وش عاد باقي لنا بالخوخ ..... والخوخ أحمر على اخديدك

[عناد الرواد]

يبقى صبيّ اعنزه مطنوخ
يعطيك هالقلب ويزيدك


الهيل بدلالنا مطبوخ
ياحلو كيفك وتقنيدك


شيخ ٍ وحبه شرات اشيوخ
يعني اذا رادك ايريدك


ماهوب حب ٍ يجي منفوخ
ماينفع ابشيّ ويفيدك


يا ويل قلبي على التختوخ
عجزت اوصل مواريدك


يا بشرة ٍ تنحبك بالجوخ
يكفيك نظرة حواسيدك


تنتابني رعشة ٍ وآدوخ
وآذوب كلي على إيدك


والحاسد اللي تقل ممسوخ
در بالك ابعينه ايصيدك


والعين والله ولا صاروخ
الله ليقووول ويعيدك


والردف لغم ٍ مهو بفخوخ
والقد دالة عناقيدك


وش عاد باقي لنا بالخوخ
والخوخ احمر على اخديدك


والحب بيامنا منسوخ
بس حاول الكل تقليدك


ويبقي صبي اعنزه مطنوخ
يعطيك هالقلب ويزيدك