اقرب شاعر

[حمدالعبدلي]

سلام الله على الأعضاء والشعار والزوار = عدد من كبر وصلى وصام وحج بيت الله
انا القمة وانا الفيصل وانا الجني وانا البيطار= وانا الشاعر وانا الكايف وانا من روس عبدالله

[طير السعد]

هلا يامرحبا ترحيبةن يالعبدلي في دار= ربع الحويطات النشاما يوم حل ضيف الله

على هونك تهديها لاتعتجل وانت دوار= بعد ثلاث ايام ننشدك حكمة عباد الله

[فزاع الحويطات]

يالعبدلي حياك الله كثر قطرات الأمطار=وأعيدها وأزيدها بقولتي لك حياك الله
حنا عوده ابوتايه حنا ابوطقيقه وشار=والامور بخير دامي إن كل واحد يذكر الله

[طير السعد]

صح لسانك يافزاع

وخلك جاهز للضيوف:thumbs_up::thumbs_up:

[فزاع الحويطات]

صح بدنك ياطير السعد ...


وتحياتي للعبدلي

[عبدالمجيد بن غازي]

حي الله الضيف وصح لسانك طير السعد وفزاع

واذا محتاجين صفة ازهمو علينا هههه

[الــراقي]

حي الله الضيف ويعطيكم العافيه ياطير السعد ويافزاع

وبأنتظآر باقي شعرائنا

[هواوي القشابريه]

حياك كثر ماشافت عيوني جبل شار =وكثر حب الشعب السعودي لعبدالله

[مطلق العيد]

هلا والله بشاعرنا عزيز اللآبه الاخيار.....هلا والله بحمد العبدلي والضيف ضيف الله
ترى الساحه بها الصاحي بها المجنون والثرثار....وانا مالي بغثتهم ولكن قول بسم الله

[حمدالعبدلي]

مشكورين على الردود الطيبة وانتم هل الطيب وماقصرتم

يقولون العرب من غاب يكفي عنة الحضار =وانا اقول العرب امثالة ماهي بدين الله
الايامطلق العيدي الا يشاعر البيطار = تقول الحق بسم الله عليك وقلت ماشاءلله

[مطلق العيد]

ركب قافك على المعنى وحرفه سدد المنضار...شبب اي بالله اي بالله شبب اي بالله اي بالله
وانا قافي مبعثرني وحرفه كنــــه السمسار...ودامك قلت ماشاءالله ابا اصوت دخـيل الله

[الشاعر معشي الذيب]

لعج برق وسمعنا رعود لاكن مانشوف امطار // الا وش حاجت الديره المزنن مابه البله
وتدري يابعد حيي ان طار الطير مهما طار // يجي للقاع بسمله يجي للقاع بسمله