|
الحب أطهر من بلوتوث وأعجاب
لا عاد تسألني عن ايـام واحبـاب تعال وسألنـي وش اللـي جنيتـه جنيت من وقتي بهاذيـل واتعـاب واحباب عمري هـدوا الـي بنيتـه في هالزمن حتى المناعير ترتـاب والحب صدقـه فالبشـر مالقيتـه لان البشر صفحة طلاسم من كتاب ماتفهمه مهمـا رجعـت وقريتـه عندي دلايل مالها عـد واحسـاب والتجربه برهانـي اللـي خذيتـه سو اختبار وغيب لو مابه اسبـاب واجفى حبيبـك تكشفـه لا جفيتـه تلقاه بغيابك يعاشـر لـه اجنـاب باعك مع إنـك بالمـوده شريتـه ماكنك اللي كنت له ستر واحجـاب ماكنك اللي مـن حياتـك عطيتـه صار الهوى لعبه ويحتـاج لعـاب مال الوفى داعي مع اللي هويتـه الحب صاير شـي ماهـو بجـذاب كل يـوم يدنّـس وينبـاع صيتـه بعد ماكان احساس من قلب واعتاب اصبح مجـرد لعـب يـوم ٍ بديتـه الحب اطهر من بلوتوث واعجـاب واشرف من اللي دنسه في مبيتـه ياما وفيت وكان صدقي لهم بـاب ياما عطيت وحق نفسـي نسيتـه ماصاب ضني كثر ماغدرهم صـاب ناموا وانـا ياكـم ليـل ٍ سريتـه اصدقّهم اللي كان جاحـد وكـذاب واطيّبهم اللي باع قلـب ٍ شريتـه مافاد كثر اخلاص قلبي ولا جـاب غير الألم ووجـاع يـوم ٍ قضيتـه والله ماطابت جروحـي ولا طـاب هم ٍ على ربـي بديـت وشكيتـه ياللي تنشدني عن اقلوب الاحبـاب هذي نتايـج كـل قلـب احتويتـه ~*? فهد بن صنهات الديحاني ?*~ |
رد: الحب أطهر من بلوتوث وأعجاب
مشكور يا ابو عابد على النقل الموفق
|
رد: الحب أطهر من بلوتوث وأعجاب
وانت ايضاً مشكور على المرور
تحياتي |
رد: الحب أطهر من بلوتوث وأعجاب
لك خالص شكري وتقديري يا عبدالله الموسي على الاختيار الموفق
|
رد: الحب أطهر من بلوتوث وأعجاب
اقتباس:
على اتحافنا بهذه الرائعه "تقديري " |
رد: الحب أطهر من بلوتوث وأعجاب
شكرااا لك اخي عبدالله الموسي على الذوق الراقي لك رائعة والاكثر من رائع نقلك
|
| الساعة الآن 12:19 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL