ماني بحاتم طي .

[محمد البياضي]

كان الرجل ما يـدمـره غيـر طـيـبه
__________والله لـخلي الطـيب يـقـضي علـيـه
لـو راح بعض المال ماهو بغلـيـبه
__________ماهـو بـخساره اقـدمه مـن يــديــه
في واجـب لضيف ٍ بلاده غريـبــه
__________قــيــمـة جــذع والا بـحايـل ثــنـيـه
اول نـهـار ان حــل والا بـمغــيـبـه
__________مـن نـفس اهلي فـيه صبح ومسـيـه
نـفس ٍ تـقـول الضيـف ربي يـجيـبه
__________وان شافـته تـقـول يـالله ان تـحــيـه
اكرم ونفسي طوع ماهي ابـغضيـبه
__________دايــم عـلى جزل الـمـكـارم رضـيـه
واقـلـط الـواجب مـن الـقـلب طـيـبـه
__________مـن جـود نـفـس ومـن يمـين ٍ نـديـه
لـلضـيف عـندي مـوقع ٍما يجي بـه
__________غـيــره وهــذا شيء مغـروس فــيـه
مـانـي بـحـاتــم طــي ربــي يـثـيـبـه
__________الـلـيّ شهـر صـيـته مـن الـجـاهلـــيه
ولا بـبـوي الـليّ خلا الطـيـب جيـبه
__________مـات بــمعـزه عــقـب عيشه هـنــيـه
والـجـود بـالاجـواد شــب ٍ وشـيــبـه
__________الــناس فـيـها طـيــب ماهي بـرديــه
وان راح كـل المال بـلـفـيـن خــيـبـه
__________لـنـاصي ٍ جـانـي ومـطـلـوب ديـــه
رجل ٍ زبــنـي مــبـتـلا في مصـيـبـه
__________وشـلـون مـا افــكـه ولــي مـقــدريــه
والا لـمـحـتـاج ٍ ظـروفــه صـعـيـبـه
__________كشفـت فــقــره رغــم نـفـسه غــنـيـه
عــزيـــز وضعـه ما شـكاه لـطـنـيـبـه
__________يـسـتاهل مـن الـجـود جـزل العـطـيـه
والا لــيتـيــم الــدمع يـسـبـق نحـيــبـه
__________تـنــزل دمـوعه مـن على الـقلـب كـيه
اوحـي مـن الحاجـه جـروحـه عـطيبه
__________واضــح عـلـيـه اثـــارهـا الــداخـلـيــه
مــات الـذي فــي دنـيـتـه هـو حـبـيـبه
__________والـده والــوالـــد عــن الـشـمس فــيـه
قــررت اسجـلـهـا ومـن دون ريـــبــه
__________فـي واجــب المحـتــاج مـنـي وصـيـه
والله ماارجع لـو عـوى الضلـع ذيـبـه
__________صـابــه قــوى فـالـلـيلـه الـخـرمـسـيـه
ماهــو نـفـاق ولا ريـاء ولا غـصـيـبـه
__________مـن طـيــب لـه تـنـقـاد نـفـس ٍ سخـيـه
ادري بـعــض نـاس ٍ يـــقــوم كـتـيـبـه
__________مـن الـغــضـب والا يـسـوي قــضــيـه
بــحــجـة ان الــمـال ورث لـقــريــبــه
__________والـظاهـر ان الـحرص زايـــد شـويــه
ان جــاء الـقريب ويطلـبه ما عـني بـه
__________لـه عــذر مــتــولــف وحـجــه قــويـــه
هــــذا ولا دورت جـــــاه ٍ وهــيـــــبــه
__________فـــي كل ما قــلـتـه وانــا اخـوفــضـيـه
عــيــالــنـا كـلا ً يــــواجـــه نــصـيـبـه
__________مـن بعدنـا فـي حـفـظ رب الـبـــريــــه

[فهد الحويطي]

هــــذا ولا دورت جـــــاه ٍ وهــيـــــبــه
__________فـــي كل ما قــلـتـه وانــا اخـوفــضـيـه


والله ونعم فيك ولا هنت يامحمد والطيب في امثالك ماهو غريـــب

صح لسانك وعلا شانك يامحمــــد على ماكتبت ... وتقبل مروري

[الفارس]

ابدعت لله درك
و الطيب و الاصالة ما هي غريبة عليك
صح لسانك

[طلال بتال]

صح السانك ،،،،

[حسن علي الفحيماني]

رجل ٍ زبــنـي مــبـتـلا في مصـيـبـه
__________وشـلـون مـا افــكـه ولــي مـقــدريــه

صح لسانك يامحمد

[محمد البياضي]

شاكر ومقدر ادارة المنتدى على تميزهم للموضوع .
وهذا طيب ومتابعه من القائمين والمشرفين على الموقع والطيب ليس بغريب من اهل الطيب .

[محمد البياضي]

والله ونعم فيك ولا هنت يامحمد والطيب في امثالك ماهو غريـــب

صح لسانك وعلا شانك يامحمــــد على ماكتبت ... وتقبل مروري




والله والف نعم فيك وبيض الله وجهك يا شاعرنا الجزل فهد المشهوري .
مرورك تشريف وتعليقك وسام ياالوفي ويشهد الله اني سررت به كثير.
دمت وسلمت .

[محمد البياضي]

ابدعت لله درك



و الطيب و الاصالة ما هي غريبة عليك



صح لسانك





بيض الله وجهك وصح بدنك ياالفارس ولا عليك زود ياالوفي ياالاصيل .
مرورك يشرح الصدر وتعليقك تاج فخر.
دمت بحفظ الكريم .

[محمد البياضي]

صح السانك ،،،،

بارك الله فيك اخي الكريم / طلال بتال وبمروك الذي اسعدتني به .
دمت بحفظ الله ورعايته.

[محمد البياضي]

رجل ٍ زبــنـي مــبـتـلا في مصـيـبـه


__________وشـلـون مـا افــكـه ولــي مـقــدريــه

صح لسانك يامحمد


صح بدنك ياابوعلي وبارك الله فيك وبمرورك الذي اسرني .
دمت بحفظ الكريم . .