العيد عود ولا عاد

[الشاعر حمزة الهاشمي]

- نقدر نقول : من العايدين و للا من ........ ؟؟ عذرا و لكن :


ياسعود عاد العيد ما عاد ياسعود = يمتى يعود ان كان فالعيد ما عآد ..
عود علي العيد في هم واصدود = في دار غربه زادها صد وابعآد ..
صليت انا للعيد و الشك موجود = وآقول يمكن قصة الوصل تنعآد ..
لا يا وجودي وجد من همه الجود = يومن لفاه الضيف ما حوله الزآد ..
رابع ليال العيد و الحيل مهدود = في واد انا يا خوك والناس في وآد ..
لاقبل علي الليل بامطار وارعود = و الدمع من ليل النظر يمطر اعدآد ..
يا سعود بعض الدمع ما عنه مردود = بعض الدمع يذبح رجاجيل واجوآد ..
كم قلت يقطع سيرته ناحل العود = وارجع بتال الليل وآقول ما فآد ..
يقفي و يقبل ثم يقفي و ليعود = ملعون في كسر الخواطر و معتآد ..
يا سعود لول (الدم) ما لنت ببرود = لا زال في صدري لها عرش وبلآد ..
أحمل لها في خافقي باقة ورود = من خوف لا تقبل على غير ميعآد ..
شاعر يعيش الحلم في عالمه كود = جزل البيوت افروخ و البال صيآد ..
و الحزن قبه لا بطت تسبق النود = واحروفه اعتاده و قلبه لها اجنآد ..
شاعر يحب بصدق و بصدق مقرود = من وين ما جاها تناكيد واعنآد ..
ياسعود واثر الحظ لا طاح منقود = و اليوم طاحت روح واحظوظ واجسآد..
الا العنا ما طاح كل يوم في زود = ما كنه الا الوقت يا سعود جلآد ..
يا رب ضاقت و الضماير غدن سود = في وقت لا نافع و لا يسعد اعبآد ..
وقتن به الفاره على الشام نمرود = و المالكي صاير على راس بغدآد ..
وارض العرب بين العرب تضرب احدود = و القدس مبيوعه على كل من رآد ..
و الحق ضايع بين قمات وابنود = شي(ن) سمعنابه و شيات(ن) اجدآد ..
و الدين صاير عندنا يشبه ( المود ) = يعني سهاله مرتقى فكر و الحآد ..
ما هو تشاؤم غير واقع له اشهود = في وقت اهل الدين بالسجن تنبآد ..
سب النبي و اكفر بتلقالك احشود = وامدح نبيك تنضرب دونك اصفآد ..
وان صاااحت الحره من الضيم يا سعود = قول العرب يا خيتي ما بها اسيآد ..
كثر العرب يا سعود ما منه محمود = ما دام ما فيهم أسامه و مقدآد ..
وش هو يفيد الصوت في أمة الدود = في أمة(ن) صاروا عن المجد زهآد ..
صاروا بجيش العبد خدام واجنود = سيد أباما خير من يطلق ازنآد ..
زبن علينا من هل الشام معدود = سيد أباما شر علينا و ننقآد ..
زبن علينا من هل الشام معدود = وايران قدم الناس ترسل لها اعتآد ..
زبن علينا من هل الشام معدود = و الناس في زحمه تبي تدخل استآد ..
الله يعين القلب يا كيف موجود = يا كيف حي و كله اجروح تزدآد ..
هم العرب هم(ن) وهمي انا زود = يا سعود حب القلب ما عنه مبعآد ..
اليوم عاد العيد ما عاد يا سعود = يمتى يعود ان كان فالعيد ما عآد ..

- الشاعر : حمزة الهاشمي ..

[عايض الحويطي]

صح لسانك على القصيده
والله ينصر اخواننا في الشام

[عربى الحويطى]

الهاشمى
صح لسانك
تسلم اناملك
كل عام وانت بخير

[الشاعر حمزة الهاشمي]

صح لسانك على القصيده
والله ينصر اخواننا في الشام

صح الله ابدانك يا عايض يخو صااالحه و بيض الله وجهك على مرورك الجزل ,,
آآمين ياا رب

[الشاعر حمزة الهاشمي]

الهاشمى
صح لسانك
تسلم اناملك
كل عام وانت بخير

وانت بخير و صحه و سلامه يخوي يا عربي ,,
صح كلك و علا شاانك ولا تهوون ,, اسهلت و نورت

[نديم الشمال]

كآلعآدة مبدع يالهآشمي..

تنقلت فينآ بالأحدىث وأنت تلمس الموآج وتتفقدهآ من الشرق الى الغرب

*صح لسآنكــ..

[الشاعر حمزة الهاشمي]

كآلعآدة مبدع يالهآشمي..

تنقلت فينآ بالأحدىث وأنت تلمس الموآج وتتفقدهآ من الشرق الى الغرب

*صح لسآنكــ..

الغااااالي و القدييير نديم الشمال ,,

والله لك وووحشه ووين هالغيبه يشهد الله لك وحشه ,,

بشرنا عنك و علوومك ,,

شهاده طااال عمرك وما ذا الا غيض من فيضكم وانت راع الاوله :)

صح كلك و لا هنت على هالطله ,,

[نديم الشمال]

الحمــــــــــــد لله بخير

أنت بشرنآ عنكــ متى بتتخرج إن شآء الله

*شآعريتكــ ياحمزه وشهادة لله مايختلف عليهآ إثنين

[الشاعر حمزة الهاشمي]

الحمــــــــــــد لله بخير

أنت بشرنآ عنكــ متى بتتخرج إن شآء الله

*شآعريتكــ ياحمزه وشهادة لله مايختلف عليهآ إثنين

يا جعلك بخير دووم ,,

والله بذن الله قرريب باقي لنا امتحانات بس ومشروع التخرج ,, على الله ,,

و الحمدلله من فااارقتها بخيرر :)) على ما يقولون : (( بعض الشر أهون من بعض )) ..

و داايم شهااادتك وساام على الصدر يا نديم بيض الله وجهك