الشبكة العامة لقبائل الحويطات - المنبر الاعلامي و المرجع الرسمي المعتمد

من أجمل مآقرأت للشآعر رآشد آل سآلمين

أخليكم مع القصيدهـ وأتمنىآ تنآل رضآكم وإعجآبكم

http://www.lojein.com/vb/images/smilies/amaaci33.gif

الشعر ياهل الشعر مـن وجدانـي
اقـدره كنـه حــدا شيبـانـي

ماهو بشرط انـه يجيكـم منـي
ولا هو ضروري انطقـه بلسانـي

لأني اثق فـي كـل بيـت ٍ ياتـي
وماهو غرور ولا بهـا نقصانـي

شاعر ولا اهظم حق اية شاعـر
لوكـان ماهـو يعـدل الأوزانـي

ماهو خوف إلا حذر مع حيطـه
والاولـى ياتـي بعـده الثـانـي

من يامن الوقت الذي عشنـا بـه
إلا رجـل عقلـه صغيـر وفانـي

ياهل العقول الصاحيـه مسيتـوا
بالخير واهل الخيـر بـه تزدانـي

عنـدي نصيحـه ودي اقدمـهـا
دام العقل فـي طرحهـا وصانـي

مع صغر سني بس اشوفه شايـب
من كثر ما قـد شفـت بالأعيانـي

وإذا سئلتوني وش اللـي شفتـه
بهلهـا مثـل المـطـر ودانــي

لو أنهـا بتزعـل وجيـه ٍواجــد
الله يعافـيـهـم ولا يـبـلانـي

شفت الرجال اللي غـدت تتشبـه
في حطـت المكيـاج كالنسوانـي

وشفت الشباب بكـل وادٍ تمشـي
ملبوسها من الجنـز والقمصانـي

وكلٍ على كيـفه مسـوي قصـه
في الشعر كنـه واحـدٍ نصرانـي

وإن قلت وش ذي قال هذي موضه
ثارت بهم يـا نـاس كالبركانـي

صرنا خوارج بـس فـي ديرتنـا
انشهـد انهـا نكبـة الأزمـانـي

وشفت الكذب فاق وتعـدى حـده
كن العرب مـا بينهـم صدقانـي

وشفت الوعد مـات بزمنـا هـذا
واهل النفاق امست لنا صحبانـي

وشفت الأخو بـاع أخوهـ للدنيـا
اخوان دم وفي الأصـل عدوانـي

وشفت المره من سترها تتعـرى
وتلبـس امـورٍ مالهـا عنوانـي

عبـاه تتخصـر واشيـا تظـهـر
ضعيفـهٍ او جسمهـا مليـانـي

يعني تجي يا اهل العقل مكشوفـه
كنهـا بضاعـه داخـل الدكانـي

وشفت المره في ذا الزمان اتدرول
واشكال في هالدرولـه وألوانـي

امحق سواقه وامحق ليسـن
اقولهـا بسمـي وفـي قيفانـي

وشفت الطفـل برائتـه مقتولـه
كنه جا فـي ذا الزمـن بلشانـي

وشفت العقوق اللي تعـدى حـده
عم الكثير وصـار لـه اركانـي

صار الرجل يرمـي ببـوه وامـه
في العجزه مـن همهـم تعبانـي

وإليا سئلته ليه جاوب يـا اخـي
خلاص منهم صرت انا طفشانـي

مقـدر واشغالـي كثيـره جــداً
وزود ٍ علـى هـذا انـا انسانـي

ما يدري انه في الزمـان بهيمـه
ياكل ويشـرب بـس كالحيوانـي

ياثـور امـك ثـم امـك وامـكـ
ابوك احسن صحبتـه يـا دانـي

بكره يجـي يـومٍ يشيلـك ولـدك
لنفس المكان ومن يديـن يدانـي

وتقول ليـت وليـت لكـن ليتـك
مـا تنفعـك والله لـو تنهـانـي

وانا ما اعم الناس جمله واقصـد
فئه قليلـه بـس مـن وجدانـي

فئـه قليلـه بـس ماهـي قلـه
كنها غثاء سيول فـي الوديانـي

والصاحيه ماهي سـوات الجربـا
ام الجرب تعـدى بـلا استأذانـي

الله يهـدي كـل مسلـم جاهـل
دعوه ومن قلبي ومـن شريانـي

واختامهـا صـلاة ربـي مـنـي
على النبي المصطفـى العدنانـي