كلمتني وأسمعتني صوتها قبل زفتها بدقايق.
 

عدت اليكم بعد طول غياب
والسموحه على التقصير .

اتمنى ان تعجبكم هالابيات والله الله بالردود .
.
كلمتني وأسمعتني صوتها قبل زفتها بدقايق
قالت حبيبي بودعك وبعطيك من وقتي دقا يق
ودي اسمع صوتك حبيبي
ودي أنسى كل شي وأبقى مع صوتك حبيبي
ما قويت انطق ولا أتكلم
ما عرفت بها الظروف وش أقول
كنت دايم اسمعها ضحكتي
كنت دايم أناوشها بلهفتي
واليوم جاتني تعذبني تسمعني صوت الدفوف
قالت حبيبي هذا صوت أم العريس
تنادي علي وتقول يا الله تعالي عجلي
ودي حبيبي ها الحظه تطول
وأبقى مع صوتك دهور
وين راح الحكي مني
وين ألقى الحروف
قلت ارحلي عني والحقي صوت الدفوف
واتركيني بوحدتي انسج أبيات الحروف
يمكن ألاقي مع الوحدة صدى للي بقول
قفلت ورحت وأنا وحدي ويملى مسمعي صوت الدفوف
صوتها بعثر أوراقي وخلاني مع همي نطوف
بين الشوارع و المداين نحتري موكب عروس
قلت يمكن تلتقي بهالحظه العيون
وانتحاكى ما بين كل الخلق بعيون ودموع
للأسف ما كنت ادري ان قلبي بها اللحظة يحتضر
وكان الكفن صوتها والدفن موكب عروس
شلت قلبي وسط كفي ورحت امشي
أدور مقبرة ادفنه فيها وأستريح
شفت كوشتها منصوبة على أعلى الدرج
وانحنيت احفر وادفن القلب الجريح
شفت في الحفرة قلبها مدفون
وانكتب في وسط الحشا كلمتين

حبيبي مستحيل يعيش
في هالقلب غيرك مستحيل...


تحياتي من أعماقي.

رد: كلمتني وأسمعتني صوتها قبل زفتها بدقايق.
 

حياكـــ الله

ولا يجي منك قصور تغيب وتأتي بالجديد الرائع

قلت ارحلي عني والحقي صوت الدفوف
واتركيني بوحدتي انسج أبيات الحروف
يمكن ألاقي مع الوحدة صدى للي بقول

صح لسانك وحالكــ على هذا النزف العميق المحمل بالكثير من
خفايا الأيام وصواديف الزمن،

ننتظر جديدكــــ

بشوق وترف

تحياتي

رد: كلمتني وأسمعتني صوتها قبل زفتها بدقايق.
 

هلا بك والله ياعبدالله .
منوررررررررررررررررررررررر واشكرك الف شكر .

بصمتك رائعه تركتها في صفحتي .

تحياتي من أعماقي .

رد: كلمتني وأسمعتني صوتها قبل زفتها بدقايق.
 

رد: كلمتني وأسمعتني صوتها قبل زفتها بدقايق.
 

وكان الكفن صوتها والدفن موكب عروس
شلت قلبي وسط كفي ورحت امشي
أدور مقبرة ادفنه فيها وأستريح
شفت كوشتها منصوبة على أعلى الدرج
وانحنيت احفر وادفن القلب الجريح
شفت في الحفرة قلبها مدفون
وانكتب في وسط الحشا كلمتين
جميله جداااااا