و لا اقسى من اغياب الاماني وجيتها

[راس عيطا]

تغيب الاماني وانت معها بديت اتغيب
ولا اقسى من اغياب الاماني وجيتها


تعنّى إلى إوجيه ٍ ترحبّ بكّ الترحيب
وتعوّذ من إوجيه النفاق وروايتها


وخاو الرجال ولا تخاوي مخوّة جيب
وعاف الرجال المنتهّيه أبمدتها


تشوف اكبر عيالك مجنب ادروب الطيب
و لا كنّ ربيته على رفع رايتها


هنا تقفل الدنيا على لحية آبو الشيب
وهنا ونة ٍ تقسى على الليل ونتها


تعيد الحساب وكل الاوراق بالترتيب
وتحرق زقاير كل حبّه ابحبّتها


كذا هي حياتك ، جرح ينزف وجرح يطيب
واساعيف خلق الله ما انته ابحاجتها


توكل على الله ما يصيبك بعلم الغيب
سوى اللي كتب ربك والايام ساقتها

ترى الطير في كفّك لو اتقلبه تقليب
يغرّك بريشه لا المخالب وصكّتها

وانا كثر ما شفت الحصاني وشفت الذيب
لقيت الحصاني اذيااااب لكن بحيلتها


هل الطفحا اللي فنشوها من التهريب
تسابق وتكسب بالمراكض مدالتها

وهل الشيخه اللي ورّثت من زمان كليب
تشّيخ عليها بشوت ما هيب حقتها

مدام البطون امن العذارى اتحمل واتجيب
تحرى رجاجيل ٍ تنومسك وقفتها

ترى الفقر في علم المخاليق ماهو عيب
تمد الادين وعيب الادين مدّتها

[عايض الحويطي]

صح لسانك ضيفنا الرائع