الشبكة العامة لقبائل الحويطات - المنبر الاعلامي و المرجع الرسمي المعتمد

من وين يالطراش ممشاك من وين

عطنــي علومـك كلهـن ياالمولّـــــــــي

علومٍ يصدرن وعلوم تلفيـــــــــــن
وكل العلــوم الطيـــبه يوصلنـــــــــــي
ياللوط سولف لي على دورشيبيــن
يوم انقطـــع منك نصيب المحلـــــــــي
ياللوط وصف لي منازيلكم ويــــن
وا نا كمان اوصفــــك منزلٍ لــــــــــي
تلقى منازلنا قريبه من العيـــــــــن
وتلقى مراشـــــــقهن علينا تدلــــــــــي
وتلقا دبشنا قليل وباسنا زيــــــــــن
وصدورنا من هبة الريـــح مللـــــــــي
ونستجنب اللي في المناطق سفيهن
ونـســـتجنب اللي عن رفيقه يوللــــــي
حنا بقوم ولقبونا ترابيـــــــــــــــــن
واخذت تزعـزعنا حـــروب اللدولــــي
يازين ماالاقيك ياللوط يازيــــــــــن
ودله نفضــيها وثنتــــين ملــــــــــــــي
تسمع رطين معدلات النياشيــــــــن
اللي براطمهـــن تقول شوك سلــــــــي
وارقب انا وياك واخوا لنا ثنيــــــن
من فوق نصله بين شمســـه وظلــــــي
والما تفرقناه وحنا مكاميـــــــــــــن
والركب زاللى نصفهـــــن خذوخــــلي
وقمنا نتنصاهن وهنه مثاميــــــــــن
وخلن على اثرهن ذلـــــول المغنــــــي
ومحملات الزمل (زهــرالبساتيـــن)
والفجر الاول يصبحن خشـــم فلــــــــي
تلقى الندايس زي الصقورالشياهيــن
ومن كل حدروب نديســـه يشلـــــــــــي
ويتفرقواالشقرااصحاب الملاييــــــن
والكل يقول لبيّعــــه باركـــن لــــــــــي
وارسل سوالفنا لشوق اكحل العيـــن
اللي علومه بالمجـا لـــــس تسلــــــــــي
وتقول له ياللوط لي عندكم ديـــــــن
اما توفينااوتعــــــتذر لـــــــــــــــــــــي
وسلم على اللي في ديركم مقيميــــن
مـــلوككو وشيوخكــــو لاتخلــــــــــــي
وادخلك على الله عن نهارايجي شين
وعن شـرواحـد على النبـي مايصلــــي
(المرحــوم)
(((عنيزالترابين)))