الشبكة العامة لقبائل الحويطات - المنبر الاعلامي و المرجع الرسمي المعتمد

[poem=font="Simplified Arabic,6,white,normal,normal" bkcolor="deeppink" bkimage="" border="double,9,sienna" type=0 line=0 align=center use=ex num="0,black"]
أمس الضحى في عالي الرجم عديت = وفيضت في راسه عباير خفوقي
وقعت لين ادلولس الليل ومسيت = وحولت منّه ناشفات عروقي
ورديت من بكره عليه وتعليت وقعدت = حتى شفت شمس الشروقي
أشرف على دار بها العام مريت = واليوم ماكنه سكنها مخلوقي
خليان ماكن ابتنى بارضها بيت = بس الفجوج الخاليه والطروقي
وحتى من الأوناس ماشفت ماريت = ماغير رسم باقي له رموقي
بس الشنون محذفات تشاتيت = شنونن على الديران مثل البهوقي
وشفنا الرسوم اللي عليهن تشافيت = رسوم عليها القلب مني شفوقي
رسوم عليها من ازرق الدمع هليت = دمع تحدر فوق خدي صفوقي
ليا شفت مدهال الرجال الزناتيت = تقول قلبي ينمزع من عروقي
رجال مرابعهم تهيظك لاجيت = ومرباعهم بين الجلد والعروقي
ونجورهم للضيف ترسل تصاويت = وضيانهم بالليل مثل البروقي
رجال عليهم من قديم تربيت = وفارقتهم والقلب مني يتوقي
وابديت مافي داخل القلب وافضيت = وانساق من عمق الهواجيس سوقي
وابكي عليهم كل ماصبحت وامسيت = وشكواي لله عالم الشان فوقي
وشعاد لو اني بكيت وتمنيت = ياما بكى قلبي جزينن عشوقي
وقلبي بكى حي علي غالي ميت = والدمع عقّب في ضميره عشوقي
وياما بكى رجل عليه التثابيت = قبل الوقايع هل دمع حقوقي
ولو لمني بعض الخبول السرابيت = اهل النفاق مشدقين الحلوقي
بذني صقه عن حكيهم ماتوحيت = ولا احب ناس لسراير تبوقي
وان قالو العذال وش فيك ماابديت = ماني على اسرار الاوادم نطوقي
امشي مع العام على ماتوريت = اعطي حقوق الناس واخذ حقوقي

الشاعر جزاء صالح الحربي =[/poem]