الامير سعد ال سعود (منادي)

[حور الشمال]

آرجو ان تنال على رضااكم هذه قصايد لشااعر سعد آل السعود المنادي




الملهمـه


إيـه شـاعـر.. وانـتي أعذب شـاعـره

معــك اعـيـش الـحب.. وارجع اكتبـه

حاضـــري واول طــــريقــي وآخــره

ابتــديـت اعيـش عمـري.. واحـسبـه

مـرحــبـا .. يالـــيـلٍ انـتـي باكــــــره

صـاحـبـــك قلـــبٍ هـواك يصـــاحبـه

سـاكنـك.. والشـوق فيـك اسـافــره

وكـل بعــــــدٍ وصــلـك انـتـي قــربـه

الـوفــــــا مـحفـــــور لـك بالـذاكــره

غـالــبـتنـي .. والغــــلا من يغــــلبـه

ياقــمـر .. كلّـي عــيون تســــامـره

ياأمـــل .. ما خـــــلّـق يـاس يذوبـــه

شـاعـرك .. هـذي بعـض مشاعــره

صـدقيـني.. واصـدق الشعــر اعذبـه

[حور الشمال]

خسـرتـيـني

صـدق ظــني وزرتيني بعــد ما طّــول غيـابـك

بعد ما هـــانت ايامــي على عمــرك .. ذكـرتيني

بعـد ما أنكــرك وقتك .. عرفتـي قيمة احبابـك

بعـد ما استيقظ احساسك وتفكيـرك .. فقــدتيني

بعـد ما تاهــت دروبك وكحّــل حـزنك اهـدابـك

بعد خـــذلانك احســـاسي بـدمعـاتي .. بكيتـيني

بعد ما ضاعت احلامك وضاع الشوق باسبابـك

بعـــد ما حطّــمـك يأســك .. بعد يـأسك رجيتيني

تحسبيني على خبرك.. اموت اموت واحيا بـك

انا لـو ما نســيــت الــود ما انسى انـك خـذلتـيني

ذبل ورد الأمــل فيني ومـــات الـوعـد بتـرابـك

وبقــيتي مـثـل مـا انـتي بعــيـده لـو سكنـتيــني

وكيف يسامـحك جـرح السـنين ورحلـة عتابـك

خسـرتي كل شي ادري .. ومع هـذا خسـرتيني

[حور الشمال]

نسيـتـي



نسيــتي من نســـا الـدنـيا .. ولكـن ماقـدر ينســـاك

ولـو نفـرض نسيتيـني .. شعـوري كيـف تنسـينـه

قسـيتي قسـوة ايامـــي وباخـــر قســـوتـك فـرقـاك

ومحــبـوبـك ولا حـتى عـلى فقـــدك تـواسـيـــنـه

نســـاك وقـرر الـفــــــرقـا .. ولكنـه نســـا يجفـــــاك

يـغيـــب ولا يغيــب الـحب مـن قـلبه ومـن عـيــنـه

جـــروح الـحب تبكيــني وجــــرحــي منـك ما بكـــاك

وحـتى الـحــزن يــبكـي منك ما ظنيــت تبكـيـــنـه

عـزاي ان النخيـل الشامــخـه مـا تنحـــني لـرضـــاك

تظلـلـك المــــشاعـر والثـمــــر يرجـم وتجــنيــنـه

عــزاي ان العطـا يرســم معـاني فـرحـتي بشفـــاك

وكـنك لاخــذتيـني من فــــؤادي حب .. تعــطيـنـه

عـزاي ان الـلــيالي في لــياليـهـا ســرت مســــراك

يضـيع العمـر مـن عمـــري ولطلب منك تـوفــيـنـه

عـزاي الشمــس لو تشرق مشاعرها زهت ظلمـاك

عـــزاي ان الشعـــور اكـبر يطـولك .. ما تطــولينـه

ولـــو حــبـوا وحبــيبتي وعـاش الـحــب في دنـيــاك

عـلى فـكـره ..مثل حــبي محال انـك تعيــشيـنـه

ذكـــرتي كـل شـي .. الا حبيــب ما نســـا ذكــــراك

ولـو فـعـلاً نسيــتي .. ما بـقـــا شيٍ تعـــرفــيـنـه

[حور الشمال]

الاحـداث




لا تســبـق الاحـــداث مافـي الجـفـــا خـيـــر

أخــــر قــــرار البـعـــد حـتى انتـفـاهـــــم

لا ينـقــــتـل حلــــــــم تـمنيـــــته يـصـيـــــر

حــرام اشـوفـك في عـذابـــي تسـاهـــم

مـصـــيرنا محـــتـاج.. وقـفــــه وتفــــكـيـــــر

لا لا تـقـــــــرر وانـت مـــــازلت واهــــــــم

ولاتنـتـظــــر للي حـصـــــــل أي تـبــريــــــر

يكـفـــي تكـون بواقــــع الحــال فـاهــــــم

ماللخـطــا في بعـــض الاحــــوال تفسـيــــر

احيـــان نزعــل نـاس نشـــــري رضـاهــم

عـــذري احـبـــــك .. سيـــد كل المـعـاذيــــر

واغلــى من اعـــذار الحـبـايب .. غلاهــــم

[حور الشمال]

من ضيع فتيل الشوق



انا المصباح وانت الضي مـن ضـيع فتيـل الشوق

ومن عاش بعتيـم الوقـت والظلمى .. بلا ظلمـى

رفيـق الليل والدمعه ترى بعض الشعور شـروق

ومن يفقــد نظـر عينه .. يحسب ان النهـار اعمى

رماد العمــر لو ينطق غدت كل الـليال حـــــروق

رفيــق الدرب لاتشـكي لهيــب النـار وانت الـمــا

انا وانت وبقــايـا نخــلـةٍ عاشــت بـدون عـــذوق

يـغـذينا الصـبر لكـن .. مصيــبـة فاقــده عظمــى

بدنيا كــلهـا غــــربـه ينادينـا وطـــــن وعــــروق

شعــــور البعد يـربطــنـا وسيــرة بعضنـــا تدمـــا

مثل فرق الزمن تحمل مضامين النفوس فـروق

ولا يمــكـن يوحـّـــــدنا كــــلام ورغــــبـةٍ بـكـمـــا

نزل دمع ٍ بكــا حلمـــه من عيـونٍ نظــرها فـوق

ورغم الجرح واسرار العتب يبقى الشعور اسمى

نوى غــيم المطــر وصل الثرى لو عاندته بـروق

نوى يروي ورود الحب امـــل .. لو السمــا تضــما

حبيبي واللقا حلم ٍتـلاشى في مهـب الشــوق

مثل ظـــلٍ تمنى لـو يشــــوف الـليلـه العتمـــى

[حور الشمال]

جرح الحب



اجـرحيــنـي ثم روحـي ما دام الحب راح

لا انتي اول من جرحني ولا آخــر من يروح

شفت حبك مثل دمـعٍ جرح جفني وساح

ان مسحـته وان تركته جـــروحٍ فـي جروح

في زمن خاين زمانه.. ذخـرتك لي سلاح

من عرفت اشـتاقـلك ما عرفت الا الوضـوح

احسب ان الحلم يا بنـت في وصلك مباح

واحســب ان الحـب روحيـن مخـلوقه بروح

لا خسـرتـي عاشقك لا تحسبيـنه نجــاح

جيت اعــزي فيك قلبــي وجا قلبـي ينــوح

لو بكـــيتــيني وفــــا.. ماتداوين الجـــراح

كل شـيٍ مات فينـي بعــد مـوت الطمــوح

آه يا ظـلمـى الجفا.. ماورى ليـلك صبــاح

ما يـبــل الريق بـرق التجـــافـي لو يـلـــوح

فـي مهــب الريح..يامعاكس امواج الرياح

الزمـــن ماهو زمـــــانك ..تبـــوح اوماتبــوح

[حور الشمال]

وش الجـديد



وش الجـــديد ان غبــت باكــر وغبتــي

مشـــوارنـا رغـــم الغــــلا كـلـه غيــاب

مهــمـا تبـاعـــــدتـي ومهمـا قـربـتــي

اغــراب درب ونـلتقــي مثـل الاغـــراب

يكذب عـليــك الوصــــل لو ما كـذبتــي

وشـــلون نحيــا الحلــم والوقـت كـذاب

نادتـلــك ايــام الوفـــــا واستجـبــتــي

وين الرحيــل وصــوت الاشـواق غـلاب

ما تـذبليـــن .. انتـي بدمــــي نبـتـــي

واوراقــك الخضــراء نـمت بين الاهداب

اقــــراك نـور وفـالعـــــيون انكـتبـتــي

وبيــن الزمــــان وبينــنا كلــمـة عتــاب

عـرفت معنـي البعـد من يـوم غـبتـي

ومعــك عـرفت ان الهـوى كلـه غيــاب

[حور الشمال]

عـاشقـك


كيـف تـنســـاك نفسـي وانـت والله نفسـي

كـل مـابـعـــد ينـاديني حـبــيـبي غــــلاك

انتظـرتـك بعمــــــري يـا بعــــد كـل امـسي

انتـظـــرتـك وقـلـــبي ينتـظـــرني مـعـاك

عـاشقــك مـايسـمـى بعـد فـرقـاك مـنسي

من كثـــر مـاتـمـــنى يـلتـقـي بـك لـقــاك

انت حلم المشـاعر واعـذب حروف هـمسي

قـبل تكـتبــك عيني شـفت قـلـبي قـراك

والله انـي احـبـــك واصـدق الحـس حـسي

والـرضـا في عيــــوني ياحـبيبـي رضــاك

لـو غـرسـت التجـافي بجني دمـوع غـرسي

كـل فـرقــــا تـلاشــت عند فـرقـــا هـواك

اقطع الشــــك واطلـق لـو تكـرمت حبـسي

مـا اهتــنيت بـوصــالك خايـفٍ من جفــاك

يـا حبـيـــب الليـــالي لـو لـيــاليـك تقــســي

مـا ذكـــرتك ولكن .. خـافقــي ما نـسـاك

[حور الشمال]

ذنـوب الجـفـا


لو حـبـيـــبي بــعـد ما تـذكـــر .. ســئـــل

كـان اكـفـــر ذنـوب الـجـفــــا واعـــذره

واكتـفــي مـن عيـــونـه بنظـــرة خـجــل

وامسـح دمــوع قـلــبٍ خفـق نـاظــره

لا ظـلـــمـني بـوصــــلـه ولا هــو عــــدل

خـايفٍ مـن عـــذابـه واخـاف اخـســره

الـليـالـي بـعـــيـــني رضـاهـــــا زعـــــل

مـن يقــول ان قـمـــرا الجفــــا مـنـوره

كـل حـزنٍ بـلـيـــلـة جفـــــــاه اكـتـحـــل

وانطـفـــت نجـمـــة لـلـوفا .. تسـهـره

لـو هجـــرني حبيـبي .. لقـلـبي وصــــل

والـلـه ان اهـجـر الـلي يقول اهجـــره

ولو خُطـــــا الـوقت تظـمـا بـدرب الأمـــل

بـاقي فـي السـمـا غيـمـــة ممـطـره

لا تـدارك حـبـيـبي خطـــــاه .. وسـئــــل

ولا عــذرتـــه.. وانـا كـــل يــوم اذكــره

[حور الشمال]

تفاصيل


مـرت علـى قلـبي وهـي عايشـه فـيـه

تـقـــول بـعـد الـحـــب لا تنـتـظـــرنـي

مـرت علـى جــــــرح الـلـيالي تصحــيـه

نـســــا شـقـاهـــا كـل درب وذكـرنـي

مــــرت عـلى ظـلمـى طـريقي تضـويـه

ليـلـه .. هنـاهـا مـع عنـاهـا غمـــرنـي

مــرت تثـيــر الـوجــــد فينـي وتطـفـيـه

مـرت حنيـن لـوعـدهـا الـلي غـــدرنـي

مـن خـوفــهـا لـنسى غلاهـا وطـــاريـه

مــرت تـذكـرنـي بـوصـــــلٍ هـجــرنـي

مـــرت مــرور الـلـيـل بعــيـون ســاريـه

حـتى الـوصــل بعيـونـهـا ما نـظـــرنـي

حــلـمٍ تـلاشـت ضـحــكتـه ليـه تحيــيـه

ليـه الـوفـــا في لـيـلـهـا ما سـهــرنـي

وماضــي فـرحــها كيـف تـرجـع تّبكــيـه

عـادت تفــاصيـــل الـحــزن تختـصـرني

الـشـــوق مـاتـت في رجاهـا خطـاويـه

عرفــتـهـا عمــــــر وزمــــــانه نـكـرني

حـبـيـــبـتي وعــــدٍ نـستـني امـــانـيـه

وتـوديعهـا .. عـلى المــــوادع جـبـرنـي

[حور الشمال]

انـسـي



انـســــي انـي كـنـت محـــبـوبـك الـوافــــي

ولا نســيـتـي .. فـانـســـي انـك ذكـــرتيـــني

لـيـه اصـــحي فـالهــــوى طــــرفـك الغـافـي

وانـتي الـلي قــبـل وصــــــلي جفــــيـتـيـنـي

مـا يفيــــد الـلــــــوم ليـه ابـحـــــث الخـافـي

ومــــا تـأثـر دمــــــعـتـك لـــــو بـكــــيـتـــينـي

احسـب ان احسـاســك البـلسـم الـشــافي

رغــم جـرحـي مـا احســب انـك جـرحــتيـنـي

كنـت احســـْبـك درتـي واثمـــن اصــــدافـي

صـــنـت ودّك فـــالـعــــــيـون وخــــذلـتــيــنـي

الحــقـيـــقـه كنــت انا الـواصــل الـجـافـــــي

ابـتـــديـــت وبـنـتـــهـــي ما عــــرفـتـــيـــنـي

[حور الشمال]

الناس تكبر



النـاس تكــــبر وانـت تصــــغـر وتحـــلّـو

من ناظـرك .. مـن عـاد غيرك يـناظر

من غــبـت عنّــــي كن هالنـاس غــابـو

يا ناس قـلبي والـسـفر والـمـسـافر

ماراح عــنك الشــــوق لو راحـو وجــــو

تنـسـا .. ولاتـنـسا غلاك المشـــاعر

ياحــبـيّـــــبـي حــبـايبــــك مـاتخـــلـّـو

ولو ماخطر في البـال للوصل خاطر

لا يابـعــــــد لا يابـعـــــــد مـن تغـــــلـو

انت الأمـــاني ماانت بانســان عـابر

لو عشـت بعض احساسي بغيـبتك لـو

ماطـاوعـــك قـــلبـك تصـــد وتكـابر

النـاس تســأل عن حـبيـــبي ومنهــــو

واقـول بـاكر يـظـــهـر الحـــق باكـر

تبسـمــــت دنيـاي من شـــــوفـتك تـو

ولا خـيب الله صـبـر من كـان صـابر

[حور الشمال]

شـمس الحـب



الشمـس نـور الحب مـا تشـرق غروب

الله لـو تشـرق على النـاس باحسـاس

لو للعـيـون احساس ما شافـت عيـوب

ما شوهـــت وجه الـوفــا دمعـة اليـاس

ولو للـقلـــوب قلـوب ماتجـــرح قـلـوب

ولو للزمان احسـاس ماحدٍ شكى بـاس

ياكـيف رغــبة قـلـب بـدمــوعـه تـذوب

بعـد الوصـل نحيا على هـامـش انفاس

نهـدر امـاني عمـر والـوقت محســوب

نبكي تجافـي نـاس..تبكي جفـــا نـاس

نخطي ونخطي والـزمـن رحلـة ذنـوب

ونـتوب بآخــر عمـــــرنـا تـوبة افـــلاس

مكتوب نعشــق .. نعـجـز نـرد مكتـوب

نسكن عيـون الخــوف ونعـيش حراس

الحـب نـور الشـمـس وشعـاعه دروب

يـامـا رســم فرحــه ويـامـا حنى راس

[حور الشمال]

انا الغلطان




حـبيــبي لا تذكـــرني كفـــاك الجــرح تذكـيـري

انـا الغلــطـان ساعــــدني اكفـــر غلطـة ايـامي

حبيــبي لو ابرر ما عـذرنـي فـــيـك تبـــريـــري

ويـالـيــتـك تعــذبــني ولا تسلـبـــني احـلامــي

احبك.. لو خطاي اكبر من اعـذاري وتفسـيـري

احبـك .. والوفي مثل الوفــا في غايته سـامـي

حبيــبي ما أخــونك لو يخـونك يـوم .. تعبيــري

كتبـك القـــلب بحـروف الـغرام وجفّت اقـلامـي

حبيبــي والحزن في غـربتك يـرسم تعابـيـري

متى ترضى على اللي غارق بحبك وهو ظامي

بخطوات الندم جيت اعتذر يا اغلى مشــاويري

ورغــــم كـل الألـم والله ما حسـيــت بآلامــــي

احبك ياالبعيـد.. الا عن احســاسي وتفـكيـري

واحـس انك علي بعيـــد حتى وانـت قـدامــــي

[حور الشمال]

يا هلا

رجــعـتـك تعــني لي الشــي الـكـثـيـر

عـــبـرت لي يـا حـبـيـــبـي عـن وفــــاك

يـا هـــــلا يـاضـــي بـديـار الـنـضــــــيـر

الـهــــوى يـا مجـمّـــــل الـدنـيـا هــــواك

قـالـوا زهـور الأمــــل فـاحـــت عـبـيــــر

قـــلـــت بـالــــرقــه مـداعـــبـهـا نـــداك

مـا يغيـــب الحـب في ظـل الـضـمــــيـر

ومـا نسـيـت احسـاس عمـره مـا نسـاك

ان تـذكــــرتـك .. تـذكــــرتـك بـخـــــيــر

وان سلـيـتـك شـفـت بـعــيـونـي غـلاك

الـظـــلام يـطـــول ويـطـــول الـمـسـيـر

كـاسفــه شـمس ارض مـا تنبـت لـقـاك

مـا يغـــرّد في سـمـــا الـهـجــران طـيـر

الـغـــيـوم الـســــــود لـوّنـهـا أســــــاك

الـجـفــا ثـم الـجفـــا .. مـوت الـمصــيــر

ومن رضـا جفــواك مـثـل الـلي جـفـــاك

لـو كـــبـر ذنـبـك تـرى قــلـبي كـبـيـــــر

اعتـرافــــك بـالخـطـــا يغـــفـر خـطـــاك

[حور الشمال]

سامحـينـي



سامحـينـي.. لو قسا قـلبـي عليــك

لـو جـرحـــتك مـا مــــلا عيـني سـواك

عشـــت كل الحـــب والأمـــال فـيــك

لـو هـجــــرتك مـتعـــة الـدنيـــا لـقـاك

ابـتـديـتك يـا حيــــــاتـي وانـتهيـــــك

الله الـلي يا بـعــد عـمــــري عـطـــاك

ما رضـت دمـعـة عيــونـي تشتـكيـك

حـتى جــرحـك صار غالـي مـن غـلاك

بـس عيــبك تحـرجيـن الـلي يـبيـــك

يـرتـبــط بـك..لا فـقــــــدك ولا لـقــــاك

لـي مـتـى وسنيـن عـمري ترتجيـك

لـي متـى والـشوق يـركض بـي وراك

لـيه اجـــدد وعـد ضـيـعـــته يـديـــك

مـايـبـــرر حبـي الطـاغـــي خطـــــاك

اعـذريـني..مـا مــــنع قـلبـي يجـيك

غيـر خـوفـي تصدمـيـني فـي هـواك

[حور الشمال]

دعـوة حـب



تعــــالـي نـمطــر احسـاس وامـــانــي

تعــــالـي نزرع الدنيــــــا تـهــانــي

تعـــالـي عـطّــري روحـي بشـــوفـــك

دعــيـتك حــب واحساسك دعانـي

تعـــــالـي نـور لعـيـــونٍ تـشـــــوفـــك

اعـيــش العمــر فـي قـربك ثوانـي

تعــــالـي بسمـــةٍ فـوق الشفــــايـف

واغـلى حــرف يـنطـق بـه لسانـي

تعـــالـي نكـتب الــفرحــه قـصـــــيـده

تعـالـي واعزفـي شـوقـي اغـانـي

تعـــالـي يا حـيـــاتـي فـي حـيــــاتـي

امـالــي علـقـــت فيـك الامــــانـي

تعـــالـي نرفـــض سنـيـن التـبـاعــــد

نعـيـش بحـب واخــلاص وتفــانــي

تعـــــالـي درب ما يعـــــــرف نـهــايـه

تعـــالـي شــط وامـــواج ومــوانـي

غــروب الشـمس مشـتاق لشــروقه

يـقــــول امـــوت لو بـاكــر نسـانـي

تعـــــــالـي غـيـّــري لـون الـليـــالـي

مثـل مـا غيـّراحسـاســك كـيــانـي

[حور الشمال]

العلقـم .. الشهـد



حـبـيـــبـتـي لــو حبـت البـعـــد للبـعــــد

تشـكي جـفــا الأحبـاب واشكي جـفـاهـا

تــنســـا غـلاي وحـلـم قـلبي بـلا وعــــد

وتـذكــــر غـلا الـلي في حيـاتـه نســـاهـا

تكتـب شقـا عمـري عـلى صفحـة الـوجد

وتـبـــوح لـي بـاســـرار قصـــة شـقـــاهـا

بيـديـنهـا تقطــــف مـن اعمـاقـي الـــورد

ولا حــاولـت في يـوم تـســقـــيـه مـاهـــا

حـبـيـــبـتي في خـافــقي نـارهـــــا بـرد

تكــبــر مـعـــــانـاتـي ويـكـبــــر غـلاهـــــا

حبـيــبـتي والحـب عهـــــدٍ عطـا عـهــــد

وفـــت مـعي بـالـحــــزن لـيـلـة وفـاهـــــا

حبـيـبـتي لو كـانت العـلـقـم .. الشـهـــد

وانـا السـنـيـن الضـايعـــــه فـي رجـاهـــا

احـبـهـــا لـلـحــــــب واحـبـهـــا صـــــــد

يمـكــــن مـــع الأيـام تـعــرف خـطـاهـــــا

[حور الشمال]

إعتذار من نوع خاص



أعـــتـذر .. للـحـــزن يـا روعــــة اعــذاره

واعــتـــذر لـو يظــــلـم الكــــــون يـا نـوره

اعـتـذر .. للـحــــب لـو طـــال مـشـــواره

وادري ان جــــروحـه تعـــيـش مغـفــــوره

اعـــتـذر لـك عـن لــهـب صـــــدرك ونـاره

عن خطـــايـا النـاس والـدهــــر وشـــروره

كـثـر مـا ليــل الـوفـــا يحـفـــظ اســـراره

وكـثـر صــوت الشوق ما ينصـــر شعـــوره

مـن خـفـــوقٍ يســـري الـــود بـاخـبــاره

صـــوت شاعــــر تأســـره روعـة الصـــوره

كـيف اصــــور حيـرة الـطـــرف واصـــراره

والـدمــــوع بناظــــر الـحســـن مـغـــروره

كـل جــــــــرحٍ عـــذبـك فـيــــنـي آثــاره

فـي حــــروفـــي آهـة الحـب مـقـهــــوره

ادري ان الـسـجـن مـا تـصــرخ اســـواره

كل فـرحــه فـي ثـرى الــحـزن مقــــبـوره

كيف روض الشــوق ما تـنـبـت اشـجـاره

كـيــف تصـــــبـح ديـرة الـود مـهـجــــــوره

كـل لـيـلٍ اخـــــره يـســــدل اســتـــاره

ويـتـرقــــب اولــه مـوعـــــــــد حـضــــوره

[حور الشمال]

الزمـان ارزاق



الـزمـــــان ارزاق والمـــــؤمـن قـنـوع

يحـمـــــد الله عند شــــر وعــند خـيـــــر

يـالضعيــف انت القـــوي مهما تجـوع

من بـنــى بيـت الغــنــي غـيـر الفقــيــــر

اعمــل الأسبــاب لاترضى الخـضـوع

واعلــــم ان ابـواب فضـــــل الله كثـيـــــر

واحبس اسـرارك ورى جـفن وضلـوع

وان شـــكيـــت اشـكـي على رب بصـيــر

الفـــرح والحــزن تـجمـعــهـم دمــوع

لكـن اختلفـــوا احاســـيــس ومـصـيــــــر

اللـيـــالي كثــــر مـاتسـعـــد تلــــوع

وراحـــتـك في دنيــتك راحـــــة ضمـيـــر

الليـــــالي مـاتـلــــــوح بـالـرجـــــوع

والامــــــاني درب واقـــــــدام تـســيــــر

في غـروب الشمـس لوتـدري طلـوع

اسـئـل القمــرا ولاتســـئــــل غـــديـــــر

البشـر تحـكمـــه عـــادات وطبـــــوع

اسـتشـــيـر ولانـــدم من يســـتشـــيــر

التـجـــارب علـمـــــت كل مـخــــدوع

وجـاهــــل من قـــال انا عـــالـم كبـيــــر

[حور الشمال]

احـسـاس الـعـالـم


انا مـا اقــــدر على الــفرقا .. ولا تقدر على فـــرقاي

ولا غيـــرك ملا عيني .. ولا غيـــري مـــلا عيــنـك

ولو طــالت مســافاتك على دربـك تسيـــر خطـــاي

ينــور دربك احســـاسي .. يـوصــلني عــنـاوينــك

تعـــال نجـــدد المـاضــي نعيــش احلامــنـا بالجـاي

اضــم يديــنـك بقلبـــي واقـــول من الولـه وينـــك

نعاهــــــد حبــنـا ونعيــش دنيــــا الحب يا دنـيــــاي

تكون اغلى من سنيـني واكون اغلى من سنيـنك

حرام الوقــت يســرقنا ولا تسمــع صـدى شكــواي

نضيـــع عمــــرنا فالبعـــد وانت الوصـــل بيدينـــك

احب الــحب من حبـــك وحبـــك روحــي ومــعنـاي

ولو اجمــع جمــال الكـون كله.. ما وصـــل زينـــك

احس انـك هنا عمـــري.. ورغــباتي.. وكــل مــناي

تشوف احســاس هالعـالم.. احسه بيني وبيــنـك

[حور الشمال]

عين الرضا



تصـــور..مارضـــت عين الرضــا بعد الجفــــا تبكيــك

تخاف الدمــع يغســل صـورتـك وتغيــب من عيــني

حبــيبـي لورحــل صـــوتك بعيش الحاضــر بماضيـك

صـــدى الذكــرى ولا واقــع يفـــــرق بينـك وبيــني

احســب انك مـتى مــاغبت عن عيــني قدرت اجـيك

تســـرب كيــف حلـم العمـــر بين اصـــابع يدينـــي

ولوضــــاع الرجـــــابك يا رجــايـه مالي الاارجــيــــك

تـصــــــور.. ماتصـــــورهـا حـيـــاتي لو تخــليـــني

ولوسيل سحـاب الوقت نجمـــــه وانطـــفت بيــديـك

حبيــبـي لا يســيــل النور من عينـــك وتبـكيــــني

مثل فـرحة زهــــور اللـيل بالظــلمى ابفـــــرح فيـك

ســـواد الليـل بغــيابـك على حـــزني يـواسيـــني

عرفــت امــوت لجل اعيــش لعيونـك وامــوت ابيــك

تشـوف المــوت في حبــك حبيــبـي كيف يحيــني

امـــانـه لا تظــــن اللي عطــيته عاجـــــزٍ يعطـــيـك

وانا اللي في رجا ليـلة رجوعــك ضاعــت سنيــني

حبيبـي لوتجاعيـــد الزمــــــن خطّـت وجـه مغليـــك

انا عــندي يقـيـــــن انـي مــثل مااغليـــك تغلينــي

[حور الشمال]

5/30




اسـفــك.. واصـلني ولو ماتـأسـفــت

عذر العيون ابلغ من العذر نفـسـه

خطاك ما شفته..ولوشفت ماشفــت

انا نسيته وانت من فضـلك انسـه

ليــلـة زعلــنا يا عسـا ماتـكـلـفـــت

عسـاك ما حسـيت باللي احـسه

والله ما عمــري حبيــبي تحسـفـت

إلا علـى فـرقــا ثلاثيــن خمــسـه

يا نور عيني يوم بالشــوق سولفــت

دمع الغلا سيّل شفايفـك همـسه

من يـوم يا قلبــي بقـلـبـي تعـرفـت

والحب ماغابت عن العين شمسه

ياللـي عليّـــه بالــمواصـل تلـطـفت

ابشــر بقـلـبٍ ما يمـسـك يمـسه

ياسيداحساسي على الحب ماخفت

اخـاف لا ياخـذك باكــر من امـسه

[الفارس]

شكرا اختي حور الشمال على ايراد هذه القصائد الجميلة للشاعر منادي