( قـصـة الـضـيـقـة )

[قمرالشمال]

http://www.up.qatarw.com/get-6-2009-pdbiksjc.jpg




الضــــيـــقـــهــ

http://profile.ak.fbcdn.net/hprofile-ak-ash4/c21.21.259.259/s160x160/424455_392482667513461_863031391_n.png


ياكبر الجرح في صدري وهمي للحزن عنـوان
وأنا وضيق القصايد والظروف اللـي تحدانـي

أجيب المعنى من بطن السحاب وتمطر الاشجان
وأصب الضيقة بذكر الولـي سبحانـه أحيانـي


كتبت الضحكه لغيري وغيري يكتـب الاحـزان
رسمت الحلم الابيض يوم كانت عنـدي الوانـي


حفظت الصاحب المخلص وأثره كاذبٍ خـوان
يصف أرماحه بصدري وشمت بـي الاعيانـي


بعد مافاحت دلالـه يقهويبـي شمـوخ إنسـان
توفى لحظة البسمه تـرك نـاره وهـو جانـي


( أبعثر قصـة الضيقـة ) وأغير نظـرة الالـوان
من الاسود إلى الابيض لجل يفـرح بهـا ثانـي


تجينـي قصـةٍ أخـرى تخلينـي بلاجنـحـان
حبيبي صار حلـم وراح تركنـي تافـه أعانـي !!


ليالي سرمديـه جـت أغنيهـا علـى الالحـان
نـدور مايعلمنـا وجانـا الــدرس مجـانـي


هذاك اللـي تمنيتـه يالـي لا دانـه دانـه دان
تهذري يابدر عـزاه مشيـت الـدرب عميانـي


وصارت زهره لغيري يسقيهـا وسـط بستـان
وجفت كل بساتينـي صفالـي شـوك ضميانـي


زماني ماشكيتـه يـوم ولاقلـت العفـو تعبـان
ولكن حانت السكـره وخانـت بـي الازمانـي


تمنيت الزمن يرجـع وأغيرماجـرى وماكـان
ولكـن قصـة الضيقـة تلذذهـا علـى شانـي


تكابر يا أخي نافـق ولاهـان الكـذب لاهـان
تشـوف اليـوم قدامـك إسلامـي وعلمـانـي


يقول شفيك ماتحكي وصمتـك للعنـى طربـان
ياعمي خلني ساكت وش اللـي منـه ماجانـي


سبب عقم الردي إن المراجل فعل ماهي لسـان
كثيراللـي يقـول اليـوم كـان وكـان جدانـي


على وجه القمر قصة مجاريـح الهـوى شتـان
أنين الصمت يصرخ بي من الداخـل ويشقانـي


أحبه ياعرب واللي رفـع سبـعٍ بلـى عمـدان
أخلط الضيقـه بضيقـه مدامـي فيـه هيمانـي


أناعابرسطابـي ضيـق كتـابٍ بـادي بعنـوان
ولابـي مـن ختاميـه تشابـه طيـب عنوانـي


ياثقل الصبر في صدري وصدري كنه الميـزان
كما فارس عثـا خيلـه وضيـع فيـه ميدانـي


أهب ياجود هاك الجرح يعاشرني وأنـا شقايـن
جرى سمـه ولا أدري معـى دمـي وشريانـي


تنخيت الفرح فزعـة شجـاعٍ ينتخـي بركـان
وأثاري الجرح يلعب بي وكنـه باقـي أخوانـي


تعبت البحر وأمواجه تعبـت مواجـه الحيتـان
ويعني وش بقى باقي من الضيقـه تعـب ثانـي


وحيد وموطني زحمـة ولكـن مابهـا سكـان
تزاحمت الصبر والضيق سكنت الجرح وحداني

أقـول شفيـك متشائـم مسيـرة تفتـح البيبـان
وأثاري الصمت يلعب بك وفيك الضحك جوعاني


أبرحل مع أنين الصمت وبحكي سالفـة حيـران
وأهاجر للأبد وأنسى مدامـه خانـت أوطانـي


نهاية قصة الضيقـة مشاعـر كاذبـة وأشجـان
تعلـم تخفـي الدمعـه ولـو ماكنـت ربحانـي



http://t1.gstatic.com/images?q=tbn:ANd9GcR-4OpxTsdo9VjaY4Y1-oX-uris2xLx7XhN4WpKYjRbtQSVBtsOou-W9Hsl

[الشهاب]

وحيد وموطني زحمـة ولكـن مابهـا سكـان
تزاحمت الصبر والضيق سكنت الجرح وحداني


طرح موفق ورائع

بارك الله بك

الشهاب

[قمرالشمال]

http://up.domenal.com/uploads/domenal_13203209015.gif

[ذيب الشوامين]

كلمات أليمة ..
وكلها معاناه مُحب فاقد ..
يسعدك ربي ..








الذيب

[قمرالشمال]

http://3.bp.blogspot.com/-XHw6tpMuk70/UVKHiUi0_7I/AAAAAAAAAJ8/IPi6bl_RaY0/s320/%D8%B5%D9%88%D8%B1+%D8%B4%D9%83%D8%B1%D8%A7+%D8%B9%D9%84%D9%8A+%D9%85%D8%B1%D9%88%D8%B1%D9%83+-5.gif