ماكذبت أمي

[ندى الصبح]

ماكذبت أمي عليّ .. يوم قالت ..




لاتفرط في صلاتك
ولايغرك حب ذاتك
ولايبل الريق مسكر
حتى لو يبست لهاتك
إحرص .. تصلى جماعه
وكل ساعه
راقب الله في حياتك


ماكذبت أمي عليّ .. يوم قالت ..


لاتصير إنسان جارح
إضحك بوجه الجميع
عامل الناس بتسامح
لاتفرط في حقوقك
لاتجامل في النصائح
ولاتثور .. تصير فاضح
وإن لمست عيب صاحب
لاتنافق .. ولاتصارح
وإنتبه من هالنصيحه
لاتصير إنسان غامض
ولاتصير إنسان واضح




ماكذبت أمي

عليّ .. يوم قالت ..


إحذر .. أولادك ومالك
لاتجافيهم وتقسى
ولاتبالغ في دلالك
ربهم بالخير .. تربح
وعلم النفس القناعه
وعلم القلب الشجاعه
ولاتغطي العين وتحلم
وتخدع الرآي بخيالك





ماكذبت أمي

عليّ .. يوم قالت .. إنتبه .. لاتبني دارك

قبل ماتختار جارك
وفكر بحق المجوره!!!
لايحس إنك ظلمته ..
وإلا إنك يوم خنّته ..
وإلا توذيه بصغارك ..







ماكذبت أمي

عليّ .. يوم قالت ..


إن وعدتَ وعد .. فاصدق
إحذر تزل بلسانك
أو تقلل يوم شانك
عش عزيز النفس تسلم
حاجتك للناس .. علقم
لاتبين ضعف حالك
أو يغرك زود مالك
ولاتهين إنسان .. تندم



ماكذبت أمي عليّ .. يوم قالت ..



خلك إنسان بكرامه
لاتغرك هالأمور
المناصب
والقصور
فكَّر بيوم القيامه
فكَّر إنك ماأنت خالد
رحلة الدنيا قصيره
تلقى نفسك في سلامه



ماكذبت أمي عليّ .. يوم قالت ..
إحذر تصير البخيل
واحذر تبذر وتطّغى
واحذر تعيش بخساسه
أو ذليل
ولاتنام بيوم خالي
لاتنام بدون لاتفعل جميل
تلقى نفسك في معزه
تلقى روحك في شموخ
عش أصيل
ومت أصيل


ماكذبت أمي عليّ .. يوم قالت ..





كل ماسويتْ فيني
أو في أبوك
تبي تشوفه من عيالك
بر فينا تلقى بِرك
ياعسى الله لايضرك
والله الله
لاتلين بضعف تعصر
ولا تقسى بشر تكسر
إصحى .. وإحذر
زوجتك تشكى وتكدر
لاتدقق في خطاها
وإنتبه تكشف غطاها
تسعد بنعمة وفاها
وتلقى منها مايسرك



ماكذبت أمي

عليّ .. يوم قالت ..


لاتمل هموم حملك
ولاتظن الناس مثلك
واصنع أمرك من يمينك
لاتدور من يعينك
بين ربعك .. ولاأهلك

لاتعامل باللي تكره
ولا تجارم وإلا تشره


نقلته من الجيران

[ابن الفخر]

شكرا لك اختي وعز الله ماكذبت

لك كل الشكر والتقدير .

[إحساس الأصايل]

يا حلليلها من أم أصابت في كل وصيه

العنوان شدني حيل

الله يرزقنا برهم اموات واحياء

ندى الصبح ابقي جيبي من جيرانك كثير عندهم شي حلووو

[ندى الصبح]

اخوي ابن الفخر
شكرا لمرورك
يعافيك ربي

[عايض الحويطي]

الين امك صدقت بكل ماقالت
اشكرك الاخت ندى الصبح
ع االطرح

[ذيب الشوامين]

عز الله ما كذبت بشي

اشكرك على الانتقاء الرائع

دمت ِ بود













الذيب

[ابوعيسى الفحيماني]

طبت وطاب منقولك

تقبلي فائق الاحترام والتقدير

[الــراقي]

كلمات في الصميم
الله يحفظ امهاتنا وامهات المسلمين
ويخلي لك امك ياندى ...

[ندى الصبح]

احساس الاصايل
الله يرزقنا برهم امين

تحياتي

[ندى الصبح]

اشكرك اخوي عايض على المرور

تحياتي

[ندى الصبح]

ذيب الشوامين
شاكره ومقدره مرورك


تحياتي

[ندى الصبح]

ويخليلك امك اخوي احمد

تحياتي لك