بأبياتٍ مؤثرة .. السفياني يرثي أقدم سجين بقصيدة !!

[ذيب الشوامين]

"سلام يا شمر رجال المروات .. اللي لها قدر ومقام ومهوبه
باسم الوفاء والمرجله والشهامات .. باسم الوطن والتضحيه والعروبه
استلهمت واستنطقت غر الأبيات .. وازدادت بحور القوافي عذوبه
والشعر له وقفه وللناس نظرات .. وأنا عرفت الدرب وأنحيت صوبه
واحنا عرب لو بعدتنا المسافات .. اللي شمال الدار واللي جنوبه
الدين واحد والوطن والقيادات .. والراس ما يثبت بليا جنوبه
يسري بي الهاجس على سبع وجهات .. وأنوخ بحايل شداد الركوبه
وأقول عبد الله عايش ولا مات .. عبد الله اللي ثوب الإيمان ثوبه
اللي وقف شامخ سوات السروات .. ما دام وقفات الرجال امحسوبه
في وقفته عزه ونصر وكرامات .. كرامته سكنى الجنان الرحوبه
مؤمن غسل قلبه بترتيل الآيات .. والله ولي العرش يغفر ذنوبه
وفيه من كل الصفات الحميدات .. نهج النبي نهج الصحابه سلوبه
قدر عليه المعتلي رب الامات .. وذاق من دنيا المعنى صعوبه
صبر لحكم الله رب السماوات .. تاب وتطهر وأخلف الذنب توبه
يوسف قضى في السجن سبع سنوات . . والشمري فوق الثلاثين حوبه
هذي حقايق علم ولا روايات .. سجن؛ وبعد؛ وسيف يكفي عقوبه
غير الألم والقهر روحه وجيات .. إن نام في نوبه تصحيه نوبه
إلى متى يا سجن هيهات هيهات .. يسكن زواياك الحزن والشحوبه
واللي يبي يأخذ مع النفس سجات .. يلملم ضلوعه حطب للشبوبه
والجوع يسبقهم على لقمة فتات .. والبرد يسرق ضوهم ما دروا به
شاب الصبر وانبت رسوم وعلامات .. وأعلن على كرسي الأماني رسوبه
وأجساد تمشي شكلها شكل الأموات .. كل على راسه مركز نصوبه
يا عل قبرا فيه راع الصبر بات .. تمطر عليه من المخيله صبوبه
وتهب له من جنة الخلد نفحات .. عطر الجنان اللي تذعذع هبوبه
يقول أبو الوافي سلام وتحيات .. لأهل الوفاء والمرجله والمثوبه
سلام يا شمر رجال الشهامات .. باسم الوفاء والدين باسم العروبه"

‫مرثية عبدالله فندي الشمري الشاعر ابراهيم السفياني.‬‎ - YouTube (http://www.youtube.com/watch?feature=player_embedded&v=zcHLuE0sZnI)

[قمرالشمال]

http://imagecache.te3p.com/imgcache/0ffb0b86b42dd8ca69cd64c9f95b8cd2.gif

[كلك نظر]

دائما الابداع يتولد من رحم المعاناة
والنوائب تظهر معادن الناس

صح لسان الشاعر على الابيات المعبره وسلمت يالذيب على النقل الراقي

[ذيب الشوامين]

http://imagecache.te3p.com/imgcache/0ffb0b86b42dd8ca69cd64c9f95b8cd2.gif


كل الشكر لمرورك الطيب
على القوة

[ذيب الشوامين]

دائما الابداع يتولد من رحم المعاناة
والنوائب تظهر معادن الناس

صح لسان الشاعر على الابيات المعبره وسلمت يالذيب على النقل الراقي

صدقتي ..
وكل الشكر لمرورك الكريم ..
دمت ِ بسعاده

[صمتي سؤآل]

نصص آلييمم http://www.5foq.com/vb/smail/frown.gif
لاهنت يآلذيب ..

[رزهـ شماليه]

غير الألم والقهر روحه وجيات .. إن نام في نوبه تصحيه نوبه
إلى متى يا سجن هيهات هيهات .. يسكن زواياك الحزن والشحوبه
واللي يبي يأخذ مع النفس سجات .. يلملم ضلوعه حطب للشبوبه

http://center.jeddahbikers.com/uploads/jb13209583681.gif

ذوووووووووق وانتقاء رائع اخوي ذيب

ننتظر جديدك

[كلاش الشمال]

أبيات نبعت من قلب يعاني صح لسان الشاعر والله يرحم ابن فندي ويسكنه فسيح جناته

يعطيك العافيه ذيب .

[أبويزن الموسي]

صح اللسان الشاعر
ورحم الله الشمري
وبارك الله فيك
اخي ابوبتال على هذا الطرح
دمت بخير وعافيه

[ذيب الشوامين]

نصص آلييمم http://www.5foq.com/vb/smail/frown.gif


لاهنت يآلذيب ..


اللهم اكفنا شر الآلم اختي ..
شاكر مرورك العطر
على القوة

[ذيب الشوامين]

غير الألم والقهر روحه وجيات .. إن نام في نوبه تصحيه نوبه
إلى متى يا سجن هيهات هيهات .. يسكن زواياك الحزن والشحوبه
واللي يبي يأخذ مع النفس سجات .. يلملم ضلوعه حطب للشبوبه

http://center.jeddahbikers.com/uploads/jb13209583681.gif

ذوووووووووق وانتقاء رائع اخوي ذيب

ننتظر جديدك

الروعة هي مرورك العطر
على القوة

[ذيب الشوامين]

أبيات نبعت من قلب يعاني صح لسان الشاعر والله يرحم ابن فندي ويسكنه فسيح جناته

يعطيك العافيه ذيب .

الله يعافيك اخوي
شاكر مرورك العطر

[ذيب الشوامين]

صح اللسان الشاعر
ورحم الله الشمري
وبارك الله فيك
اخي ابوبتال على هذا الطرح
دمت بخير وعافيه

هلا وغلا اخوي
شاكر مرورك العطر