اعطوني توقيع هقاوي العمر
 

بسم الله الرحمن الرحيم

اطلب من الادارة تغيير توقيع هقاوي العمر و حذف صورة الحرمة الي فيه و وضع صورتي انا .
و شيلوا اسمها و حطوا اسمي لان التوقيع عاجبني .
و ناوي اسرقه لاني احق فيه منها .
و بعدين هي وش لها و للحباري و المقانيص و الطيور .
هي حدها تجيب دجاجة من عند فقيه و تنتف ريشها و تسلقها و تشرب مرقتها و تنام .
يا اخوان الحريم ودهن يحطنا على اليسار . و حتى مقانيص الرجال ما سلمت من لقافتهن .
بكرة وحدة تقابل الثانية و تقول لها وين رايحة يا ام جريبيع ؟
فترد عليها الثانية و الله يا ام عيد انا اليوم ودي اقنص ادور الحباري و الصيد ؟؟؟؟؟؟؟؟؟؟؟
يا اخوان لابد من وقفة حازمة قدام طغيان الحريم و جبروتهن .
و الله ان ما شفنا لهن حل غير بكرة يطلبن العصمة في ايديهن و تروحوا فيها . و الحريم مثل ما انتم عارفين مفتريات و امريكا واقفة معهن . و حنا يالرجال ما معنا احد .
و مثل ما تعرفون حنا جنس مسالم و حبوب و اذا سكتنا بيطمعن فينا زود و انت وش رايك يا ابو عبد الله يا عمدة يا غايب .
و قد اعذر من انذر

رد: اعطوني توقيع هقاوي العمر
 

ياحي الله عمي العمده 00تو مانور متصفحي ياجنتل

يفداااك التوقيع 00وراعية التوقيع بعد

بس لي طلب صغيرووووووون عندك

اعترف قدام الكل ان احنا يالنوااااعم تاج راسكم00 وتتطالب ان العصمه تكووون بيدينا يالحريم

وانت وامريكا معنا >>>بنعلنها حرب في وجيه التماسيح الجلفه

رد: اعطوني توقيع هقاوي العمر
 

( ان كيدهن عظيم )
صدق الله العظيم

شفتوا رد هقاوي علي ودها تاكل بعقلي حلاوة و قامت تتزبلح لي ( مصطلح ما ادري منين جا )
و قامت تجر معي ناعم . تحسب ان العمدة عقله ريشة و ينطوي تحت ردن العباه .
وودها تضحك علي بمعسول الكلام و تخليني اتخلى عن مواقفي ضد السحالي .
قال نواعم قال . يرحم صيدليات تبوك ما خليتن فيها كريم الا و جربتنه حتى
المرهم الاسود و كريم الحلاقة ما سلم منكن . و برضه ما نفع .
الظاهر يبغالكن تغيير بشرة ههههههههههه
بعدبن تعالي هنيا ما عندنا جلوف . كل الي عندنا هنا يدهنوا خشومهم بفازلين ؟
و اولهم الشهاب و طقة الشيبان الي انا عمدتهم .
اما الجلوف فمن العام سرّحناهم في البل .
و لا بقي عندنا الا جلفين اثنين بنسرحهم السنة هذه في البهم .
المهم التوقيع ماخذه ماخذه لكن يا خوفي الاداريين يجاملوكي و يعطوا العمدة ركبة .
انا متعود على ركبهم لكن هالمرة جايب معي باكورتي و مشمر عن ذرعاني و يا ويل الي يتعرض لي .
و خلن امريكا تنفعكن . انا معي الصومال و مدغشقر و بنوريكم نجوم الظهر.
و انتبه لحالك يا ولد
زمن الحريم وصل
خلكم ذيابة يا اخواني
لا تفشلونا يا سنايدي

العمدة حويط الثاني عشر شخصيا
من بلاد المنسف و المقلوبة
تعشيت الليلة منسف بمريسة والظاهر ان العفيق عفق لي قولوني
لا تشمتي يا هقاوي و ارسلي لي من الجعدة اللي تحت وسادتك

رد: اعطوني توقيع هقاوي العمر
 

الله من منسف ٍ جاب لي العلة
................................. كبدي تزوع و عسى ربك يعافي

ازين منه سمن و قرص مَلة
................................. على زولية ٍ يوم العشا وقافي

ماصة عليها من الناس خمسين مِلة
.......................... و يسراهم ورا الظهر و الطيب وافي

ياابو عبد الله و كل نايف تطله
............................. خليتني لحالي و انت في الشفا غافي

دمعي الهمال من عيني أهله
...................... اشكي القولون و انت بحمد الله متعافي

خويك يفتل خيط الشقا و يحله
........................... و انت عند الحلايل متغطي و دافي

و المهندس عبد الكريم يا ولد قله
...................... يخلي الخوف و يدور ابو خد صافي

يدور الوجيه اللي مثل الأهــله
........................ وصّل له العلم على صفحات الغلافي

و ابو هيثم ابغى علوم العرس تاصله
.................. يمكن يتشجع و ينهض من تحت اللحافي

و سحاب هاتوه خليها تكمل الشلة
........................... شلة شينب قلوبها الوان يا كافي

و شاصي الهم مع جبل عمان أصله
..................... يا زينه و هو في وسط الخلايق طافي

افزعوا لي بموتر ٍ كشخة ودي أتدله
............... لا تخلوني عند الاجناب لا منتعل و لا حافي

و الله لو بعير اشد راسه و أمله
................... أخير من بعض القرنبع و انا ابو شافي

و لا ارسلوا موتر الموسي الي يجلي العلة
.................. و خلوه على رجليه في وسط السوافي

العمدة عرف القاردنز و اصبح يدله
................... يا ويل حال منهو لشوف البدويات عافي

عقب قبيلان وعودان و ارعه و يا ولد قله
................ صرت اقول هسه و هان و بديش و شو في




اللهم اني قد بلغت
و العلم للشيبان وصلت

رد: اعطوني توقيع هقاوي العمر
 

ههههههههههههههههههه
هقاااوي جااك العمده ماقلت لك راح تتزوجينه
مــــــــــــــــبروك

رد: اعطوني توقيع هقاوي العمر
 

وين ابو عبد الله و سحاب و المهندس و الربع ؟

رد: اعطوني توقيع هقاوي العمر
 

شو هاض يازلمه
صاير اتكيت
الله يشفيك ياعمده من القالون

رد: اعطوني توقيع هقاوي العمر
 

تحت الامر اخي الاتي موجدين بس آمر وابشر بسعدك .
سكت لان عمنا العمده ماقصر فيهم ........

حيا الله العمده وسلمت يداك على ماكتبت . الا مرحبا الف وياهلا وغلا بحويط الثاني عشر ..
كمل حربك وحنا وراك :sm158:

رد: اعطوني توقيع هقاوي العمر
 

الله يبلشك بلشتينا في ذا الشويب عاد يله دوري له حل قبل ما اعلم خطيبته القديمه >> قصدها كوندليزارايز

رد: اعطوني توقيع هقاوي العمر
 

هلا ورحب بابو ثااامر عااااد هنا واسكت >>> ماتقدر تتكلم خايفه من الربع

ابو ثامر اذا انت يرضيك ان العمده ياخذ توقيعي تراه حلال عليه بدوووون شروط >> العن ام المصالح

مودتي لك

رد: اعطوني توقيع هقاوي العمر
 

عايد ياولد عمي الحق على الاتي وربعه تكاتفو علي يبووون توقيعي غصب للشويب حقهم >>تمرجلو على بنيه لاحول لها ولا قوه
انتظر مرورك

رد: اعطوني توقيع هقاوي العمر
 

ولو سكت يعني وش بتسووون 000 ماعندكو ماعند جدتي

مودتي للساكت هههه

رد: اعطوني توقيع هقاوي العمر
 

بس لو اعرف مهندسنا الغالي ابو ياسر وين غايب ؟

لا يكون أعرس من ورانا ؟؟؟؟؟؟؟؟؟؟؟؟؟؟

ترى الخوف من الساكت