قصيدة مصلح الحربي في الحويطات

[الفارس]

قصيدة للشاعر / مصلح بن براك المحمدي الحربي في مدح الحويطات



يارافـع السبـع الشـداد العظيمـات
ياباسط ٍ من تحتهن سبـع اراضيـن
والعرش والكرسي عليهـن منيفـات
يامنزل الاسرا والاعـراف والتيـن
بامرك حضرنا من بعيـد المسافـات
جينا نتشـرف بالرجـال الشريفيـن
سلام من حربـي لكـم يالحويطـات
ياهل الكرم والسيـف أول وهالحيـن
أفعالكـم ماهـن عليـنـا خفـيـات
يشهد بها القاصيـن قبـل القريبيـن
لكـم بتاريـخ الجزيـره بطـولات
من مملكتنا ليـن مصـر وفلسطيـن
ياما لكم في ماضي الوقـت غـارات
عدوكـم يشكـي عواقيبهـا سنـيـن
يوم ان ابو تايـه يقـود الاصيـلات
بيارقـه تكفـخ مـن يسـار ويميـن
وابو طقيقه طـق بالـروس طقـات
طقة شيوخ القـوم فـي ذمتـه ديـن
يطقهـم طـق النيـاق الغريـبـات
لاوردت الجربا لحـوض البعاريـن
ويقـول ربعـه بالمبـارك منيخـات
ماذيروهـا بالرصـاص المعـاديـن
يامقلطين الضيـف فـوق السمينـات
رجالكم يكـرم ولـو ماملـك شيـن
وانسابكم في شجرة العـز جـزلات
شجره تظلـل مـن تحتهـا بساتيـن
ماهـي سوالـف ليـل ولا دعايـات
علم ٍ عليـه مـن المـؤرخ براهيـن
عليـه بالمعجـم تواريـخ واثبـات
وعما ذكرته كـل الاجـواد داريـن
يشهد عليـه الله وصـدق الروايـات
في شجرة الاشراف عـزه وتمكيـن
حويط ابن جماز راعـي الطويـلات
شريف نسل اشراف من شجرة حسين
وش عاد نحصي من رجال المروات
للطيب طيـب وبالمعـارك مجانيـن
يابـو طقيقـه يازبـون العسيـرات
يامزبن الي من عنا البعـد ناصيـن
تنحر لهم عـوج المطايـا جزيـلات
مع دلـة ٍ تجلـى همـوم الحزينيـن
جدك طرد باشات الاتـراك زافـات
جوكم سلاطيـن ٍ وراحـوا مساكيـن
ورثت طيب الجد فـي كـل مافـات
سجلـت بالتاريـخ جملـة عناويـن
علـى يدينـك يصغـرن الكبيـرات
وفي حكمتك يركد شعاف الشياطيـن
نرفع لك البيضا بـروس الطويـلات
ياراعي البيضا على العسـر والليـن
نرفع لربعك في سما المجـد رايـات
بيض بثلاث قلـوب ووجيـه ويديـن
ونرفـع يدينـا فـوق لله بـدعـوات
نرجيه يرحم من رحل قولـوا اميـن
يالله عسـاه بجنـة الخلـد مامـات
في جنة الفـردوس بيـن الرياحيـن
ذويه يقصر دونهـم قـاف الابيـات
لأنهـم مضـرب مثـل فالقوانـيـن
في فعلهم صاروا مثـل بالسماحـات
سمحيـن ياحويطـات والله سمحيـن
مضرب مثل للمرجلـه والشهامـات
خليتـم الدنيـا وفضلـتـم الـديـن
والآن معكـم بالمكـارم شـهـادات
إعتـاق مسلـم زي عتـق الملاييـن
حديث باسنـاده صحيـح الروايـات
ياحظكـم باعتـاق كـل المسلميـن
بكـره بفعلتكـم تذيـع المحـطـات
تفخر بها العربان حضـر وبداويـن
والفضـل بعـد الله لـراع المهمـات
لبـو طقيقـه ثـم لابـن الكريميـن
الغانمـي ذيبـان جـزل العطيـات
من ساس حرب الي على الضد قاسين
حرب الدول ماهيب حرب الدويـلات
دفانـة الركبـه بوسـط الميـاديـن
ضاري على زم الحمـول الثقيـلات
يشيلهـن بالحـال ماقـال بعـديـن
ولكم من الحربـي سـلام وتحيـات
ياعلكـم دايـم علـى العـز باقيـن
تحية ٍ تشمـخ علـى روس ابانـات
واثقل على الميزان من طور سينيـن
والله لـو أنظـم بيـوتـي ألافــات
ماتوفـي احقـوق الرجـال الوفييـن
لو افتح بديوان الاشعـار صفحـات
أفعالـكـم ماتحتويـهـا الـدواويـن
وصلوا على خاتم جميـع الرسـالات
محمـد المختـار خـيـر النبيـيـن
اعداد مايقرى من حـروف الايـات
واعـداد ماحجـو لمـكـه ملبـيـن