الشبكة العامة لقبائل الحويطات - المنبر الاعلامي و المرجع الرسمي المعتمد

اللي جزاني بالهوى هم وكآبه = لو درى همي من الهجران كيف
كان يمكن قلبه يعطيني جوابه = وهمي اللي فالحشا يصبح خفيف
من بعد ما شوفته قدام بابه = صدفه وانا واقف على جال الرصيف
امبهرت من الجمال اللي شقى به = روح مجنون بكى قدام طيف
الله يعين اللي من قلبه غدى به = واحد شافك فالحشا مانت وليف
واعذابه من همومه واعذابه = لو درى ان صاحبه عنه عفيف
لي ثلاث سنين ألمح في صوابه = كل مامر أسوي اني ظريف
حتى يئست وقلت عطني لو إجابه =شوف وش نويت فيني ياكفيف
قالت منهو اللي مستغنيلك عن شبابه =حتى يحطك فالحشا إنت وليف
قلت احسبك دايم إنك لي سحابه = واثرك سحابه ناشية في جو صيف
قالت مامن غرابه ياولد مامن غرابه = انت بدوي على سمن ورغيف
قلت مالفقر منَا نقص الواحد مهابه = ونفوس عزيزة نسلها دايم شريف
قالت نايمين فجوكم حز الربابه =حنا في جو الربيع وانتو على جو الخريف
قلت انا ماني من اللي طالت اثباته = عزيز ومن عزوتي خنجر وسيف
قالت جاهل انت وماتعلمت الكتابه = وعند الحكومة شهادتك مالها توظيف
قلت من جهلي عرفت العيش واسبابه = والرزق من خالقه ماحتاج تصريف
قالت اللقمة تسوي فيها اطلابه = وش عاد لو سيَر على داركم ظيف
نازل في خرابه طالع من خرابه = إنسان رجعي من عاليات المشاريف
قلت أنا جودي يعم كل القرابه = واجب الظيف أقدمه لو سار تسليف
يابنت لواني عشت في وسط غابه = تراي ما فيني الجور والحيف
قلبي من حبكم شرع أبوابه = ماهو وهم ولاهو حب تزيف
غدى مريض وماستلذ بشرابه = مما جرى خرف العقل تخريف
والمال ما جمع للواحد أحبابه = إلاَ تحس الود يحتاج تكليف
والنفوس الصادقة ماهي بكذابه = موده صافيه من وليف لوليف
قالت ياصاحبي لا للأسى هَون مصابه = دموعي على الخدين صارت ذواريف
أنا أدري من يمَنا جتكو صبابه = وأنا به الهوى يحتاج تجويف
لاكن لو عنك كثر قلبي غيابه =وش حال قلبك عقبها ياضعيف
قلت ارحم المجروح في زهرة شبابه = روف باللي بعدكم قلبه عفيف
لا تجزاني بالهوى هم وكآبه = مدري همي من الهجران كيف
يالعفي ودي أنا منك إجابه = إنت ضدي في الهوى ولا حليف
بعدها روَح ولا عطاني جوابه = وانتظرله من مصيف اليا مصيف
ولي ثلاث سنين ليا مريت بابه =اتذكر موقفي فوق الرصيف