوابي وفي احواه

كذيه ومن الله يازين وإليه
واغلى طروش القلب ودواه من داه

الحلم ياتيني بزولك واراعيه
وفي كل حلم اقوم قبل اتحفاه


واعشق سميك في البزارين وادعيه
واقبل خطاه الا اخطى واتلقاه


واسمك يروعني اذا مرّ طاريه
واحب ملقوفٍ يسولف وطراه

وامرّ بيتك من بعيدٍ ولا اجيه
وانا لو انه في يدي ماتعداه


حتى تواير موتري تلتفت فيه
تبغي تلفّ ويستحي العقل والجاه


وصلك يخيط الصدر والبعد يفريه
ويابري حالي كان صديت برياه


ويلي على ادري حبنا ويش تاليه
وويلي على ادري وش ورى الغيب ويلاه


عشان اشوف اذا محبتك ترفيه
والله لاقفي عنك . استغفر الله
راقت لي :rose:

[@اني خيرتك فختاري@]

وراقت لي كثيراً

يسلمووووووووو على الذائقه الرائعه
والاختيار الجميل

ابن فطيس شاعر جميل

تقبلي مروري المتواضع
ولك الف تحية

[<مهـــــــــرة]

سلمت يمناك
دمتى بوود

[عربى الحويطى]

وامرّ بيتك من بعيدٍ ولا اجيه
وانا لو انه في يدي ماتعداه
تسلم اناملك
واحساس كلاماتك
مشكوره على هذا
الموضوع

[عربى الحويطى]

وامرّ بيتك من بعيدٍ ولا اجيه
وانا لو انه في يدي ماتعداه
تسلم اناملك
واحساس كلاماتك
مشكوره على هذا
الموضوع

[Classic]

وبتشوف جرحٍ فيه سكين راعيه
راح ونسى السكين والجرح ينخاه

وبتشوف حصنٍ عجّ الاقدار سافيّه
وبتشوف باقي بيت . راعيه خلاه
الله اجمل بيتين
وقصٌِيدًة رآئعْة وآختيَآر آروّعَــُ
آلِِِــشــوٌقـــ...
آهّنئِكـُ عً هذآ الـَذوقَـِ :sm136:

[عبدالمجيد بن غازي]

صح ذوقك يالشووق على الأختيار الموفق

للرائعه للشاعر الجميل ابن فطيس

ودي...

[سجينة الحياه]

من أجمل قصائد ابن فطيس الي سمعتها منه

ولا أمل من سماعها دائما ........

تسلمي الشـــــــــــــــــــــــــوق

[ذيب الشوامين]

ومن اللي ما يروق له ابن فيطس

تسلمين خيتو على روعة ذوقك وعلوه

دمت ِ بأسعد حال











الذيب

[ذيب الشوامين]

ومن اللي ما يروق له ابن فيطس

تسلمين خيتو على روعة ذوقك وعلوه

دمت ِ بأسعد حال











الذيب

[البرينس]

صح لسانك ....ابيات رائعه
لاعدمناك

[آلشوقـ]

&& @ اني خيرتك فختاري @ && مهره بلا فارس && عربي الحويطي && الادميرال && عبد المجيد بن غازي && سجينة الحياه && ذيب الشوامين && البرينس &&
الـــــــــــــف شكــــــــــــر لتوآأإآأإجدكــــــــــم
نورتو متصفحي
دمتم بغلا