شفتك بعد غيبة وحاولت أحاكيك !!

[ذيب الشوامين]

شفتك بعد غيبه .. وحاولت احاكيك
مهوب من قلبي ولا من جراته !!

بغيت اقول / فلان وازريت احاكيك
وكني سمعت اسمي معا لالتفاته

فزيت من نومي وانا اقول لبيييك
وآثرك رويا .. في منامي وجاته

صفقت كف .. وقلت يا حلم يشوويك
جددت لي جرح ٍ هنى في مباته

يا اللي شريت البعد .. ما غاب طاريك
حتى لو ان البعد .. سواا سواته

مهوب محزني .. على حاجةٍ فيك
إلا إن قلبي شايف ٍ بك غناته !!

كن الطيوف تقول وشحال غاليك
وآقول راح .. وما بقى الا غلاته

لو ان ما جاني من الهم ياتيك
كان المصلي ما حفظ وش صلاته

مريت شارعكم .. وصادفني آخيك
واللي قطع كبدي .. حلاتك حلاته

بغيت الخبط من دعاياه ,, وادعيك
واسمك وقف بين اللسان ولهاته !!

وبغيت اجيب العيد وآقول : يرضيك
فاللي وصاتي له .. وضيّع وصاته

البعد شيّب خافق ٍ ميت فيك !!
والى مشى خطوه عثر في عصاته

مشكلتي / إن قلبي يحبك ويغليك
ومشكلتك / انك شخص عايش حياته

كثر الجفا .. نار .. وحطبها تغليييك
خف الحطب .. لا تزيد نار الشماته

إن ما احزنك جرح ٍ برجواه يدعيك
ما عاد تفرق .. عيشته من مماته

قلبي وعمري كلها بين اياديك
العمر فدوه .. لكن القلب هاته !!

وإن ما بغيت ترد قلبي ما اوصيك
احسن عزاه .. الى دريت بوفاته









الشاعر / حمد البريدي
http://abyat.com/images/users/custom/3060_3.jpg (http://abyat.com/poet/3060)

[سفيرة العمران]

أخوي الراقي..ذيب الشوامين..
صح لسانك ولسان الشاعرحمدالبريدي
سلمت على طرح هذه الذائقة الشعرية الرائعة
الله يوفقك ويسعدقلبك
نترقب قادمك


إحترامي

[سفيرة العمران]

أخوي الراقي..ذيب الشوامين..
صح لسانك لسان الشاعرحمدالبريدي
سلمت على طرح هذه الذائقة الشعرية الرائعة
الله يوفقك ويسعدقلبك
نترقب قادمك


إحترامي

[صمتي سؤآل]

ابدعت في الآختيآر والانتقآء

لآهنت ولآهآن طرحك

تقبل طلتي ..~

[امي نظرعيني]

مشكلتي / إن قلبي يحبك ويغليك
ومشكلتك / انك شخص عايش حياته
ابدعت باالانتقاء يالذيب لك ودى وتقديرى
اختك "مهرة""

[ذيب الشوامين]

أشكركم على مروركم العطر ..
دمتم بأسعد حال ..






الذيب

[زهرة المدائن]

يا اللي شريت البعد .. ما غاب طاريك
حتى لو ان البعد .. سواا سواته

مهوب محزني .. على حاجةٍ فيك
إلا إن قلبي شايف ٍ بك غناته !!

كن الطيوف تقول وشحال غاليك
وآقول راح .. وما بقى الا غلاته...



الله .. قمّة الرّووووووووعة ...

كلمات فاضت عذوبة ... معاني تذوب في الأعماق..

وتلامس شغاف القلوووووب ...

صح لسان قايلها ... وسلمت إيدين ناقلها ..

وشكراً لك أطيب قلب ... وأروع اختيار ..