عندي رسالة ولادري كيف اوصلها !!

[ذيب الشوامين]

ياصاحبي جيتك اشكيلك من احوالي
جيت ومدامك رفيقي ليه اطولها

العلم ومافيه يا أول واخر امالي
عندي رسالة ولادري كيف اوصلها

للي سبتني وانا من قبلها سالي
ابيك توقف معي وتروح تسألها

وش فيها تفتح علي ابواب عذالي
وتحمل النفس حاجة ماتحملها

وش فيها رغم الوفا تتركني لحالي
وانا لجفاها تركت الدنيا باكملها

ان كان هذا زعل علمها يالغالي
ماكان قصدي ورب البيت ازعلها

علمها والي يخلي قلبك الخالي
عن ضيقتي وين وصلت من تجاهلها

علمها كم لي وانا ما شلت جوالي
كله عشان ما قلب رسايلها

وعلمها وشلون لامرت على بالي
اروح وضم صورتها واقبلها

وعلمها كيف انشغل عن كثرة اشغالي
واسرح واغمض عيوني واتخيلها

علمها عني وعن همي وغربالي
علمها عن كل حاجة فيَ تجهلها

وان شفتها دنقت تبكي على حالي
انسى الكلام وتذكر كلمة وقلها :

قل شاعرك بيعتذر ويعاهدك تالي
انه يرتب حساباته من اولها

ويقول : حتى القصيد الي على بالي
والله ما عاد اكتبه كانه يزعلها


‫فهد المساعد الرساله‬‎ - YouTube (http://www.youtube.com/watch?v=H_A6jzbg1HU&feature=related)


..
لـ / فهد المساعد
اتمنى تعجبكم
http://forum-static.hawaaworld.com/images/hawaaworld/smilies1/smile15.gif http://forum-static.hawaaworld.com/images/hawaaworld/smilies1/smile15.gif

[حسين أبوتايه]

العلم ومافيه يا أول واخر امالي
عندي رسالة ولادري كيف اوصلها

للي سبتني وانا من قبلها سالي
ابيك توقف معي وتروح تسألها

ذيب الشوامين صاحب الذوق الرفيع دائما
في جمال الأختيار صح لسان الشاعر وسلمت
يالذيب على النقل المميز .
تحياتي وأحترامي

[مسلم العميري]

كيف ماتعجبنا وهي من اختيار ذائقة

الذيب .

صح لسان الشاعر المبدع المساعد

لك ارق واجمل التحايا,,,,

[ندى الصبح]

صح لسان المساعد
ولمت يمينك على النقل الذوق

تحياتي يالذيب

[عايض الحويطي]

وش فيها تفتح علي ابواب عذالي
وتحمل النفس حاجة ماتحملها

وش فيها رغم الوفا تتركني لحالي
وانا لجفاها تركت الدنيا باكملها


صح لسان قايلها وسلمت يمنى ناقلها

[ذيب الشوامين]

الشكر المُعطر لكل من مر هنا وعطر المكان ..
ولكل من مر مرور الكرام ..
دمتم بأسعد حال ..
















الذيب