قصايد محمد جار الله السهلي

[حور الشمال]

][®][^][®][ محمد جارالله السهلي ][®][^][®][


هذا الشاعر المميز دائماا يتحفنا بشعره الرائع دائما يحملنا معه في بحوور الشعر الرائع

اتركم مع شعره الرااااااااائع





يهزني الموت وطاري وحشة قبوره

.................. وتطري ذنوبي علي وربي ادرابي


واحس في داخلي هالروح مذعوره

................. وايمـمـ الوجه للخالق ولا القابي


سوى امنية شاعر ٍ خجله ومغروره

............... وخوف وطريق وبقايا طيبة اصحابي


واحساس لو اكتبه بتعاتب سطوره

.............. حظي وطيبي وعقلي واول احبابي


يارب .. ساعدني ابني حلمي وسوره

............... ودي اشرّع لـ بكره .. كل ابوابي


تعبت اشوف النهار بدفتري نوره

................ واجامل الليل واقول انه (( اولابي ))


يا عين لاهنتي وعن جد مشكوره

................ يا ما حشمتي سواد الليل باهدابي !


قلتي : زهقت الظلام وقلت : معذوره

............... ما دام جسمي عجز عن شيلت ثيابي


تبت يدين الصبر لا طالت شهوره

............. ما هي بسهله سنه ناطر على اعصابي


قدام عيني تطيح احلام .. مقهوره

............. يا رقة القلب .. ويش القلب .. سوّابي


ماني مكمل ياهمي خلها مستوره

............. بيني وبينك ( قصيدي ) واعتق اسرابي


لان ( الشعر ) لا طرالي جفت بحوره !

................ واحس كنه يموت بـ صفحة كتابي !!


لاني احبه واحب اراعي شعوره

.............. احسب حسابه مثل ما يحسب حسابي


ابيه لامن حظر يجمّل ... حظوره

................ وان قدّر الله وغبت؟؟ يقدّر غيابي !!


شاعر ( ماهوجس ) بقولة كم جمهوره ؟

................ يكفيني ان ما كتبته (( كاسب اعجابي ! ))

[حور الشمال]

تعال اغنيلك الموال iiوغيابك
للشوق ( بحه ) تميز نبرة اشعاري


زهبت عذري وردي لاابتدى iiعتابك
كم لي افكر شقول ان قلت iiشالطاري


بقول مشتاق للطعنه من iiاهدابك
ومشتاق اكثر لقولة باخذ بثاري ii!!


وبقول مليت مدري ملني iiبابك
من غبت دونه وقف عمري iiومشواري


مغير اسولف له اللي صار iiباسبابك
وارمي عليه الشقا والهم iiواعذاري


من غير لا ادري اجي وان قال وش جابك ؟
قمت اتساقط علي من ( غيمة iiافكاري)


لين اتبلل (( وله )) واطير iiاسرابك
وتروى عصافير فرقانا من iiانهاري


وارد ميت عطش واقلب iiكتابك
واقرى حكاية سراب ٍ عذب ازهاري


شفني ذبلت وطفيت وجيت iiابحيابك
عمري دفعته ثمن دربي iiومسياري


اما تخليني احيا فيك iiوابقابك
ولا تاكد وفاتي آخر iiاخباري


ابك انت مره طرالي احرق iiاعصابك
طاوعت فكري عليك وجيت لك ساري


فكرت ابيعك وابعثر بالمدى iiاطيابك
عقلي نواها وقلبي قال انا ( شاري ii)


ورديت احسك بصدري واحسب احسابك
اني زرعتك لقا وابقطف iiاثماري


واليوم دام المسا توه iiتغنابك
اقررب مدامك لحن تشتاقه iiاوتاري


ابعزفك للقصيد اللي iiتسمابك
وشب لك داخل بحور الشعر ناري


واسمعك ما كتبته لين ( iiينتابك
غرور ) واسمع كلام ٍ عده iiاجباري


لاصرت انا والقلم والدفتر احبابك
يحق لك لو تقول ان الشعر iiداري


ما قلتها قصدي اني اكسب iiاعجابك
لكني بهذي ادري ويش iiمقداري


الصعب جذاب وانت الصعب iiيزهابك
وانا على الكايده يا عاشقي iiضاري


وان جات للجد له لذه ترى غيابك
شف ( بحة الشوق ) كيف تميز اشعاري ؟؟

[حور الشمال]

لا صرت بايعني .. اشوفك على iiخير
مع السلامه .. دام ما به سلامه !!


قلت : انتهينا؟ قلت لك : خير يا طير ii!
ماني باول شخص يخسر iiغرامه


محذرك من قبلها الف iiتحذير
لا عفتني بيعيف قلبي هيامه ii؟؟


مانيب ميّت لا ! ولا احتاج iiتبرير
صح الله لسانك .. ووفر iiكلامه


بسمعك .. حبكه .. وفكره .. iiوتصوير
وافهم عدل يا مدعي iiبالفهامه


وجه الشعر ( ابيض ) ويحتاج iiتغيير
ودي تزيّن هالقصيده ( علامه ii)


ماضيك ( الاسود ) بذكره دون iiتقصيير
كذا يكون بخد هالشعر .. ( شامه !! )


يصدق معي تعبير .. ويخون iiتعبير
يا ضيعة الشاعر .. بوقت انسجامه ii!


يمكن خطا ادونك بالشعر ؟! iiمير
لو ما احترمتك ؟ للغرام احترامه ii!!


ما كان حبك غير بس طعنتك iiغير
علمتني معنى الندم iiوالندامه


ما جاك مني اي زله iiوتقصير
كل ما خطيت اعاتبك .. بابتسامه ii؟!


حسبي على الذكرى اذا هبت iiعصير
ما عاد تنفع شرهتي iiوالملامه


البال ( ضامي ) وقتها والحزن ( بير ii)
( خسرتك ) وهمي ( كسبت ) اهتمامه ii!!


والليل فازع لك كذا !! جاني iiمغيير
ظلمتني واكثر ظلمني iiظلامه


لا اقبل علي اوحييت صوت iiالمسايير
وفزيت كل ضيف ٍ اقوم iiبمقامه


وليا عزم هالليل ( ضيقه وتفكير ! ii)
قلّي بربك كيف بقدر انامه ii؟؟


ما فيه داعي للعتب iiوالمعاذير
الغدر ( خال ) الجرح واطيّب ( عمامه ) !!


أما يجيب الله مطر .. تالي وخير ii؟
ولا السلامه مااااش مامن سلامه !!

[حور الشمال]

حمدان حبْ لي راس ابوي ان جيته

..................... وقـله : لا يحمل هـم .. من زلّوبي


الطيب يكفـي ... مـده ومـديته

.................... وانـي عـلى دربه .. مشيت دروبي


ولا يهمـّـه صـاحب ٍ عـديته

................... في مـا مضى اقرب علـّي من ثوبي


فـ المرجله والطيب ذايع صـيته

................... ما اقدر اذمـّـه واكـسبه فـ ذنوبي


لو حلفـوني حلف .. مـا ذميته

.................... لاقـول والله ضـامنه فـ جيوبي !!


والمشكـله على البشـر بديته

.................... وفـ اللازمه صد وترك ماجوبي ؟؟


على آخر ايامـه تردّى .. ليته :

.................... حشـّم بقـايـا عمـّره المحسوبي


يـا كبرهـا بـحقه اذا مـريته

...................... بيشوف تقصيره معي عذروبي ؟!


على العموم الاخ ( ذا ) شلّـيته

..................... من بـالي ويانفـس عنـّه توبي !


حمدان راس ابـوي لا حبـيته

..................... خـلّك اوّزانـه .. سمّـعه مكتوبي


قله : محمد قال : فآخر بيته :

................... (( لا يستضـيق وربـعنا هلّوبي ))


يا كـم وفي ٍ بالوفـا جازيته

.................. بنفس الوفـا جازاك .. في مطلوبي


وقـله محمد مثل مـا وصّيته

.................. على يـدك .. واسـلوبي هو اسلوبي


وان الشعر يبطي وانا ما اخطيته

.................... هزله عدوّي و اجزله محبوبي !!


وانه طرالي ذا المسـا واهديته

.................... بيتين صاروا .. ( مشرقي وغروبي )


لو كل شخص اصادفه خاويته

.................... ما كـان لا جـيت العرب فزّوبي !!


ولوكل مايطري علي سويته

................... غطـا علـى طيبي كثيـر عيوبي !!


واسلم وسلم لي عليه ان جيته

................... والله يجـازي كـل .. من زلّوبي ..

[حور الشمال]

يـضـيـق صـدري كــل مــا هـبــت عـلــي مــن الـجـنــوب

............... نـســايــمٍ مـامــلــت طـعــونــي وقـلــبــي مـلّــهــا..


وارقــى عـلــى مـرقــاب حــزنــي واتــحــرى لـلــغــروب

............... وامـســك جـدايــل هـالـحــيــاه الـمــدبــره وافـلّــهــا..


واشـوف وشـلــون الـلـيــال ادور فــي الــوقــت الـلــعــوب

................. واجـمــع مـسـائــل هـالـبـشــر فــي دفـتــري واحـلّـهــا ..


والـعـن ابـو الـحـظ الردي !! واسـتـغـفـر المولــى واتــوب

............... وآقــول يــا ربــي تـعـيــن الـلــي صـبــر ثــم شـلّـهــا ..


ويـا سـعـود قـرب لــي مــدام الـوقــت والـعـمــر مـحـســوب

................. واسـمـع يـا خــوك ابـيــات مــن جـوفــي نـويــت اتـلّـهــا ..


لا صـارت الـدعـوه مـابـيـن : ( ضـلـوع صـدري ) و(الـهـبــوب ) !

.................. بـقـولـهـا و : (( الـلـي عـقــد روووس الـحـبــال يـحـلّـهــا ))


وش عــاد نـرجــي مــن زمــن صــارت بــه كبار الـذنــوب

............... انـك عـلـى الـبـاطــل سـيــوف الـحــق تـونــي سـلّـهــا !!


اسـلامـك اصـبـح (( مـتـهـم ! )) والـنــور غـيّــب ومـحـجــوب

.............. دروووبـهــم يــا كـثـرهــاا ؟؟ وادروبــنــا يـــا قـلّــهــا !!


خـويّـنــا تـصــلاه نـــار الـكــفــر ونـشــوفــه يـــذوب

............. وحـنّـا نـتـرجـى مـن (( عـجـوز الـغـرب )) تـرهــي ظـلّـهــا !!


لا عـادبــه فــزعــه ولا غــيــره ؟! وحـيـلـتــنــا يـــا دوب

................ ( نـشـجـب ونـسـتـنـكـر ) عـسـاهـا تـنـسـمــع او عـلّـهــا ..


صــار الـتـنـافــس بالـطــرب مــن اولـويــات الـشـعــوب !

................... (( الـغـانـيــه صـفـقـلـهــا ؟؟ والـراقـصــه طـبـلّــهــا !! ))


والـمـوضـه تـحـاصـر تـقـالـيــد الـعــرب مــن كــل صــوب

....................... تــفــوح دلـتــنــا زعــــل واعــوانــهــم تــزلّــهــا ..


والـكـل مـنّــا يـشــوف نـفـســه بالـتـخــاذل مـغـصــوب

.................. احـلـوقـنــا مــاتـت عـطــش ! يالله طـلـبـتــك بـلّــهــا ..


يالله سـتــرك مـــن عــلــومٍ فـــي خـواطــرنــا تــجــوب

.................. رحـمــاك سـهـلـهــا عـلـيـنــا دقـهــا مـــعٌ جـلّــهــا ..


ويـا سـعـود اخـذهـا مـن نـمـط (حـكـيٍ عـلـى لـسـان الـقـلـوب)

................ اربــع نـصـايــح لـحـيـاتــك يــا عــســى تـوصـلّــهــا ..


الـمـرجـلـه هــي ( الـبـلــد ) وافـعــال يـمـنــاك ( الــدروب )

................. والادمـــي يــولــد ( غــريــب ) ولاتــســنّــع دلّــهـــا ..


والـكـايــده تـبـغــى ولــد مــاهــوب طــمــاع وكـــذوب

................. والـرابــح الــلــي نـفــســه لــربــه قـــدر يـذلّــهــا ..


وتــرى الـكــرم عـنــد الـعــرب يـغـطــي آلاف الـعــيــوب

................. وانــك بـخـيــل تـســاوي عـيــوب الـعــرب ذي كـلّــهــا ..


واحـذر تـحـسـب ان كـل بـيـر ابـدنـيـتـك بــه ( مــا ) شــروب

.................... واذا تـجـاهــلــت الــعــواذل ابــتــمــوت بـغــلّــهــا ..


وانــــا بــــوّدع راس مــرقــابــي اذا حــــل الــغـــروب

.................... وبـقـول يـا ربــي تـعـيــن الـلــي صـبــر ثــم شـلّـهــااااا !!

[حور الشمال]

ما تباطيت القصــيد !! الا تباطيتك

............ والشعر في جيتك شكل وطعم ثاني ..


عانك اقبلت ولمحتك في شطر بيتك

........... (( فكره مجنونه تسلى بضيقة اوزاني !! ))


يا اعذب احساس ٍ ملكني علك وليتك

........... تفهم الشعر ان شربك بصحة لساني


يعلم الله في غيابك ما تناسيتك

.......... بس في مره نويت انساك ممداني ؟!


قلت ابنسى وارتفع صوتك ولبيتك

........... واثر خفاقي بصوتك عنك ناداني !!


ويش اسوي دامني بالجوف ربيتك ؟

.......... طفل تسوى هالحياه بعين : شرياني .!


تلعب .. وتكبر .. وتكبر .. لين عديتك :

............ بالغلا ( آخر نماي ) وكل ( شيباني ) ..


والله ان عمري بدا من يوم حبيتك

.......... واعرف انه ينتهي لو قلت : تنساني !!


حط في بالك انا من عام خبيتك

........ ان صحيت بخافقي وان نمت باجفاني ..


ما بي غيري يلمحك حتى لــ غنيتك

........... غرت من صوت الصدى لا ردد الحاني !!


من كثر ما اشتقت لطيوفك تمنيتك

............ رمش عيني او تصير الشوف لا اعياني ..


وان تمادى هالحنين بجفني ضميتك

............ وقتها : القاك ! لكن ليه ما القاني ؟؟


والله انك من لفيت بنبضي حييتك

...... وكني بقولة ( هلااا ) بيّنت حرماني !!


هذا حالي يا الغلا من يوم خليتك

....... وانت طمني علي فالبعد وش جاني .؟


اذكر اني بالوفا صغتك وسمييتك

............... واذكر انك بالوفا كنت تحداني ..


وصرت اشكك في كلامك لين بكيتك

........... وقلت موعدنا يجي كان الله احياني ..


ويوم جيت بخافقي وبخافقك جيتك

.......... كنت انا رابح مع اني ( خاسر رهاني !! )


والاكيد اني لقلبي بيدي وديتك

............. وعاد شوف اليوم وين الحب وداني ؟؟


يا عساني صدق ولعتك وهميتك

.............. ويا عساك بجد تعشقني وتهواني ..


ولو تقول اني بغيابي عنك عنيتك

............... انت همك صرت اعده (( حسبة اخواني !! ))

[حور الشمال]

اللي تحد قلبي على اقصاه

.................. ما عادبي حيله على الضيق ..


وقت الردى كل شي سواه

.................... ارخوووومه تذم المطاليق ..


ما عاد اطيق الهم واقواه

................... شلت بشبابي فوق ما طيق..


ذي اخر احوالي وطراه

................ يومك تقول ان كني طويق ..


أي والله ان فيني مزاياه

.................... وان بيني وبينه مواثيق ..


بس صاحبك ما جاه كفاه

...................... مليت من قولت توافيق ..


حتى الشعر شكلي أبضماه

.................... ماعاد تغري بلة الريق ..


كانت معاليقي تمناه

............... واليوم هو جرح المعاليق ..


يطري علي واقول عزاه

.................. يانشوة الفرحه بتصفيق ..


واطري عليه ان تاهت خطاه

.................. يلمحني بروس الشواهيق ..


حتيش لو انـّـا حشمناه

................... ما تردع الحشمه مطافيق ..


في ذا الزمن ماتت بقاياه

.................. روح امسح دموع الطواريق ..


غنالك اللي متعب غناه

..................... لاجر صوته همه يفيق ..


ما يكتب الضحك ولايقراه

.....................كنه لحزن القاف عشـّـيق ..


بتصدق شعوري او انساه

........... بصرك !! ترى ما احتاج تصديق ..


قد قلتلك واوصيتك وصاه

..................... لا تنبش جروح المخاليق ..


هالقلب لا تحده على اقصاه

.......................مالك ومال الهم والضيق ؟؟

[حور الشمال]

يا طير دام الله خلق فيك جنحان

................... طالبك اكفخ بالسما فوق .. يا طير ..

وانصى سميي قبل لا يثور ( بركان

.................. حزني ) ولادري عقبها ويش بيصير ؟

محمد انت ( ثاني محمد ) علي كان

................. عقب النبي يطري وسط ضيقتي مير !!

وشلون بحكي لك اذا الصوت بي خان

............. يا صاح .. شف اقسى ظما هو ظما بير !!

واليوم صوتي طرس واقلامي لسان !

................. بروي لك احساسي ومن غير تفكير ..

ماهي حكاية عشق وبيوت واوزان

................ ولاهي قصيده بالشقا ( نبضها غير ! )

الا كلام ٍ ما نطقته على شان

................... يبقى الكبير بناظري دايم كبير ..

احس كني منه ضايق وطفشان

................. واخاف يلقى فمد يمناي تقصير ؟!

ما هو عشاني ! بس .. مابيه ينهان

................ لان حالي ان هانوه بآدق تصوير :

( حبكة حزن ) في اروع ابيات مشعان !!

................ او ضيق عارف لا بلواا ( ديرة الخير )) ..

ياطير ما عاد الصدر يورق اغصان !!!

................. اشلع وجيب لخافقي منه تفسير ..؟

[حور الشمال]

( اصعب سؤال ) اللي جوابه للأسف مثله ( سؤال ) !!

...................... ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )

.................. كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!

.................. لكنها صارت كذا ! واللي (( اهم )) اني دريت :

ان الحياه فبعد احبابك اذا جف الوصال

................. اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال

................. ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال

...................... ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال

.................... لجل اتجاهل رجفة حروفي اليامني حكيت ..

الحال في بعدك قسم بالله ما اسميه حال

............... انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال

.................... لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال

............... وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال

.................. لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال

...................... وانا قبل لاقالوا اسمك كني : ميت ثم حييت ..

تعبت اعيش الدور وافتح للمعاذير الخيال

................... واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )

............... ومن الفرح ما عاتبك واقول : ( ياخي مابغيت ! )

حتى وانا تخيل حشمتك ! لن قلبي لا يزال

................. يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال

............... للحب واحساس القصيد ان عانق الليل وسريت ..

ربي يصبرني على الفرقا مدام الحظ مال

............... وانت بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))

.............. واقرى القصايد في غيابك كلبوها بيـــت ... بيـــت ..

بتدرى ان ( اصعب سؤال ) اللي يجي رده ( سؤال )

................ لا قلتلي ( وش ذكرك ؟ ) ثم قلتلك ( متى نسيت ؟ )

[الآتي الأخير]

الاخت الكريمة حور الشمال
بالفعل قصائد جميلة لشاعر مبدع و جزل
اشكرك لك نقلها و مشاركتنا في قرائتها
دمت بخير و صحة و عافية

[جارة الوادي]

قصائد عذبة ومعبرة شكرا لجمال الذائقة مع أطيب تحية

[حور الشمال]

يعطيك العافيه الآتي الأخير على المرور


تقبل تحياتي


دمت بخير

[حور الشمال]

يعطيكََََـِ العافية جارة الواديـ على المرور



تقبليـ تحياتيـ



دمتيـ بخير

[N80]

( اصعب سؤال ) اللي جوابه للأسف مثله ( سؤال ) !!

...................... ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )

.................. كان الجواب بكل بساطه : ( من متى اصلا نسيت ؟ )


صـح لســآنك ولــسآن شـآعـرهـآ ويـعطيك الـعافـية علي القـصآئـد العـذبة / وقـصيدة أصـعب سـؤآل مـن احـلي قـصآئد مـحمد جـآر الله السـهلي بـآلنسـبة لـي .

[الاسطورة]

قصائد عذبة ومعبرة شكرا

[محمد محمود]

اخت حور الشمال

حقاً قصائد رائعة

سلمت يمين ناقلها وصح لسان قائلها

دمت بخير

محمد محمود

[حور الشمال]

n80
يسلموو على مرورك الرائع لمتصفحي


دمت بخير

[حور الشمال]

الآسطورة

يعطيك العافيه ويسلموووو على المرور



تقبل تحيااتي


دمت بخير

[حور الشمال]

محمد محمود


يسلمووو علىالمرور



تقبل تحياااتي