شموخها عدا على البيض والسود

[مسلم العميري]

حب الوطن والأم اكبر علامه=ان الفتى في اصله البر موجود
من عق هذي عق ذيك بكلامه=وقابل جميل اثنين بانكار وجحود
وانا بلادي بالأمن والسلامه=شموخها عدا على البيض والسود
مثل الجبال الراسيه باستقامه=ثلثينها بالارض ثابت وموتود
من يوم ابو تركي حكمها بنظامه=وثبّت لها سيسان واركان وحدود
الجهل والتخويف بدد ظلامه=على الشريعه لمها افراد ووفود
ثم تولوها ملوك الشهامه=خالد وفهد وفيصل وقبله سعود
واليوم ابو متعب عطاها اهتمامه=والخير عم وصار من زود في زود
هذا الزعيم ويستحق الزعامه=كوّن لها برهان والعلم ماكود
كم شمل لمه صُلح بعد انقسامه=ياما بذل في غاية الحق مجهود
يفرض على كل الوجود احترامه=يسود ابومتعب على العالم يسود
حاز الشرف والعز ماخذ وسامه=مايبغضه إلا مخرّب وحاسود
وسلطان ياعضد اليمين وحسامه=عنده صقور الجو عن دارها تذود
يكرم على المحتاج كافل ايتامه=يعطي جزيلات العطايا بلا حدود
ونايف تولى الامن واثبت احكامه=ضد الخبيث اللي معه قلب حاقود
وسلمان لاشفته عريض ابتسامه=ابشر بطيبة خاطرك وانت مضهود
واميرنا المحبوب عالي مقامه=خلى تبوك تصدّر ازهار وورود
والشعب كله فيه طيب وكرامه=كبيرهم ربى صغيره على الجود
لاشك هو دعم الوطن هو حزامه=يارد على ماقال ابومتعب ورود
حول القياده كل زاد إلتحامه= وهرج القفا في وجه راعيه مردود

[عايض الحويطي]

صح لسانك
واشكرك على الروح الوطنيه

[طير حوران]

هل تفي بالغرض . كلمه رآئـــع

( مسلم العميري )

مبدع بحق في نزف آحآسيسك .. وطريقه طرحـك ..

ربمآ تعجز كلمآتي عن الوصف .. ولكن على وعسى تفي بالغرض ..

..شآعرنآ مسلم العميري ..

لا جديد ...



دآئمآ مميز .. وتميزك .. دآئمآ يحلق بنآ . في آعلى القمم ..

كنت ولا زلت رمزاً للأبدآع ..

حمى الله بلادنآ .. وولات آمورنآ .. بكل خير..

.شـوقي لجديدك ..

كل الوود ..

[مسلم العميري]

صح لسانك
واشكرك على الروح الوطنيه

صح بدنك عايض
وسلمت على التواجد الطيب

[فزاع الحويطات]

حـول القيـاده كـل زاد إلتحامـه
وهرج القفا في وجه راعيه مردود



</B></I>

عز الله مردود مردود ...

صح لسانك وعلآآآآ شانك ياسيفنا ....

تحياتي لجهدك

[فيصل سليم الدبر]

صح لسانك مليوون يابو عمر

ابداع بمعنى الكلمه...و أبيات مميزة ... مفعمة بالمشاعر الوطنية الصادقة



والله يحفظ لنا ولاة امورنا ويديم علينا الامن والامان

[مطلق العيد]

صح لسانك يابو عمر

وشهادتي مجروحه فيك،،

لكن اقول ادامك الله ياسيف الحويطات وسيف الوطن والمشاعر،،،

تحياتي وتقديري لــكـ

[المحترم]

صح الله لسانك يأبوعمر

جيت اقتبس بيت لقيت القصيدها كلها رائعه بروعة شاعرها/مسلم العميري

تحياتي وتقديري لك

[ابوعبدالله]

بيض الله وجهك يابوعمر
وصح لسانك علي هذه الدرة الرائعه

[الشرف لي مبدا]

مبدع كالعادة صح لسانك

[العميري]

صح لسانك ياابوعمر
نص عانق القمم بروعته
وشهادتي فيك مجروحه ياعمي العزيز
دمت ودام عطائك بلاحدود
تحياتي

[نديم الشمال]

الله يسعدك يابو عمر..
وشهادة التلميذ في استاذه مجرووحه

ولكن ياخوك ودي اسألك ؟
الصوص اللي في توقيعو ويتلفت من وين جايبه
على الطلاق انه ماقع في ديار الحويطات
ههههههههههههه
..
فعلا يابو عمر يبقى الاستاذ استاذا ..

[ابوعيسى الفحيماني]

صح لسانك يا سيف الحويطات ونفتخربك ويفخربك الوطن

دمت مبدعاااا

[سعيد شداد النويجعي]

صح لسانك ابو عمر قصيده تعبر عن عمق حب الوطن اللي لابد ان يكون في قلب كل مواطن

[نايف مقبول]

صح لسانك ياابوعمر
قصيده وطنيه والوطن كالأم
اذا لم نكتب القصيد في الوطن فبمن نكتب القصيد
كعادتك تأتي بالقصيد الجزل الحصري
وفقك الله وصح لسانك مره اخرى
والله يعطيك العافية

{تحيتي وتقديري لك}

[عبدالله الموسي]

بيض الله وجهك يابو عمر وصح لسانك وعلا شانك
وطنية رائعه نابعه من ابن من ابناء هذا البلد المعطاء
وعلى ماقالو الشباب حاولت اقتبس بيت واعلق ليه
الا اني تفاجاة بأن القصيده جميعها متلاحمة ومترابطه
كما هو تلاحم شعبنا العزيز بريادته ووطنيته وحكومته

[الحاكم]

الابيات ترجمة للاحاسيس التي تنتابنا تجاه الوطن وحبه

لافض فوكـ يا أبو عمر..

رائع الشعور والمشاعر دائماً.

[مسلمة]

كلمات شامخة بشموخ كاتبها

جمال ورووووعة وجزالة .... دوماً رائع ياسيف الحويطات كيفما أتيت ومدرسة ومنظومة شعرية نتعلم منها الكثير ....

صح نبضك وعلا شأنك ودمت منارة لشبكتنا الشامخة وبالتوفيق والسداد

واسمحلي بالتقيم وختم التميز وبجداااااااااااااارة

تحياتي القلبية

[عمر ال شيبي]

يارجل كل الفخر بك وبقصيدك الطيب
صح لسانك لا هنت