ياليت يدري بعد فرقاه وش جاني

[سلطان زمانه]

إلي بقالي مع الأيام ....... وفيته
والضيق لو ينهمر تشربه ودياني
ماهي كبيره علي والحزن غنيته
ولاهي غريبه إذا وقتي تحداني
كم جرح أخذته من الأحباب ضميته
وجروح قلبي زكاه لحب خلاني .
مطعون؟ عادي جفا الأقارب داويته
تعبان؟ حدي ردي الحظ خاواني
صدمه ؟ بسيطه هوان الحال مريته
مقرود ؟ أدري وإذا حرمان عداني
ما فاح هم لك والله ما تقهويته
ومامر حزني بغيري ماتبلاني
ياما وياما من الخذلان .. عديته
إلا بصاحب .. بعد العشره تناساني
أزريت لأنسى غيابه لين ناديته
والموت لامن تجاهلني وجافاني
وينه يجيني وكل عتاب كنيته
ياليت يدري بعد فرقاه وش جاني
من كنت طفل وأنا أرجاه في بيته
شيبت .. وأثره على هالحال خلاني
حتى جناح العتب لرضاه ذليته
ما طرت بعده فرح من ذل جنحاني ..
ياقلب صبرك ترى كل شي سويته
ما كان أفضل من اللي كان بإمكاني
لو بي قوه على الهجران ؟ خليته
لوبي ذره من النكران ؟ يفداني
الجرح أرحم .. إذا يرجع من أغليته
مجروح ؟ فدوه ولكن صعب وحداني

[عبدالله الموسي]

ياقلب صبرك ترى كل شي سويته
ما كان أفضل من اللي كان بإمكاني

صح ذوقك واختيار ك

ياعاشق نجد

نص ولا أروع

لاعدمتك

تحيتي

[طير السعد]

قصيده فريده وجميله للشاعر عبدالله الظفيري


عاشق نجد

اشكرك على رقي ذوقك

[وليد العمراني]

كم جرح أخذته من الأحباب ضميته


صح لسسآن الشآعر ..

وسلمت عآشق لـروعة الانتقآء ..

عوآفي ..

[صمتي سؤآل]

كلمــــات اكثر من رائعة

يعطيكك الف الف عافية عالانتقاء الجميل

بإنتظار جديدكك

[سلطان زمانه]

أستاذي
عبدالله الموسي
فاااااااااااح عطر حضورك
احترامي ةتقديري لشخصك

[سلطان زمانه]

طير السعد
سرني حضورك
دمت بسعادهـ

[سلطان زمانه]

وليد
متألق حتى بحضورك
دمت لاحبابك