قصيدة قيلت في قبيلة بني عقبة

[الآتي الأخير]

حوافر نطة حصانه
للشاعر / طلال بن سالم العقبي



ألا يامل قلب يحن ليا انه قام يتذكر=على ماضي تعدى واقفت سنين من ازمانه
توارد له هموم وكنها طابور من عسكر=الا يا من ورى حدب الضلوع لجور سجانه
انا مالوم قلبي ياملا من شي هو يقهر=ترى مثلي يحس وينطق الاحساس بلسانه
وقلت الحمد للي ماجعل عذروب في يذكر=وانا عقبي يعد ويركز ومعروف جدانه
ولي اصل وفصل ماضي لنا مخبور ومسطر=كتبنا صفحة التاريخ ملينا خانه وخانه
ولنا ياما حكى التاريخ وياما عننا اخبر=رسوم موثقه تاريخها معروف عنوانه
من بلاد الكرك حتى وادي الأزلم وعنتر=مضاريب الديار اللي بحد السيف واسنانه
لنا رسوم الديار اللي من الماضي بها يفخر=جذام اللي علا صيته في مملكته وسلطانه
الا ياكم بحد السيف ودون حدودها ينحر=لجى وقت اللقى فرسانها لدم عطشانه
رسوم يدوم ذكراها بحد السيف والخنجر=وتبقى فالحجر قصة حوافر نطة حصانه

[الجذامي]

صح لسان الشاعر
وشكرا لك يالاتي الأخير

على نقل القصيدة لشاعر من شعراء قبيلتي بني عقبة


تقبل خالص تحياتي

[الذيب الشمالي]

وقلت الحمد للي ماجعل عذروب في يذكـر=وانا عقبي يعد ويركز ومعـروف جدانـه

والله ونعم تتلا نعم
بني عقبة نزالة الطريق فكاكة الوسيق
بني عقبة عريبين النسب فكاكين النشب

تحياتي لبني عقبة القبيلة الشامخه برجالها وابطالها وقضاتها