ياشينها لاصرت.......
 

بسم الله الرحمن الرحيم

ياشينها لا صرت معجب و خجـلان

خوف المصـارح لا يجيـب المطمّـه

اخاف اصـارح بالغـلا ذاك الإنسـان

و ينقلب جـوو المصـارح مذمّـه

ويا شينها لا صرت مغرم و زعلان

محد ٍ يراضي قلبك و محـد يمّـه

وان رحت محد ٍ قال لك وين يافلان

روحتك مع جيّتك ماهـي مهمّـه

ويا شينها لا صرت عايـش بحرمـان.

مثل اليتيم اللـي فقـد شوفـة أمّـه

ماخوذ حقّه وانظلـم شـوف الأعيـان

0واللي اظلموه عيال لحمه و دمّـه

ويا شين صاحب دربك ان صار ثعبـان

لا هو تركك و لا نفـث فيـك سمّـه

كنّـا خويّـا وانتسـمّـى بـالأخـوان

0واليوم أسمه بأخبـث النـاس سمّـه

ويا شينها لا صـرت ناجـح و ندمـان

وصلت قمّه وغيرك بأعلاا قمّه

مثـل الإمـام .العالـم بفقْـه الأديـان

يومه نجح والكل صاروا ..أأمّـه

ويا شينهـا لا صـرت تايـه وحيـران

وسط الطريق ..و باقي ٍ فيك همّه

ودّك ترووح وآخر الدرب مـا بـان

0تخاف تمشي ثم تغشاك غمّـه

ويا شينها لا صـرت مبلـي ومنهـان

والعلم كلّـه .. مـن اكاذيـب نمّـه

مـا فيـه ضـدّك لا دلايـل وبرهـاان

ودخّـان نـارك مستحيـل ٍ تشـمّـه

ويا شينها لا صرت من روس الاعيـان

ثم تنقلب فـي نظـرة النـاس رمّـه

ويلااااه يا وقت ٍ نـوى لـي بعصيـااان

أثرالزمن يا نـاس مـا فيـه ذمّـه

ويا شين طرد المقفْي لو كنـت ولهـان

ياخـذه شيطـان الغـرور و يخمّـه

يظـن انّـك هايـم ٍ بـه وشفـقـااان

0ما يدري انّه لو فطس ..مـا تهمّـه

ومااشين من معاشـر قليليـن الإيمـان

درب الهداية ..لا ..أبد ..ما تتمّه

الخلْق سجـن وصاحبـك فيـه سجّـان

والعلم خال العز ..والجود عمّه

ويا شينها .أصلا بقى شي ما شان

0هـذي الليالـي طبعـهـا مدلهـمّـه

الشيـن والله شيـن غاليـن الأثمـاان

لاقـام كـل ٍ رافـع ٍ فـوق فـمّـه

ويا زينها لا صرت لاهي و طربـان


وحبـل القصايـد يرتجيـك و تلمّـه


يا زينها لا صـرت معجـب و خرمـان

تنثر علومـك لـو تجيـب المطمّـه

رد: ياشينها لاصرت.......
 

اخي ساعي البريد
عجزت ان اجد بيت اقتبسه
فلو اقتبست اقتسبت القصيده كامله
قصيده رائعه وفريده من نوعها
سجل اعجابي بذوقك الرفيع الاختيار الرائع
شكرا لك ياساعي البريد

رد: ياشينها لاصرت.......