الطيب فرصة والجمايل توافيق

[قــرنــاس]

لطيب فرصة والجمايـل توافيـق=ومن لا توفق ما كتب لـه جمالـه
ومن لارقى للطيب روس الشواهيق=ما زان له وقته علـى مـا بدالـه
ومادام لفعول الجمايـل عشاشيـق=كسب الجمايل ما يجـي بالسهالـه
ولو انها تشرب على فكـة الريـق=كلٍ خذالـه كـل مااصبـح بيالـه
والطيب منوه للقلـوب المشافيـق=كلٍ يتـوق ومنوتـه راس مالـه
والمدح ما يزهى على الرجل ويليق=الا لا صارت وافيـاتٍ خصالـه
يستاهله رجلـن يفـك المزانيـق=اللي يقـال ونعـم لا جـا مجالـه
ومن ساقته نفسه وهو ما بعد سيق=لاجـل الجميـل يزيـن الله فالـه
والمرجله ماهي بتحتـاج تنسيـق=من بين قلب اللي عشقهـا وبالـه
ومن عادة الدنيا تخـون المواثيـق=تفتـر مكرتهـا سـوات المحالـه
ولولا اللوازم ماعرفنـا المخاليـق=ما نعرف الرجـال ليـن انعنالـه
والكفو تظهر فزعته حزة الضيـق=وينشاف في الشدة بعيـن العدالـه
نسل الرجال متعبيـن الملاحيـق=متوسطن من بيـن عمـه وخالـه
واللي يطيق ولا بغى قال ما اطيق=تحرم عليـه المرجلـه والشكالـه
والهينة تكبر على اللاش والهيـق=له في الرخا قاله وفي الضيق قاله
والطيب شاره والضماير صناديق=واللاش طيبه مـا تعـدى ظلالـه
وانا اسبر قلوب الرجال المغاليـق=والصامت اقطع غايته من مقالـه
وما دام في الدنيا رجال ومطاليـق=نصيتهم والـلاش مالـي ومالـه

وســـلاااااااامــــة الجميــــــع

[عبدالله الموسي]

وانت سالم وغانم..

قصيده جميله فيها من المعاني مالا تتسع هذه الصفحه للذكرها..

وصح لسانك..


تمنيت أنك وضحت مصدر القصيده أن كانت منقوله..


تحيتي

[الذيب الشمالي]

يعطيك العاااافية قرناس
شكرا مدد بلا عدد