|
رد: الامير سعد ال سعود (منادي)
احـسـاس الـعـالـم
انا مـا اقــــدر على الــفرقا .. ولا تقدر على فـــرقاي ولا غيـــرك ملا عيني .. ولا غيـــري مـــلا عيــنـك ولو طــالت مســافاتك على دربـك تسيـــر خطـــاي ينــور دربك احســـاسي .. يـوصــلني عــنـاوينــك تعـــال نجـــدد المـاضــي نعيــش احلامــنـا بالجـاي اضــم يديــنـك بقلبـــي واقـــول من الولـه وينـــك نعاهــــــد حبــنـا ونعيــش دنيــــا الحب يا دنـيــــاي تكون اغلى من سنيـني واكون اغلى من سنيـنك حرام الوقــت يســرقنا ولا تسمــع صـدى شكــواي نضيـــع عمــــرنا فالبعـــد وانت الوصـــل بيدينـــك احب الــحب من حبـــك وحبـــك روحــي ومــعنـاي ولو اجمــع جمــال الكـون كله.. ما وصـــل زينـــك احس انـك هنا عمـــري.. ورغــباتي.. وكــل مــناي تشوف احســاس هالعـالم.. احسه بيني وبيــنـك |
رد: الامير سعد ال سعود (منادي)
عين الرضا
تصـــور..مارضـــت عين الرضــا بعد الجفــــا تبكيــك تخاف الدمــع يغســل صـورتـك وتغيــب من عيــني حبــيبـي لورحــل صـــوتك بعيش الحاضــر بماضيـك صـــدى الذكــرى ولا واقــع يفـــــرق بينـك وبيــني احســب انك مـتى مــاغبت عن عيــني قدرت اجـيك تســـرب كيــف حلـم العمـــر بين اصـــابع يدينـــي ولوضــــاع الرجـــــابك يا رجــايـه مالي الاارجــيــــك تـصــــــور.. ماتصـــــورهـا حـيـــاتي لو تخــليـــني ولوسيل سحـاب الوقت نجمـــــه وانطـــفت بيــديـك حبيــبـي لا يســيــل النور من عينـــك وتبـكيــــني مثل فـرحة زهــــور اللـيل بالظــلمى ابفـــــرح فيـك ســـواد الليـل بغــيابـك على حـــزني يـواسيـــني عرفــت امــوت لجل اعيــش لعيونـك وامــوت ابيــك تشـوف المــوت في حبــك حبيــبـي كيف يحيــني امـــانـه لا تظــــن اللي عطــيته عاجـــــزٍ يعطـــيـك وانا اللي في رجا ليـلة رجوعــك ضاعــت سنيــني حبيبـي لوتجاعيـــد الزمــــــن خطّـت وجـه مغليـــك انا عــندي يقـيـــــن انـي مــثل مااغليـــك تغلينــي |
رد: الامير سعد ال سعود (منادي)
5/30
اسـفــك.. واصـلني ولو ماتـأسـفــت عذر العيون ابلغ من العذر نفـسـه خطاك ما شفته..ولوشفت ماشفــت انا نسيته وانت من فضـلك انسـه ليــلـة زعلــنا يا عسـا ماتـكـلـفـــت عسـاك ما حسـيت باللي احـسه والله ما عمــري حبيــبي تحسـفـت إلا علـى فـرقــا ثلاثيــن خمــسـه يا نور عيني يوم بالشــوق سولفــت دمع الغلا سيّل شفايفـك همـسه من يـوم يا قلبــي بقـلـبـي تعـرفـت والحب ماغابت عن العين شمسه ياللـي عليّـــه بالــمواصـل تلـطـفت ابشــر بقـلـبٍ ما يمـسـك يمـسه ياسيداحساسي على الحب ماخفت اخـاف لا ياخـذك باكــر من امـسه |
رد: الامير سعد ال سعود (منادي)
شكرا اختي حور الشمال على ايراد هذه القصائد الجميلة للشاعر منادي
|
| الساعة الآن 06:07 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL