بعض الجروح ان صابـت القلـب تنهيـه

[قمرالشمال]

طاح العتب .. ما هيـب لحيـة مشاريـه
خل الكـلام .. و حبـل الأعـذار طـوّه
ما راح اقول أشلون .. او كيف .. او ليه ؟
تـرى السـؤال بـدون أجابـه مـشـوّه
العذر مااات .. و مـات همـه و رااعيـه
و الجرح جف .. و جـف غيمـه و نـوّه
صاحبك ضاع الهـرج مـن بيـن أشافيـه
مـا كنّـه اللـي كـان قبلـك .. مـفـوّه
يجمع لـك مِـن الشعـر فاخـر معانيـه
و يمـوت عنـدك قبـل فـيـه ايتـفـوّه
ليـه أنصـدم ؟ و تخـون قلبـي هقاويـه
و يطيح نجمـي .. و أنخـذل فـي علـوّه
أصدق مع الواحـد و احبـه .. و اثاريـه
طـوول الليـالـي معتبـرنـي عــدوّه
لا يـا بعدهـم .. و أول الغيـث تالـيـه
و أنت اتعرف قلبي .. و خيـره و سـوّه
يمكن لو انك قلت غلطـان .. قلـت أيـه
مير البـلا انـك قلـت .. ناقـص مـرّوه
قل لي متى شحيـت فـي شـي ٍ أعطيـه
و قل لي متى صـارت محبتـك .. خـوّه
يصعـب علـى الرجـال يثبـت مباديـه
و ان كانه اثبـت .. كيـف يثبـت سمـوّه
الله يبيحـك عــن خـطـاك و تمـاديـه
و يبيـح قلبـك عـن خـطـاه و غـلـوّه
ما دام حبـك خالطـه شـك .. مـا ابيـه
حب العتب و الشك .. مـا اعيـش جـوّه
ما كنّـي اللـي كـل مـا تلمـس ايديـه
يغمـرك بأحسـاس و حـنـان الأبــوّه
و ما كنـي اللـي كـل مـا مـر طاريـه
ضج الفضـا باسمـه .. و عكـر هـدوّه
يـا مرحبـا بالـجـرح .. و الله يحيـيـه
لا صـار مـن يمنـاك و الجـرح تــوّه
بعض الجروح ان صابـت القلـب تنهيـه
و بعض الجروح .. تـزوّد القلـب قـوّه
الله كتب .. و القـوس فـي كـف باريـه
و اللي تشوفه يا أبيـض الوجـه .. سـوّه

http://imagecache.te3p.com/imgcache/ed7c17cd39c4d06b959bef15d6a89f3a.gif

[رزهـ شماليه]

دائماً متميزه اختي قمر الشمال

راقت لي جداً وننتظر جديدك

http://uploads.sedty.com/imagehosting/288248_1321021079.gif

[الراقص مع الذئاب]

و ما كنـي اللـي كـل مـا مـر طاريـه
ضج الفضـا باسمـه .. و عكـر هـدوّه
يـا مرحبـا بالـجـرح .. و الله يحيـيـه
لا صـار مـن يمنـاك و الجـرح تــوّه
بعض الجروح ان صابـت القلـب تنهيـه
و بعض الجروح .. تـزوّد القلـب قـوّه
قصيده في قمة الذوق والروعه
شكرا لك قمر الشمال
على هذه القصيده وصح لسان
من قالها . تحياتي لك

[قمرالشمال]

http://lh5.ggpht.com/_V8iWfdy0lZ4/TPOR8k9LZbI/AAAAAAAAF3Y/ICObCpJbdiM/199-Glitter-Arabic-www.ward2u.com.gif

[عربى الحويطى]

قمر الشمال
دمتى ودام لنا مداد قلمك
ومواضيع المميزه

[قمرالشمال]

http://www.dm33.com/up/uploads/images/Dm33-com-633370a764.gif