(صحيح لا قالوا ترى الناس اجناس)

[راعي مواجيب]

السلام عليكم ورحمة الله وبركاته


اسعد الله اوقاتكم بكل خير

اترك لكم جديد حرفي علني اعطر به ذائقتكم الشعريه




صحيح لا قالوا تري الناس اجناس=وكل "ن" يبين معدنه من كلامه
بعض السوالف كنها عقد الالماس=تبقي بوسط الفكر مثل العلامه
وبعض السوالف كنها هرج نسناس=ياكثر هرجه فجر اليوم هامه
يجلس يهايط بالكذب كسر الساس=كنه أبا الطيب براس العدامه
مايجنن العاقل ياكود التوسواس=ولا يرخص القيمه ياكود الرخامه
عن ساقط الهرجه نبي نحشم الراس=وعن هرجة الناقص نلف العمامه
وإن كانها بالعز والعلم نوماس=يكفى طوارى عبس عز وفخامه
وإن كان ذكر الحاتمي نور ادماس=يكفى الرشيدي بالوفا له زعامه
خوينا محشوم عن هرج دساس=يامن وتامن في حمانا الكرامه
واليوم بامن اللي كتب فوق قرطاس=خادم بيوت الله ماحلا مقامه
طبق شريعة خالق الكون والناس=وراحة مواطن ديرته هي مرامه
يالله تحفظه للوطن دوم نبراس=وتحفظ وطنا في سما العز شامه
وختامها مافعل ترى فعل جساس=إن مانطحتك وجه ماهي شهامه






وسلامتكمـ

[عبدالله الموسي]

وانت سالم وغانم يالغالي

وصح لسانك على هذه القصيدة الدفاعية الرائعة
والنعم فيك وفي خويك وفي بني عبس عامة
وكما يقولون الشعر مواقف وهذا الموقف من انبل المواقف
واكفأها.....
تحيااااتــي

[ندى الصبح]

لسان الفتى نصف ونصف فؤاده

الانسان حديثه دليل على ما بداخله واذا لم ينتقي لفظه لم يصل الى ما يريد
والعبارات هي دلالة على ثقافة الانسان وفكرة

شاعرنا المبدع لسانك كان وصف لجميل افعالك

صح هذا اللسان ولا فض فوك

[راعي مواجيب]

عبدالله الموسي

ماعليك زود يالغالي .. وصح بدنك لا هنت

وبالفعل كما قلت اخي الفاضل هي قصيدة موقف واطرائك اثلج صدور ابياتي

لا هنت على المرور العطر

تحيتي واحترامي

[راعي مواجيب]

ندى الصبح

صح بدنك لا هنت ِ على طيب المرور

وبالفعل هو لسان الفتي نصف ونصف فؤاده

اطرائك وسام اعتز به

تحيتي لك

[أنفاس الليل]

صح منطوقكك

حرف يشع بالشهامه لاهنت ع القصيده

دمت بود

[إحساس الأصايل]

يابختكم يالشعار يجوز لكم مالا يجوز لغيركم

والجميل في شاعريتكم استطاعتكم التعبير في المواقف

تمتلكون احساس يسعد الاخرين ويعبر عنهم

ابيات ولا أجمل ياراعي المواجيب صح لسانك ولا هنت

[عمر ال شيبي]

اسم على مسمى راعي المواجيب
قصيد ه طيبه من بدايتها لا هنت ابد وصح لسانك

[راعي مواجيب]

أنفاس الليل

مرحبا بك وبحضورك واطرائك الذي اسعد قصيدتي

لا هنتِ على المرور العطر

تحيتي واحترامي

[راعي مواجيب]

احساس الاصايل

صح بدنك لا هنت ِعلى الحضور والاطراء الذي تلبس قصيدتي

لا هنتِ على المرور العطر

تحيتي واحترامي

[راعي مواجيب]

عمر آل شيبي

مرحبا بك وبحضورك واطرائك الذي اسعد قصيدتي

لا هنت على المرور العطر

تحيتي واحترامي