البنيه طالبه ايباد وأخوها سرير

[محمدالبلوي]

https://pbs.twimg.com/media/A7cEuHzCAAAN4Yy.jpg:large


البنيه طالبه ايباد وأخوها سرير=عندهم لكن يبو موديل بادي بالظهور
ياعيالي اسمعوا ذي قصتي والامرخير=بس لازم تعرفوها يمكن يروح الغرور
لاتحسبوني زمان بقصر وفراشي حرير=كنت انام بلا غطا وكنت اصوم بلا سحور
عشت انا وسط الصنادق كلها برد وهجير=والحصيرة فرشتي والأرض مليانه جحور
والمطر يدخل على بغرفتي تدعي غدير=تنشف هدومي علية بالضحى لاشق نور
ماشكيت ولا بكيت وما طلبت اشرب عصير=والملاهي حقتي بين التناضب والصخور
تلفي الضيفان باستمرار وأبونا فقير=الصحن لضيوفنا وحنا الحكاكة بالقدور
بيتنا ملفا زمان للكبير ولصغير=في زمانآ لامطاعم لافنادق لاقصور
وقتها ماهو كما هالحين به خير وفير=ذا زمنا خير به حتى الردي مآبه قصور
اذكر ابويه ليا جاء الضيف نسمع له زفير=يفرح بضيفه ولكن مامعه حق الفطور
كان يرسلني على كلابي ابو حميد كثير=والمقاضي دين والضيفان ماعنهم عذور
واذكر امي من صباح الله تعجن بالفطير=والدلأل الصفر ولشاهي بمجلسنا حضور
والظهر تطبخ غداءنا حاف بس سمن ومضير=والحلاوة فول سوداني نسفه بالقشور
ماتو الشياب والدنيا بعدهم ماتنير= والله اني في فعايلهم وسيرتهم فخور
يالله اني طالبك ياربنا ونت المجير=ارحم امي وارحم ابويه طلبتك ياغفور

[سكون]

قصيدة مُحكمة
رجعت بنا للزمن الجميل للبساطة للوجوه البيضاء
لجمال النفوس
للنساء المثابرات المخلصات
للرجال الكرماء
لكل شيء رغم ندرته جميل
القدير / محمد البلوي
نص من أروع ومن أرق ما قرأت
سيبقى في ذاكرتنا وسيداعب مشاعر الكثير
بورك قلمك أخي
وتقبل مرورنا البسيط

[محمدالبلوي]

اشكر اختي مرورك العطر وتواضعك وتشجيعك لي بكلامك الطيب

[عايض الحويطي]

صح لسانك ع القصيده الرائعه

[راس مالي مشاعري]

اعجبتني بصدق سلم قلمك ودام نبضك الراقي
تقبل مروري البسيط

[قمرالشمال]

يعطيك العافيه علي كلامك الراقي تقبل مروري