سعيد بن جرشب وراكان بن حثلين
 

قال سعيد بن جرشب وهو يشكي حبه هويا بنت راشد بن عويضة الشباعين :

يامل قلب ضاع مفتاح بابه

ومن اول ننقد على الي يضيعون

بيبان قلبي غاديات خرابه

وبها المهبل والوراعين يجرون

ياهل النقيلي مالكم من ثابه

ترا النقيلي هو وراعيه ملعون

الله من قلب هويا هبابه

لا عاد له باالي وراها ولا دون

يابنت شيخ ماتوني ركابه

شيخ وله طلابة الصلح يلفون




واجابه راكان بن حثلين يقول :



يا راكب اللي تو ما شق نابه

اسبق الي بالملاويح يدعون

ملفاك ابن جرشب مجري المهابه

من روس ربع بالملاقاة يثنون

هواجر من يوم عصر الصحابه

كرمان ضفران على الحرب يزكون

ان كان يطري الي جل الراك نابه

من قبلنا ربع عليها يونون

قد ناشني ونا بعيد صوابه

يازين حب البعد للي يعرفون