الشبكة العامة لقبائل الحويطات - المنبر الاعلامي و المرجع الرسمي المعتمد

ياسستر اكشفي على القلب تكفيـن
جرح المـوده بالضمايـر لهيبـه
اكشفي على جروح لداعج العيـن
الجادل اللي بالوصايـف عجيبـه
وقيسي الغلا ياسستر واصلٍ ويـن
وشوفي جهازك كيف فلل صليبـه
ولاكشفتي على قلبي اكيـد تبغيـن
تستدعي من عند الطواري طبيبـه
ولاكن اصبري ياسستر لاتروحين
خلـي المشقـا يعـلـم بطيـبـه
مآأبغى طبيبه ياسستر من الفلبيـن
انا طبيبي مـن العـذارى قريبـه
آبغـاك تستدعـي كامـل الزيـن
وان عيّا خلـي الشرطـه تجيبـه
جيبوه هالحيـن لايقـول بعديـن
لان كل المشاكل سبايـب مغيبـه
لـن حالتـي مثـل ماتشوفـيـن
ان طولت اكيـد تحـدث مصيبـه
ولاجاني ولمسني صاحـب الديـن
تبـرى كـل الجـروح العطيبـه
وان قصر عن جيبته حظي الشين
احفروا قبـري بـأرضٍ عشيبـه
وحطوني على دربه واضفوا الطين
ولا مات هاتوه عند قبري طنيبـه
وحطوا قبري عـن قبـره يميـن
لأجل مع الغربي اتونـس بطيبـه
واكتبوا على قبري عبارات ثنتيـن
شهيـد غـدر والسبايـب حبيبـه