السلام عليكم ورحمة الله وبركاته


**طـــــعــنـــة خــفــوق**




هاك حبي إعدمه واطعن خفوقـي ثـم روح
هذا قلبي بين يديك وعادي حتـى تذبحينـه


وإلا أنا أعشق عذابي لا ولا فكـرت أبـوح
وانتي الله لا يهينـك افعلـي اللـي تبينـه


لانتي أول من تخوني ولانتي آخر من يروح
شاعرك فاقد حنانـه وادعـي الله تفقدينـه


في دروب الحزن تايه علميني وين أروح
وين أروح إن كان حبك مقبره وانتي دفينه !


المحبه كانت أول تسكـن بعالـي السفـوح
في عصور أجدادنا يابنـت كانـك تذكرينـه


مايعرفون الخيانـه مايعرفـون الجـروح
عشقهم يابنت وافي وادري إنـك تجهلينـه


هذا عيبي في غرامي واضحٍ كل الوضـوح
لين كل النـاس قالـت عاشقـك الله يعينـه


علميهم إني برحل عقب ما مـات الطمـوح
والخفوق اللي تعنى بتركـه لـك تعدمينـه


إطعنيه بكل قسـوه !! لايهمـك لـو ينـوح
وإن تزايد في نياحه إنتـي عـاد بتطعنينـه


وإلا خليـه بعذابـه موتـه بعيونـه يلـوح
وإن توفى إعرفي سبة مماته هـي حنينـه


رحمة الله (ع)الخفوق اللي بنى حبه صروح
الله الله فـي خفوقـي لايفوتـك تدفنيـنـه


وإن نويتي تذبحي القلب المسالـم النصـوح
للأسف متأخره !! ومعنى كلامـي تفهمينـه


أشهد إن الحب في هالوقت ضحكٍ مع مزوح
قالهـا حامد ياوائل الوعد متن السفينه









ننتظر نقدكم البناء


ومنكم نستفيد