نص : وطن عمري

[حاضنة البحر]

\

وش اللي يصير بالدنيا | وش اللي ياترى يجري ؟
اذا غيّرت انا التاريخ / وقلت اليوم
ميلادي

كم الباقي من الأيام | كم اللي راح انا مدري ؟
رحل كل الزمان العذب / رحلت و صوته
ينادي


رعب هذي الحياة اشباح | كيف اوطّنه عمري ؟
وانا حتى صرير الباب / احسبه صوط
جلادي

غياب وغربتي تبدأ | بـ طريقٍ آخره اسري
ولأني به انا همّيت || يقول : اظلم هو
البادي

يـ اخي الغربة تقسّيني | تصبّ الصّبرفي صدري
ويصير البعد معي عادي / و هو اصلاً مهو
عادي

وأمي لي تحنّ هناك .. | .. تكلمني مع فجري
توصيني على حفظ الصلاة / ورجعة
بلادي

وطن ليتك تمدّ اليد | تذوق شوي من عُسْري
عسى كفّ العطايا تجود / ويطعم بذلها
الغادي

وطن غلطان | من قال : المنافي توتها يغري
ما اظن التوت فـ ابعادك / مطلوبي و لا
زادي

وطن قلبي يروم ارضاك | يدندن لك وله شعري
واجي من باب دعاني الشوق : اغني
اف مفرق الوادي

وطن آهديتك الأحلام وسمّيتك .. ( وطن عمري )
وأنت آهديتني بردك وليلٍ خاصم
ارقادي

قفل فمّ الكلام .. اشفاه | بعد ما اتعبه امري
وغدا شكل الحكي فيني / مثل طفلٍ بدا
هادي

ياليت الغربه تنقشني | ويوشم خدّها حبري
قبل لاتذبل حروفي / رهينة حكمها
السادي

وطن كان الفراق اقدار | فراقك ماقبل عذري
رحلت وعذري الخذلان / رحلت و صوتك
ينادي
/