صور للأمطار أمس من شغب وأشواق
 

السلام عليكم ورحمة الله وبركاته

كيف حال الجميع

أن شاء الله كلكم بخير دووووووم يارب

طبعاً كلكم علمتم عن الأمطار التي هطلت يوم امس الأول على الساحل الشمالي الغربي.جعلها الله أمطار خير وبركة ونفع بها البلاد والعباد.
ومن دواعي السرور والفرح ان الأمطار شملت الكثير من القرى والتابعة لمحافظة ضباء.. ومن هذه القرى على سبيل المثال قرية شغب واشواق التي عنيت لزيارتها اثناء هطول الأمطار.وإليكم النشرة السفرية موضحة بالصور..

في تمام الساعة الواحدة صباح يوم امس الأثنين الموافق 23/12/1429 للهجرة
رن هاتفي الجوال والا بصديق يتصل من قرية اشواق ويخبرني بهطول الأمطار وصوت الرعد ووميض البرق الذي لاينقطع.طبعاً انا كنت بتبوكـ ودوبي مخلص دوام وابي ادووور النوووم..وعند تلقي هذه المكالمة هرب النوم من عيني وانقطعت نوبات التثاؤب التي تتالت علي من الساعة الثانية عشر..
عندها قمت وطلعت برى البيت واناظر يم الديرة والا البرق يبرق ولفني الشوق ولديت يم الجيب الا وكأنه يقول (تكفى مشينا ابي اتروش واذوق طعم الموية اللي انت حارمني منها كم اسبوع واتنظف عن الغبار واطلق اعظام بدل مالي يومين وآقف!!)
قلت ابشر ولايهمك خلني البس ثوبي واشيل الفروة على شان ابدل الغبار اللي عليك بالطين الليلة! قال هيا..
اتصلت على اكثر من صديق بتبوك على انه يخاويني ولاكن البعض منهم لم يجاوب على التليفون لأنه بسابع نومه واللي عنده دوام واللي ما رضت ترخص له المدام واللي يقول كفر جيبك ماسح والظروف الجويه سيئه وانت تسرع وخذ لك من الأعذار!!!طبعاً ناس منتقاه الذي تم الأتصال عليهم مثل من يقرا ما اكتب الآن،لاكن لم يحالفني الحظ بمرافقة احد منهم بهذه الرحلة الممتعة..ولهذا قررت أن اصنع علاقات خاصه لأوقات الطوارئ!!!!
المهم مشينا انا وجيبي وكل منا اخذ مقسومه من محطة العضيدي اللي شرب احمر واللي شرب اخضر!.واحد كلف مشروبه ريال والثاني 32 ريال..
المهم توكلنا على الله.. ويوم قربت للخريطة الا واشم ريحة المطر!
(الله لو درو عني الأرصاد الجوي غير يوظفوني عندهم)...!
المهم براس الخريطة الا والضباب نازل على الأرض ومقفل الطريق وما تشوف شي الا تمشي 10 .نزلت الخريطة بسلام ويجيك المطر والرعد كل منهم يسابق الثاني.
استمريت بهذا الحال الى قرب محطة الأعرج.
ومن ثم خف المطر شوي وحولت مع طريق اشواق وقبل البديع الا وتعطيك المطر
وشوي الا والطريق مقفل من السيل ومسبب مستنقعات وبعض أجزاء الأسفلت مدفونه ومتغيره معالم الطريق والفضل لله ثم لمعرفتي التامة بالطريق والا نشلوني الصباح من وادي داما!
المهم وصلت البديع وأطريت أوقف حوالي ربع ساعة من قوة المطر وخايف من سيل وادي الديسة لأنه هو اللي يوصلني داما لو لاقدر الله توافقنا معاه.
المهم وصلت اشواق بسلام حوالي الساعة 3 فجراً ولفيت على رجل شرواكم طبعاً هو المراسل اللي عطاني الأخبار من بدري.المهم الا والقهوة زاهبة والجمرية والزبدة والبراد وعلوم الرجاجيل ..وما اقول الا الله يكثر خير الأجواد..
المهم تقهوينا وافطرنا مدري تسحرنا والمطر ما وقف.
وحثينا على الجيب ناويين سد ازيان اللي فوق اشوق نبي نشوف السيل وش علمه،
وصلنا السد الا وفاضي ما جاه شي ومالقينا غير جيبين يوايقون فوق السد الظاهر ان مغزانا واحد..الوكاد مالكم بالطويلة رديناه دربه وعلى الحواويط وتعديناها ناويين شغب وبالطريق الا والسيل مكسر الأسفلت وفيه شباب واقفين بجيب ومنهم من هو على الأقدام يعس الطريق على شان يبي يواصلون المهم ان الله هداني ولبقت الجيب له مع (صفيح)اللي مايعرف الصفيح يسئل ابوعمر هو راع الصفحان والتليع!وبتوفيق الله قدرنا نتجاوز السيل ونلتقي بالطريق مرة اخرى ويوم قربنا لشغب بمكان يسمونه (رجم سعود)اسئلو عايد ربيع او العريان عنه الا والله الطريق مقفل ولا ينفع هنا لا صفيح ولا طب ولا دوى لأن هذا سيل وادي (شهود)عندها تذكرت مثل يقول السيل والجمل الى هاج والبحر لاتمزح معاهم ولاكن للأسف تجاهلت معنى هذا المثل وركبت رآسي وقلت لخويي وش رايك نشوف لنا درب ونقزه؟قال خويي اللي تشوفه انا معك على الخير والشر.
المهم بعد تفحيص وتمحيص قررت أطمر من مكان اعتقدت بأن يكون السيل به خفيف بسبب افتراق أجزاء الوادي المهم طمرنا وطلعت كفرات الجيب الأمامية والخلفية باقي بالوادي والسيل مره يجيب شجره ومره حجره ويظربها بالجيب من الخلف.....
وبعد ثلاث محاولات استغرقت من الوقت حوالي 10 دقائق لاكن كنت اشعر بأنها سنه كاملة!من الورطه اللي انا فيها!
المهم بفضل الله انا طلعنا بسلام وموترنا متعافي ولابه ولا خدش.(لعيون الشريطيه)!
المهم وصلنا شغب وصلينا الفجر وتقهوينا واصبحنا بخير.

وباقي الرحلة تترجمها الصور


http://up1.m5zn.com/photo/2008/12/23...4cci.jpeg/jpeg[/URL]

هذي صوره لجيب يبي يعبر الوادي لاكن قدر الله عليه
http://up1.m5zn.com/photo/2008/12/23...ee79.jpeg/jpeg

وهذه الصور من عند رجم سعود بين شغب واشواق
http://up1.m5zn.com/photo/2008/12/23...bkws.jpeg/jpeg

وهذه الصور بعد من سيل شهود
http://up1.m5zn.com/photo/2008/12/23...daxh.jpeg/jpeg

وهذه بعد لسيل شهود
http://up1.m5zn.com/photo/2008/12/23...r532.jpeg/jpeg

وهذه صورة اثناء عبور السيل
http://up1.m5zn.com/photo/2008/12/23...8zcl.jpeg/jpeg

وبعد
http://up1.m5zn.com/photo/2008/12/23...t90r.jpeg/jpeg

وهذي فوق الطعس
http://up1.m5zn.com/photo/2008/12/23...d3eo.jpeg/jpeg

وهذه منظر للغيوم فوق الجبال من مقرح شغب
http://up1.m5zn.com/photo/2008/12/23...45zw.jpeg/jpeg

واعتذر عن عدم وضوح الصور لأن جميعها ملتقطه من تصوير فيديو بسبب عطل في كام التصوير بالجوال...

اتمن ان تنال على اعجابكم

رد: صور للأمطار أمس من شغب وأشواق
 

رد: صور للأمطار أمس من شغب وأشواق
 

ماشاء الله تبارك الله

اللهم زد وبارك

ماقصرت ياخوي عبدالله على هذي الصور الرائعة

حازم الجازي

رد: صور للأمطار أمس من شغب وأشواق
 

الله يعافيك ويخليك اخوي

مروق اوقات

اسعدني مروركـ وردكـ الرائع

والشكر لله اولاً وآخيراً

ونصيحتك ماخوذه بعين الأعتبار

سعدت بمروركـ الذي عطر متصفحي

دمت لمن تحب

رد: صور للأمطار أمس من شغب وأشواق
 

ابو عابد وين قناة الجزيره والعربيه عنك !
تقرير رائع وحصري لمراسلنا ابوعابد
اشكرك على الصور والله انها جت على الجرح وانا ماغير هالثلوج الي ذابحتنا
ماجاى منك قصور ابو عابد
ولو تقدم قدام على النجيل وتجيب لنا صور لها هههه
اشكرك مرة اخري ابو عابد
ولاعدمناك

رد: صور للأمطار أمس من شغب وأشواق
 

اسعدنيـ مروركــ

اخوي

حازم الجازي


شكراً لكــ

رد: صور للأمطار أمس من شغب وأشواق
 

رحلة جميلة جدا وانت من اليوم مراسل الحويطات للأرصاد الجوية :)

بيض الله وجهك وجعلها الله امطار خير

رد: صور للأمطار أمس من شغب وأشواق
 

قصدك وين المرقاب والساحه وطقتهم عني!

ومرور اروع لمبتعثنا المغترب شمالي


اشكرك على هذا المرور

وبخصوص النجيل والذييل وذيك الديار محذر عنها ولا اقدر اطبها شوف
ابو زياد اكيد عنده تقرير كامل وشامل

تحيااااااااااااتي

نورررت الموضوع

رد: صور للأمطار أمس من شغب وأشواق
 

اولا -الحمدلله على السلامه
ثانيا -ماشاءالله عليك تونست وانشرح صدرك وهذا هو المطلوب
صور رائعه وان شاء الله لنا سجه يمكم على الربيع
بس نبي توافينا بصور من الديسه
ثالثا - تحياتي وتقديري

رد: صور للأمطار أمس من شغب وأشواق
 

مرورك اجمل

اخوي

يوسف

وجهك ابيض الغالي

دمت بود

رد: صور للأمطار أمس من شغب وأشواق
 

الله يسلمك من كل شر يالغالي

الحمد لله ايو الله تونست على الآخر والشكر والثناء لله وحده،
وصور الديسه ابشر من عيوني بنزل صور لاكن قبل المطر..
لأن ما جاها مطر من المطر اللي فات غير رشوش بدون سيووول


على راسي يالغالي...ودمت بود

رد: صور للأمطار أمس من شغب وأشواق
 

الحمدلله على السلامه وانا ناوي انتج لمغامرتك هذي
فلم كرتون مدبلج اسمه(عبدالله والصفيح).
اثاريك ياولد مثلي في وقت المطر لوتكتفني بحبال مااجلس
الله يستر علينا لااحدى المرات نتلاقي في البحر كل واحد
منحدر مع وادي.
بصراحه الصور روعه وشي يفتح النفس 180 درجه
ههههههههههه تحياتي يالغالي,,,,,,

رد: صور للأمطار أمس من شغب وأشواق
 

رد: صور للأمطار أمس من شغب وأشواق
 

الله يسلمك يابو عمر

ومقبول منك كل شي

وزين اللي طلع مثلي واحد من ربعي..

والله يفكنا من الودي والبحور


والله يشرح بالك وحالك يالغالي

تحياتي

رد: صور للأمطار أمس من شغب وأشواق
 

رد: صور للأمطار أمس من شغب وأشواق
 

شكرا وجزاك الله خيرا على ماقمت به بصراحة كانني كنت معك في هذه الرحله وتستحق ان يطلق عليك (الرحاله عبدالله الموسي كما يطلق على محمد ناصر العبودي) جهد مشكور علية ولكنك لم تعمل بالحكم التي رددتها حذاري مرة اخر من مغامرة لايحمد عقباها.لك التحية والتقدير.

رد: صور للأمطار أمس من شغب وأشواق
 

رد: صور للأمطار أمس من شغب وأشواق
 

الله يعافيك يالغالي

مودتي

رد: صور للأمطار أمس من شغب وأشواق
 

حياك الله يابعيد

ومن جد الأجواء روعة

ويعافيك ربي

تحياتي

رد: صور للأمطار أمس من شغب وأشواق
 

الله يقومك بالسلامة يابو فيصل،

شكرا لمرورك يالغالي

وفقك الله