أعظم (وجع ) بالحب لاصرت مشتاااق ...
 

أعظم (وجع ) بالحب لاصرت مشتاق

لـ للي تحب ولاأنت قادر تشوفه

يكون " جمر " داخل القلب حراق

زود على ناره تهدك طيوفه

لامر بعيونك كما نور براق

مالك مجال الا تساير ظروفه

ياصاحبي لو بيني وبينك آفاق

نفسي معك في كل لحظه شغوفه

ماكنت "قبلك" خلف الأحساس أنساق

وان شفت درب الحب اسكت وأطوفه

يلين جاني منعطف سيل الأشواق

بأمر الغرام اللي سطت بي سيوفه

قاومت لكن ! خافي الحب ماطاق

صابه صمود زلزل اجزاء خوفه

بغيت أرده بس حسيت بأ خفاق

في لحظه "مد" لكفوفك كفوفه

جالك ولاكنت أحسب الحب دفاق

لين أغرق الخافق وسال بــ نزوفه

أثر المحبه نبضها دوم سراق

دمي وهو دمي بجسمي تحوفه

حاولت اداري حب قلبي بالأوراق

وأثر الورق ماهي أمينه حروفه

سل المشاعر من متاهات الأعماق

يكتب تقارير الغلا وقت الأشراق

وعند المسا يعطيك باقي كشوفه

يا "جامع" حنية الكون بأخلاق

معذور قلبي لو يضمك بجوفه !

رد: أعظم (وجع ) بالحب لاصرت مشتاااق ...
 

الله الله

رائع اخوي

ساعي البريد

ما نقلت لنا


اختيار رائع وموفق

تحياتي

رد: أعظم (وجع ) بالحب لاصرت مشتاااق ...
 

رد: أعظم (وجع ) بالحب لاصرت مشتاااق ...
 

ماكنت "قبلك" خلف الأحساس أنساق
وان شفت درب الحب اسكت وأطوفه
يلين جاني منعطف سيل الأشواق
بأمر الغرام اللي سطت بي سيوفه

تسلم يمينك قصيده رائعه
بروعة من نقلها الينا
ولاتحرمنا من اختيارك المميز
تحياتي لك