تسجيل الدخول

مشاهدة النسخة كاملة : خاب الرجا


الذيب الشمالي
23-07-07, 05:56 PM
الشاعر سلامه بن حمود العطار السويلمي العطوي (رحمه الله)
كان له صديقه وبينهم صداقه قائمه ولكن الدنيا لاتدوم على حال
وفي احد الايام مرت بسلامه مشكله من مشاكل الدنيا
فذكر له صديقه وتوجه اليه وكان مالم يكن في الحسبان
ورجع وقال هذه الابيات:


خاب الرجا يا صاحبي لامع الصيت =الصاحب اللي عند حاجة عدمته
جابتني الحاجة وجيتك على البيت =وافشيت لك سرا بنفسي لزمته
ابيك تنقذ ضامري من التناهيت =الله يساعدني على اللي كتمته
ووعدتني والظاهر انك تناسيت =اهملت وعدي يالصديق وهضمته
عاملتني كني خطات السحاليت =مقبل ترحبه ومقفي شتمته
وانااتساءل كيف عني تخليت =والوم نفسي صاحبي مافهمته
ياليتني ما احتجت ياليت...ياليت =عشان ما اخسر صاحبي اللي احترمته
الصاحب اللي حاسبه من هل البيت =بيتا كـبيـر وكـل من به حشمته
لكن قولوله تراني تراخيت =واللي بنيته من صداقـةهدمته
جبت المطايا وشلت عفشي وقفيت =أمشي نهاري واسود الليل نمته
لا ضاق صدري لأفضل الهجن شديت =حرى نهوم الي ركبت ونهمته
وسجيت بديار الجدود وتسليت =والهم في وديان ربعي هزمته
أهل الكرم ماوفروا سمن بالزيت =ياماعزمني واحد ماعزمته
وإن شفت مجلس ذل عنه تناحيت =والنفس عن باقي المذله عصمته
الذل ما ارضى به لو اصبحت ممسيت =والصبر عز وهيبت الرجل صمته

almansy
23-07-07, 06:20 PM
من خانك في صداقتك فقد أراحك من عبء واجباتك نحوه ..

ومن فرط في صحبتك فقد أراحك من التفكير في أمره..

والقصيده الرائعه معبره لما حز في نفس قائلها


لك كل الشكر اخي الذيب الشمالي

للقصه والقصيده الرائعه

دمت بخير

الشهاب
23-07-07, 07:07 PM
كلمات رائعة اخى

تحياتى لك اخى الغالى

على ما تقدمة من مواضيع رائعة

تقبل تحياتى

الشهاب

مستحل المستحيل
23-07-07, 08:47 PM
الصاحب اللي حاسبه من هل البيـت
بيتا كبيـر وكـل مـن بـه حشمتـه
لكـن قولولـه تـرانـي تراخـيـت
واللـي بنيتـه مـن صداقةهدمـتـه
جبت المطايا وشلت عفشـي وقفيـت
أمشي نهـاري واسـود الليـل نمتـه

شكرا لك اخي الذيباني
على نقل القصيده الجميله وشكرا للشاعر سلامه.........
اللذي ابدع في وصف تخلي الصديق وقت الضيق........
تحياتي لك
ودمت بخير

الآتي الأخير
24-07-07, 05:43 AM
صح لسان الشاعر و سلمت يمين الناقل
قصيدة جزلة من رجل جزل و صاحب معاني و نفس كبيرة و عالية .
شكرا اخي الذيب الشمالي

الذيب الشمالي
24-07-07, 10:08 AM
الشكر لكم جميعا سعدت بمرورك العطر ادامكم الله