ياعلي

[عاشق الادب]

ياعلي خل العيـد لأم الدناديـش=ا للي تنظف كل يـوم جسدهـا
تبغي تماري ناقضات العكاريش=في كل ملفـاح تنقـض جعدهـا
العيد عيدالله ولو فـات حتيـش=من حسبة ايـام يمـرك عددهـا
نبي نعلمك المساري على الجيش=تمشي ذلولك لين يفتـر جهدهـا
خابرك مانتب ضاري للمطاريش=نبيك تونس حلوها مـن نكدهـا
ليله على مسرى وليله مغابيـش=و ليله نخلي نومها لمن رقدهـا
وليله على تمره وليله على عيش=وليله نوكلك اللحم صيـد يدهـا
ياعلي لاجيت العرب لاتجي تيش=خبل ليا جاب السوالف سردهـا
إحفظ لسانك لا يجي فيه تبطيش=تصبح عيونك كايـدات رمدهـا
يجيك من ينشدك نشـدة تكديـش=يبـي يسنـع هرجـة يعتمدهـا
خله يقوم مفلت في يـده ريـش=يروح منك وحاجته ما وجدهـا
ترى دعابيل الخبـول الفوانيـش=تبدي بما فيها ولا احـد نشدهـا
يجيك واحدهم يـورش توريـش=سحابته يسبـق مطرهـا بردهـا
واللي لغمقات السوالف مناقيـش=قراية الكلمة علـى اول عددهـا
تجي سوالفهم ضحـك وتبهيـش=وقلوبهم ما احد يفكـك اعقدهـا

[آلشوقـ]

الله يعطيك العآأإأفيه

صح لسان شاعرها مبدع

تقبل توآجدي

تحياااتي

[حور]

يعطيك العافية اخ عاااشق

[كلك نظر]

قصييييييييدة راااااائعة كنت اتمنى انك كتبت اسم الشاعر
شكرااااا لك اخي عاشق الأدب

[عاشق الادب]

شكرا لمروركم جميعا
كلك نظر
هاذي القصيدة لأحد عملاقة الشعر في الجزيرة العربية في الزمن الماضي الشاعر الكويتي صقر النصافي

[كلك نظر]

مشكوور جدا على التنويه صراحة كلماتها عميقة قلما يفوه بها شعراء ولعلني ابحث عن بعض قصائدة

[سيف الحق]

قريتها وكنها اليد تخمش تخميش ........معانيها مثل السهام محدٍ صدها

مجراه بسيطه لأجلك أخي عاشق الادب وقصيده بالفعل رائعه
تقبل تحياتي
سيف الحق

[إحساس الأصايل]

قصيده رائعه بما تعنيه الكلمة اعجبني جدااا مضمونها

دائما اختيارك موفق عاشق الادب

دمتـ نقيا