الشبكة العامة لقبائل الحويطات - المنبر الاعلامي و المرجع الرسمي المعتمد

قصيدة محمد بن فطيس

[frame="7 80"]العام أخذت البيرق وصدت العقـاب
يوم الرجال حلوقها مـن دون ريـق
أسرجت شعري والجماهيـر الزهـاب
وسنادي بـلاد وولـد عـم وصديـق
وحولت في الوادي وهو دونه ضباب
مدري ورى الوادي مطر ولا حريـق
كم فـارسٍ وده يحـول غيـر هـاب
يستوحش الماخوذ لا شـاف المضيـق
اقدمت والفرسـان ترتـاب وتهـاب
أجـري الهيـاب وأقــز الطـريـق
ومثلـت داري بالقصيـد وبالجنـاب
من الشمال الى العديد الى العريـق
ترابهـا بالحـس ماحـسـه تــراب
وحزومها تسـوى الزمـرد والعقيـق
ومثلت راية من تليـن لـه الرقـاب
صليب راي وكفـو وحجاجـه طليـق
ممشـاه للعليـا ذهـاب بـلا إيــاب
الشيخ ابو مشعل حمـد علـمٍ دقيـق
ومثلت كل الشعب من شايب وشـاب
بـدو وحضـر تاريخنـا عـزٍ عريـق
ومثلت ربعٍ في الوغا مخلـب ونـاب
مـريـةٍ تاريخـنـا مـاهـو لفـيـق
حن مزبن اللـي لا يجـار ولا يثـاب
وحن فزعة اللي ذودهم راحت وثيق
أقدامنـا جبـال وعمايمنـا سـحـاب
وأمجادنا تشبـه سهيـلٍ لهـا بريـق
ومثلـت يـام بكبرهـا والانتـسـاب
الـى همـدان نجـمٍ لــه شعـيـق
الله خلقنـا سيـلٍ متـونـه هـضـاب
كل السـدود نحطهـا حـبٍ دقيـق
شاركت متوكل على منشي الحقـاب
وحزامي من الشعر والعـده يضيـق
وطرقت بيبان القوافي بـاب بـاب
وقدمت ماشفتوا جميـع انـه يليـق
وحشمت اذانيكم عن سقاط الخطـاب
ورقيت بإيديكم علـى قمـة طويـق
ووعدت داري بالفخر قبل الكتـاب
ووفيـت بأمـر الله بالعهـد الوثيـق
وسترت بأفعالـي مزينـة الخضـاب
وقهرت عدواني ونومسـت الرفيـق
ولطم بعيري شـوط واحـد للركـاب
يقـوم راس وينتهـي ماهـو زريـق
ومن كف ابو خالد تسلمت النصـاب
من كف من عينه على القمه تويـق
شيخٍ يروم المجـد ويـروم الصعـاب
خلا الشعر مـن نومـة الغفلـه يفيـق
واليوم لا والله شفـت القـاف شـاب
صار الشعر كوره وكـلٍ لـه فريـق
وضاع الهدد بين الحديه والغـراب
وضاع الصهيل مكرمين من النهيـق
إلا الرجال اللـي قصايدهـم عـذاب
اللي لهـا معنـى بهـا حـسٍ رقيـق
لاتشعـل الفتنـه ولا تطـرد سـراب
ولا يرقـع مـا نقصـهـا بالزعـيـق
بس العرب ما عاد تدري بالصـواب
ما ميزوا ويش الزفير مـن الشهيـق
من جاب ضيعه قل شوفوا ويش جـاب
انا اشهد انه جاب له معنـى عميـق
الذيب كانه ذيب يـدرع فالذيـاب
يخلـي الخرفـان للضـبـع العـويـق
ماجيت انافس جيـت دعـمٍ للشبـاب
وفوزي دمه عاده على القمه يريـق [/frame]

رد خلف المشعان

طبعا رد خلف المشعان مهو رد على نفس القصيده

لكن هو يرد على فكره القصده اللت مطلعها مانيب من يآتي ولا يدرا به

[frame="7 80"]مانيب من ياتي علـى شـان يـدرون
أنا الـذي يـدرون بـه قبـل ياتـي
نجمي سطع من غيـر بيـرق ومليـون
قليـل فـي جيلـي يسـوي سـواتـي
ماجيـت أهايـط بـس لازم تعرفـون
مازعزعـت بعـض السوالـف ثباتـي
لو شلت فـي قلبـي مثـل مايشيلـون
ماكانت الطيبة مـن ابـرز صفاتـي
يامحمد ابن فطيس وش فيك مشحـون
ماخطيت يـوم انـي حسبتـك لقاتـي
اب اطفي الفتنه وابي انشدك وشلون
اسلم مـن الضيعـه واجمـع شتاتـي
الناس معها عقـل ، ولسـان ، وعيـون
وقدامهـم كزيـت يمـك وصـاتـي
ماجيتك ببيـت مـع الشعـر مدفـون
جيتـك علـى وضـح النقـا ياغناتـي
ماني من اللي في قفا الناس يحكـون
عيـب علـى الحـق خويـي حصاتـي
اللـي ليـا قفيـت عنهـم يـهـدون
ماهـم بكفـو لرجعـتـي والتفـاتـي
سكرت اذاني عـن وكالـة يقولـون
وذكرت لـي بيـت يفسـر سكاتـي
الله يجيبـك مـن بعيـد الـيـا دون
والله يحطـك باللـقـا مــن تـلاتـي
[/frame]