إيماءة شاعره.... لوحيدة السعودية
 

إيماءة شاعره
[poem=font=",6,black,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
رقيت بْمرقبٍ تشفـي هبوبـه=أبي الراحه وقلبي ما استراحي
أرِدّ بْه النظـر منّـه وصوبـه=واضيق وهالفضا حولي براحي
شربت القاف لو هم حَثْربوا به=أدير أصفاه من راحي لراحـي
إذا غيري غدا قافـه ركوبـه=يورّدها على الجـال الملاحـي
أنا قافي من المزنـه سكوبـه=قراح وكل مـا جابـه قراحـي
واذا ما الراس بالحيل مْعَصوبه=تعلّتها القنا مـن كـل ناحـي
أنا اللي كل ربعه هَذْربـوا بـه=يجيه الهَرْج من واحي لواحـي
إذا يا رب هذي لـي عقوبـه=أنا تايـب وراجيـك الفلاحـي
ترى قلبي كما بيتٍ عدوا بـه=جيوش وْتَوّ نور الصبح لاحي
واهيله يوم عدوانه غشوا بـه=تغشّاهم من الموت الوشاحـي
فلا عمـده تجوّدهـا طنوبـه=إذا لجَّـت جوانبْـه الرياحـي
وانا قلبي كما الورْق اللعوبـه=لها بالجو ممسـا واصطباحـي
على الغصن الشمالي مَعْ جنوبه=تفيّـا كـل ظـلٍ بالبيـاحـي
لهـا نـوحٍ تعَذْرِبْـه العذوبـه=إذا ما سِمْعه المحزون ناحـي
دهاها الحر واليـوم بْغروبـه=وّغَرَّ بْهَا الجناح أم الجناحـي
سمت بالجو ما منْـه مْهَروبـه=وتلقّتْهـا وسيعـات البطاحـي
يا أمّ الطـوق والآه مْغَصوبـه=أبيحي يوم تثْخِنْـك الجراحـي
سبيل الموت للنفس العجوبـه=أخير مْن المهانه والصياحـي
إذا ما قلت يـا فَـزَّاع نوبـه=ولا من جَرّدوا دونك سلاحـي
لك القبر إن تهايل بك جنوبـه=ولا وَقْفَتْك في باب الشحاحـي[/poem]

شعر

وحيدة السعودية

م/ق

رد: إيماءة شاعره.... لوحيدة السعودية
 

شاعرة مبدعة و جزلة
من اجمل ما قرأت
شكرا لروعة النقل استاذ / عبد الله

رد: إيماءة شاعره.... لوحيدة السعودية
 

نص رائع لشاعرة مميزه من روس التلاع
وهي موعده السعوديين ببيرق شاعر المليون
و فالك البيرق ياوحيدة السعوديه ان شاء الله
تحياتي لذوقك ياابوعابد

رد: إيماءة شاعره.... لوحيدة السعودية
 

الآتي الأخير


العميري



شكرا لمروركم اخواني


تحياتي

رد: إيماءة شاعره.... لوحيدة السعودية
 

نتمنى لها التوفيق
في مسابقة المليون

شكرا للنقل

رد: إيماءة شاعره.... لوحيدة السعودية
 

اخوي

الديرة

شكراً لمرورك الرائع
تحياتي