الحويطي

[هبوب الشمال]

في قمة ابعاد التفاخر بالأنساب
مكتوب بالخط العريض الحويطي
طهارة المنبت رحابه وترحاب
تروى اصاله من عريق المحيطي
اشراف نسل اشراف من قدم الاعراب
وابطال في راس الشموخ وتنيطي
طوله وطنخة راس واتحدي اصعاب
ماهي عطيه أو شفاعة وسيطي
بالمرهفات اللي هوت قص الارقاب
بدين عطبينن غضبهم يشيطي
كم فارسن مرهي على حلم الاكساب
صاحن عليه مجدلات المشيطي
وكم هيتن نقصي بها اشناب واشناب
واشناب تطلب منعها لا تليطي
من حد صنعا لاخر حدود الأجناب
مدوا وردوا في مكاسب تهيطي
خيالتن للخيل ركابة اركاب
اعيال ربعي ما خلطهم خليطي
الكف سيف وزمة القلب مخلاب
تمزع شرايين القلوب وتخيطي
ارجال لا كلت ولا تحسب احساب
بعيونهم أمر الصعيبه بسيطي
وارجال لوتاقع تعلت ابمرقاب
موت بشموخ ولا خلود الهبيطي
حنا سنام الشان واسطام الاحراب
ولا علينا زود ولا قليطي .
من غير قاصر في بعدين واصحاب
رديهم له بالمرابع خطيطي .
وانا أعد أللابتي مابها اعتاب
ولا يثير الشك الا العبيطي .
افعالنا يدروبها اقراب واغراب
ولا ينكر التاريخ غير السقيطي
مادام جد حويط من ما غدا شاب
صنديد حرب وبالفطانه حويطي
ذكر النشاما طيب مانجمل اطياب
امجملينن دون راي الوسيطي
هذا وانا شاعر اجي بوسع ابواب
شاعر بحر عاش بهقاوي محيطي


الشاعر::عبدالهادي البحيح الحويطي

[حويطي الشمال]

صح لسآن البحيح
ويعطيك العافيه هبوب الشمال
على ايراد تلك الجزله

[عايض الحويطي]

صح لسان الشاعر عبدالهادي الحويطي
وسلمت ايداك اخي هبوب الشمال

[أبو زيد الهلال]

مادام جد حويط من ما غدا شاب
صنديد حرب وبالفطانه حويطي


صح الله لسانك أبو راشد شاعرنا
عبد الهادي البحيح الحويطي

وتسلم أخوي هبوب الشمال

[كلك نظر]

قصيدة فخر رااااااااائعة ويستاهلون اهل الجود الحويطااااااااااات
اهل الكرم والشجاعة

صح لسان الشاعر عبد الهادي الحويطي

[هبوب الشمال]

صحت ابدانكم جميع

الله لا يهينكم



ودي

[يعقوب العمراني]

مادام جد حويط من ما غدا شاب
صنديد حرب وبالفطانه حويطي

[يعقوب العمراني]

بارك الله فيكم