لغز يفرّ الراس ...جديد

[عناد الرواد]

وش شارة ٍ تركز إلى عرّضوها
واليا اركزت للعود ما هو يجيها


لا جا الصفري تاخذ ولو من ابوها
والكل منّا واقف ٍ يحتريها


يا رب تفتح الاشاره !!


عناد الرواد

[حوم نشوان]

النخله والله اعلم
تحياتي

[عناد الرواد]

هلاوي يا حوم نشوان

مالك لوى يالبناخي

وابعد من الجدي لسهيل

[حوم نشوان]

اجل اظنها البوابه العاموديه اللي تطلع وتنزل

[عناد الرواد]

لـّ لّه

ماهيب هي

يا حوم نشوآن

[حوم نشوان]

مادري يمكن خيالي واسع
هي السالب في الكهرباء ( ــــ )

بس لاتقولي الاشاره الضوئيه هههههههههههه
تحياتي

[عناد الرواد]

مالك لوى يا كحيلان

وأرآك تبتعد كثيرا

[حوم نشوان]

اها عرفتها
اشارة حكم رجل الخط في المباراه
يجي عليها الحل لو كان غلط

[عناد الرواد]

مالك لوى

رمعه طيبه

بعيده جدا ً الصفري ليس صفيرا ً يا استاد

[حوم نشوان]

طيب العود وشو عود عود ولا عود شايب ولا رجع ولا ايش

[حوم نشوان]

عرافين الصفري يامهندس

[عناد الرواد]

اللغز واضح

وكل كلمه في محله ولا يقبل الاحتماليات صدقني

العود الحين مقيد بالسجن

ههههههههههه

[حوم نشوان]

ياكثر اللي بالسجن
ههههههههههههههه

[عبدالعزيز سالم الحويطي]

يعطيك العافيه اخوي بس ياليت تعيد كتابة
اللغز بوضع الحركات على الحروف

[عناد الرواد]

وشّ شارة ٍ ترْكز إلى عرّضوها
واليا أركزِتْ للعود ما هو يجيها


لا جا الصْفري تاخذ ولو من ابوها
والكل منّا واقف ٍ يحتريها

[عبدالعزيز سالم الحويطي]

ماهي نافعه لابحركات ولا بدون حركات

لغز بالكون والنجوم ممكن

[عناد الرواد]

مالك لوى يا صديقي

[حسين أبوتايه]

أنا أقول أنها الثريا

[عناد الرواد]

مالك لوى يا حسين

مشكور على الرمعه

ماله خص بالنجوم

[عناد الرواد]

الرمعات
......................

[عناد الرواد]

المرماع

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عناد الرواد]

السلام عليكم ورحمة الله وبركاته

[نديم الشمال]

أقوووووول يآعنــــــــــــــــــــآد..........

مآهي حــول الفلك والكواكب وهالسوآلف...

وأنا عارف ياقرآبه إن رمعآتي أكثـــرهآ خأب ولآصآب ولآتلومني مدري هو السبب مني او من العوامل الجوية ؟؟

وياخوي انت تدري بعد عن التغيرات وعن ذوبان الجليد وثقب الأوزون وسونآمي بعــد وبركان أيسلندآ,,

أقوول مآلن علي وعلى رمعآتي 0وحتى اني فكرت أقوول انها أشارة ربط الأحزمــة ..

وسآمحني ...

[زرقاء اليمامة]

اقووووووووول يمكن العاصفه
حياك الله اخى عناد الرواد

[زرقاء اليمامة]

اذا الحل الأول غلط
اتوقع بتكون اشارة المرور

[زرقاء اليمامة]

!!!!!!!!!!!!!!!! انشالله صح

تقبل مروري

[المهندس عبدالكريم الفته]

السلام عليكم ورحمة الله وبركاته

حيا الله شاعرنا المبدع عناد الرواد ،،

ما أدري عن رمعتي ،، وش تكون ؟؟؟

لكني قارنت المعنى بقول الشاعر (كعب بن زهير):

كل ابن انثى وإن طالت سلامته *** يوما على آلة حدباء محمول

ولذلك أقول إن الحل هو :

الجنازة ،، أو النعش

والله أعلم

أخوكم
أبو ياسر

[حوم نشوان]

يمكن النصايب
بس لو اعرف كيف تنطق كلمة الصفري
نعرف وش معناها لأن الصفري يكتب وله كذا معنى
ياليت

[فزاع الحويطات]

الروي اللي تسحب الماء من الغدير
...............

[الذئب المهاجر]

اذ1 كاان المقصوود بـ الصفري : الطير اللي يجي مع المهاجر ....؟
ع كذ1 والله اعلم انها - الشوزن ام خمس .

[الذئب المهاجر]

رمعه ثاانيه بس من رامع آخر:

... الررتبه الع ـسكريه ...
ع فكرهـ ترا ما عندي غير هالرمعتين هاذي و اللي فوقها
بس ترا والله متفائل فيهن ...!

[عناد الرواد]

الحميع مشكورين على الرد

مالكم لووووووووووووووووى

[حسين أبوتايه]

مساء الخير ياعناد أنت قلت لي أن ماله علاقه بالنجوم
بس ماقلت أن ماله علاقه بالكواكب لذالك أعتقد أنه
هلال العيد يارمضان ياالأضحى والله أعلم
تقبل تحياتي

[عناد الرواد]

هلاوي الغلاوي يا حسين

مالك لوى يالبناخي ..... ولاهنت على الحضور

اشكر الجميع على المشاركه والرمعات واحيكم على التفاعل وممنونكم يا الغاليين

تم حل اللغز في منتديات الروله وفي مضايف قبيلة عنزه

[حوم نشوان]

السلام عليكم
صراحه قريت الحل في منتدى الروله
الغز جميل وصعب لكن لكن لكن
( والكل منا واقف يحتريها )
يعني كلنا نحتري ذيل الناقه المعشر
صراحه اللغز بعيد كل البعد وشلون تصير
الي عنده بل يحتري واللي ماعنده طيب
ياحليلك ابو سطام
تحياتي ،،،،

[عناد الرواد]

الكل واقف يحتريها

اكيد

وش اتجيبله بكرى ولى قعود

ومن البداهه لاصحاب الاختصاص اهل الذود


يا حليلك يا حوم نشوان

[حوم نشوان]

هههههههههههههههههههههههههههههههه

[حوم نشوان]

طيب وش رايك بلغز
موزون ومتعوب عليه

[حوم نشوان]

تجود يابناخي

[عناد الرواد]

تسلم يا طويل العمر

حطه وانشاء الله الاخوان يرمعون عليه اما عناد ماهقوتي يحل اصغر لغز لاني ماني راعي الغاز

مشكووووووور يا شيخ وجعلك تبقا

[حوم نشوان]

صراحه انا كمان ماني راعي اللغاز ولكن احب ان اتابعها كهوايه واللغز اللي اقولك معروف ومتداول والحقيقه عرضتها عل وعسى نلقا له حل
واللغز موجود تحت اسم ( هذا اللغز اللي يفر الراس ) وهو فعلا يفر الراس ياليت تحاول معنا يا أخ عنا دعل وعسى الله يقدر
تحياتي لكم