|
رد: تعالوا لنحافظ على تراثنا
الشميلات مفردها شمله وهي تنحط لديد الناقه ويسونها من الاكياس
|
رد: تعالوا لنحافظ على تراثنا
عايض انت وشوشو لازم ترجعوا للموضوع من اوله
ترى من امس وانتوا وصاحبة السمو تقولوا كلمات مكرره وبعده علموني وشهو الوجار |
رد: تعالوا لنحافظ على تراثنا
هههآأإي
لا مو صح شغل المخيخ |
رد: تعالوا لنحافظ على تراثنا
الوجار
يولعوون النار فيه |
رد: تعالوا لنحافظ على تراثنا
اقتباس:
انا ماقصد هذي قصدي الاساور اللي يلبسونها حريم زمااااااان يسمونها الشميلات >>اللي هوا الاكسسوار :shade: |
رد: تعالوا لنحافظ على تراثنا
ماشاء الله عليكم الله يقويكم بس ترى الغش ممنوع يعني اللي ماهو متعلم من زمان لايغش الناس . والله نفسي ان العجايز الله يحفظهم يكون لهم تواجد حتى نستفيد منهم لكن أدري انهم مايعرفوا للنت وبيني وبينكم أزيبن لهم وارحم الله فكهم من النت وبلاوية . شدوا حيلكم وبلاش غش ولا بنحط عليكم مراقب من مدرسين زمان اللي يشطب على الحل عالطول . تحياتي |
رد: تعالوا لنحافظ على تراثنا
حياك الله هنا يالأفق
وبالنسبه للغش لازم بس ما اسمه غش اسمه تنقيب عن المعدن الاصيل والله يالافق لو تشوف فرحة عجايزنا يوم نسألهم وحماسهم للرد على كل استفسار ان تقول كل يوم هاتوا سؤال تراهم سعداء انهم لازالت مفرداتهم متداوله واحيانا يصيبهم الخجل من بعضها ولك مخصوص جاوب وش هي المبيليله |
رد: تعالوا لنحافظ على تراثنا
اقتباس:
هلا فيك وعليكم السلام ياخوووي هذا مو غش >>>> قويييه غش:sm107: حنا مانعرف فـ لما نسال نتعلم منهم بالعكس الحين انا صرت اعررف كلمات كثييييره من اللي قالووها الاخوان ومن اللي انا سآلت عنها كنت ماعرف معناهاااا بس الحين عرفت المعنى ومثل ماقالت احسسساس هو يفرحوو ان احد مهتم بكلامهم القديم وانت مو تقووول نفسك العجايز يدخلو النت حنا هنا بدالهم :sm12: بلاش غش >>> بقولك غاشه غاشه تحيآـأإأآتي |
رد: تعالوا لنحافظ على تراثنا
أحد يقول لي وش هو ( الصن )
|
رد: تعالوا لنحافظ على تراثنا
فزاع اول شي جاوب على احساس
وش هي المبيليله هههههههه وأنت تقصد الصن ولا المصن |
رد: تعالوا لنحافظ على تراثنا
وش هي المبيليله :sm30: احمد <<
|
رد: تعالوا لنحافظ على تراثنا
نبي تفاعل من الاخوه والاخوات لنحافظ على تراثنا
|
رد: تعالوا لنحافظ على تراثنا
ليش طفيتو إشتغلوا خلونا نمسك الخط معاكم جينا متأخر>>>>>>>>>>>قدااااااااااااااام
|
رد: تعالوا لنحافظ على تراثنا
سمعت واحد قاااال كلمة (( واغــر )) فظحكت لمن بكيت
قلت يارجال الكلمة هذي تبعثرت مع الزمن وش جابها على لسانك فحبيت ان نرا هل لأحد ممن لايعرف يجيب معناها واغر |
رد: تعالوا لنحافظ على تراثنا
اقتباس:
والله هـ الكلمة ماهي في معاجمنا ،،، نشوف معاجم البقية >>>>>>>>>>>>>>>>>>>> دوس |
رد: تعالوا لنحافظ على تراثنا
اقتباس:
اهلا احساس الله يخلي العجايز هم الخير والبركة والمبيلية هي دقيق يوضع في القدر اثناء طبخ الزبدة لأستخراج السمن يعني وشكلها تقريبا أكبر من الزلابي شوي وتبقى في القدر بعد استخراج السمن وطعمها رائع اللحين ابا أسألكم ايش هي القُصلة |
رد: تعالوا لنحافظ على تراثنا
اقتباس:
عندنا يستخدم هذا المصطلح في الجاه عندما يقول هذا قصلة بنت لك يا فلان على سنة الله ورسوله وعادة ما تكون قهوة او حلوه او مبلغ بسيط بس عند الاولين قبل كانت قهوه وفي كمان القصل هو الرتم |
رد: تعالوا لنحافظ على تراثنا
اقتباس:
:thumbs_up: :rose: جواب صحيح بس تختلف طبعا طريقتها عند البعض وبعضهم يربط عود في عمامة الزوج |
رد: تعالوا لنحافظ على تراثنا
من العايدين
سؤالي وش هي ((( المروده))))؟؟؟؟؟؟؟؟ |
رد: تعالوا لنحافظ على تراثنا
كل عام وانتم بخير اقتباس:
هذي المروده http://esyria.sy/sites/images/aleppo..._37.image2.jpg هي اللي ينحط فيه الكحل |
| الساعة الآن 07:10 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL