ياراكب اللي لها سيجي

[الذيب الشمالي]

قصيده لشاعر من الشباب لكنها تحمل عبق الماضي ابداع وجزاله


ياراكب اللي لها سيجـي=حبل البطن من معاليقـه
حمرى وهيجة مراهيجي=قمرى وبرهـا بتلاهيقـه
ذبت سفايـف مناسيجـي=عشاقـة الـدل وتليقـه
حمرى تبوج المساهيجي=طول المدى الكايد تعيقـه
ان ا قبلـة بالمداريـجـي=ربدى تـوزت شواهيقـه
وان دبرت كنها تهيجـي=طيحت صخر واقع مويقه
شاهد بها خطام تتويجـي=والذارع ارخى مطاليقـه
تلفي زبون المهاجيجـي=شاعر بختري طواريقـه
والسيف يقطع مباليجـي=قلبي وابقطـع مسابيقـه
بالسيف قاطع محاليجـي=قلبي يبس في دواريقـه
يامحمد ابطت تفاريجـي=سلطان شانـت توافيقـه
في جوف غبة لجاليجـي=غيهب ولا انجى مغاريقه
ظلما ولابـه سواريجـي=غربه شمالـه تشاريقـه
ضاعت عليه مناهيجـي=بدروب ظلمـا مغاليقـه
تعوجت بـي معاليجـي=وابواب وصله مصافيقـه
نوفا تنـوف العماهيجـي=خشف ٍ تقطف زماليقـه
خلتني ارخي دواريجـي=دمعي تهامـل دوافيقـه
شبت عليـه مواهيجـي=تعذيب ما ارضى تفاريقه
جربت حزن المخاليجـي=جاوبتهن من عنا الضيقه
الشاعر/ سلطان بن مسيعيد

[العميري]

صح السان قايلها ولا هنت يالذيب الشمالي على النقل الرائع


تحياتي لك والف شكر

[الذيب الشمالي]

شكرا على مرورك اخوي العميري

[مسلمة]

صح لسان الشاعر ومشكوووور اخي الذيب للنقل القصيدة

[عبدالله الموسي]

صح لسان القايل


بسراحه اخوي الذيب الشمالي

قصيده جميله جداً فيها أبداع.. وكأنها من بنات الماضي


تحيتي لك ولشاعر القصيده

[قــرنــاس]

صح لسان قايلها

سلمت على النقل الموفق

[الشهاب]

قصيدة جزلة وصح لسان الى قالها وسلم من نقلها

مبدع يابن العم





الشهاب

[الذيب الشمالي]

اخواني واخواتي سعدت لمروركم اسعدكم الله دوما

[الجذامي]

صح لسان الشاعر

ويعطيك العافية للنقل
يالذيب الشمالي


تقبل مروري

مشكورا

[الذيب الشمالي]

شكرا لك يالجذامي
سعدت بتواجدك

احترامي