طبع البداوه عشقي وميته فيه وكلي فخر لي قيل عني بدويه

[قمرالشمال]

لاخير بانسان رمى ثوب ماضيه
وبالتالية يسعى لطمس الهوية

للشمس نور يحسب أنه يغطيه
ما يدري كفوفه بنوره خفيه

وأنا فدا الماضي ليا حل طاريه
أنسى الحياة المترفة والشقية

طبع البداوة عشقي وميته فيه
وكلي فخر لا قيل عني بدوية

إيه بدوية آخذ الخير وأعطيه
أبادل المعطي جزيل العطية

إيه بدوية وازرع الطيب وأجنيه
الطيب زرعي ما زرعت الردية

إيه بدوية لو تزيد المشاريه
ببقى على عهد البداوة وفيه

ما ألاحق الموضة بسوق المسافيه
اللي لهن كل يوم روحه وجية

الله سترني ، ثوبهن ذاك مابيه
لا صار تطريزة بسلك الخطيه

ماني من اللي أثبت العكس وأنفيه
وبيني وبين العيب حوض المنية

ومانيب دلوعة ولا قلت ، أمبيه
ولا لي على كثر الدلع مقدرية

رزينه وثقلي على الخف أبديه
دام الثقل زينه لعقل البنية

كرامتي نجم سطع في لياليه
ولا ذلني مخلوق مادمت حية

لنفسي عليه دين لا شك أبوفيه
ولا دفعت لمقتل الخوف دية

وأقول للي جهل الأيام معميه
مولوده ، وعشت ، وبموت بدويه
http://www.s7rny.com/uplaod/uploads/13412679065.png

[رزهـ شماليه]

http://4.bp.blogspot.com/-V4FNdu2lL88/UQrRj7RSnkI/AAAAAAAAFmY/nwJTWqkJbDo/s1600/photos_thank_you_06.gif

دائماً متميزة اختي قمر الشمال

تبدعين بطلتك الرائعه

ننتظر جديدك

[ذيب الشوامين]

والسبع أنعام بكل بدوية ..
طرح جميل ..
وقصيدة رائعة ..
عساك ِ على القوة ..











الذيب

[طلال بتال]

صح يا بدويه ،،،،

حنا بدو عمى عين العدو ،،،،،

يعطيگ العافيـــــه قمر الشمال ،،،،

وصح لسان الشاعره ،،،،

[قمرالشمال]

http://www.str-ly.com/up/uploads/images/str-ly.comcd81a26214.gif