محمد البياضي
20-08-15, 09:39 PM
قام بدور الاب الشاعر/ اسماعيل البياضي .. الاب الذي طلب من ابنائه مبلغ من المال بقصيده.. ووجهت لهم القصيده ونُشرت عبر وسائل التواصل وتأثروا منها اولاده وقمت بدورالاولاد بالرد بعد ما تاكدت عدم قصورهم .. الموضوع من خيال وليس المعني به احد ولكن هذه الحالات موجوده في الواقع الذي نعيشه ومن ضمن قضايا المجتمع .
يا عيال ابوكم عود وانتم تشوفون
____________محتاج منكم تالي العمر فزعات
ماهو على ما كان والمشي بالهون
____________من بعد ماهو بالدقايق مسافات
والشوف ما من شوف من دون في دون
____________لنه غشاه الليل في موقعه بات
حقي عليكم فرض وانتم تعرفون
____________الكل منكم بالشهر عشر ميات
يا عيال يعني الف ماهو بمليون
____________يكتب لكم بالاجر مليون حسنات
ما دمت حي حاذور عني تخلون
____________ادعي لكم في تالي الليل دعوات
احسن من الدنيا ومنها تحوشون
____________وختامها مني سلام وتحيات
ردي على لسان اولاده :
بيوت شعرك ضيقت يا يبا الكون
____________بوجيهنا ضاقت فجوجٍ وسيعات
مضمونها حمى الكرونا وطاعون
____________واثقل علينا من جبال السراوات
نشرتها عبر التواصل ولا تهون
____________واليوم صارت في جميع القنوات
واللي ما يدري يقول ياابوي مغبون
____________على عيالك وانت تدري وبالذات
لك منزله بعيوننا داخل النون
____________تبقى مع الحيين منا والاموات
لك موقعٍ بنفوسنا ماهو بدون
____________مكانتك بقلوبنا من سنوات
بين اسرتك عايش معزز ومصيون
____________ما لحقك من الوقت قاصر وميلات
ولا دخلت الدار ولا انت بالشون
____________في منزلك محشوم في كل الاوقات
في كل لازم لك عيالٍ يسدون
____________ماقصرو حتى بكبار المهمات
ياابوي حنا ابناك وابليس ملعون
____________فزعتك في كل الامور الصعيبات
لا صار لك لازم ولا صرت مديون
____________تآمر امر ماهو ترجي تقل هات
لونا نقدم لك كثر مال قارون
____________كنا نقدم لك ثلاثة ريالات
الوالد انت ولو على ارقابنا تمون
____________ارواحنا من دون عزك رخيصات
ما واحداً منا له تقول ممنون
____________واجب وهذي وصاة رب السموات
نطلبه لك من يآمر الشي ويكون
____________يمد في عمرك سنينٍ طويلات
يا عيال ابوكم عود وانتم تشوفون
____________محتاج منكم تالي العمر فزعات
ماهو على ما كان والمشي بالهون
____________من بعد ماهو بالدقايق مسافات
والشوف ما من شوف من دون في دون
____________لنه غشاه الليل في موقعه بات
حقي عليكم فرض وانتم تعرفون
____________الكل منكم بالشهر عشر ميات
يا عيال يعني الف ماهو بمليون
____________يكتب لكم بالاجر مليون حسنات
ما دمت حي حاذور عني تخلون
____________ادعي لكم في تالي الليل دعوات
احسن من الدنيا ومنها تحوشون
____________وختامها مني سلام وتحيات
ردي على لسان اولاده :
بيوت شعرك ضيقت يا يبا الكون
____________بوجيهنا ضاقت فجوجٍ وسيعات
مضمونها حمى الكرونا وطاعون
____________واثقل علينا من جبال السراوات
نشرتها عبر التواصل ولا تهون
____________واليوم صارت في جميع القنوات
واللي ما يدري يقول ياابوي مغبون
____________على عيالك وانت تدري وبالذات
لك منزله بعيوننا داخل النون
____________تبقى مع الحيين منا والاموات
لك موقعٍ بنفوسنا ماهو بدون
____________مكانتك بقلوبنا من سنوات
بين اسرتك عايش معزز ومصيون
____________ما لحقك من الوقت قاصر وميلات
ولا دخلت الدار ولا انت بالشون
____________في منزلك محشوم في كل الاوقات
في كل لازم لك عيالٍ يسدون
____________ماقصرو حتى بكبار المهمات
ياابوي حنا ابناك وابليس ملعون
____________فزعتك في كل الامور الصعيبات
لا صار لك لازم ولا صرت مديون
____________تآمر امر ماهو ترجي تقل هات
لونا نقدم لك كثر مال قارون
____________كنا نقدم لك ثلاثة ريالات
الوالد انت ولو على ارقابنا تمون
____________ارواحنا من دون عزك رخيصات
ما واحداً منا له تقول ممنون
____________واجب وهذي وصاة رب السموات
نطلبه لك من يآمر الشي ويكون
____________يمد في عمرك سنينٍ طويلات