الشبكة العامة لقبائل الحويطات - المنبر الاعلامي و المرجع الرسمي المعتمد

يالله يالي كـــــل الأمـــات ترجيك = ياوحدٍ ماغاب حي ترجــــــــــاك
يارب عبدٍ ما مشي في معاصيك = ولا يمشي إلا في محبتك ورضاك
يامرقبن بالصبح ظليت بــــاديك = ما واحدٍ قبلي خبرته تعــــلاك
وليت ياذا الدهـر (م) كثر بلاويك = الله يزودنا الســــلامه من أتلاك
يالي على العربان عنت شكاويك = وليت يادهر الخطي ولاٌ مقواك
واليوم هالكانون غادي شبابيك = تلعب به الأرياح من كل شبــاك
يا (مالك ) أسمع جابتي يوم أوصيك = وأعرف تري يابوك بأمرك وأنهاك
وصية من والدٍ طامعٍ فيـــك = تسبق على الساقة لسانه لعلياك
أوصيك بالتقوى عسى الله يهديك = لها وتدركها بتوفيق مولاك
أحفظ دبشك ألا عن الناس مغنيك = ألا إلي بان الخلل فيك يرفاك
أجعل دروب المرجلة من معاليك = وأدراج سيسها على العز مرقاك
أحذر أمر لاعاة أبيها لتاليك = أيضا وترخص عندها قدر ما أوك
أدب ولدك كان تبغيه يشفيك = واستسعفة من عقب مرضاه بلاك
أما سوج وستسمجك عند شافيك = ويفر من فعله صديقك وشرواك
ولا بعد جهل تري هو بياذيك = ولو زعلت أمه لا تخليه يالاك
احذر تضيع كل من هو ذخر فيك = معروفه لا تنساه وأوفه لعرفاك
تري الصنايع بين الأجواد تشريك = لا طمعت بركزها لا تعداك
وأوف الرجال حقوقها قبل تعميك = لا تعتمد بالعفو فالحق يقفاك
وهرج النميمة والقفا لا يجي فيك = وإياك عرض الغافل إياي وإياك
تبدى حديث الناس وفيه تشكيك = وتهيم عند الناس بالكذب وشراك
وإذا نوية أحذر تعلم بطاريك = كم واحدٍ تبغي به العرف وهواك
إحذر شماتة صاحبٍ لك مصافيك = ولا جرالك جاري قلت لولاك
ولا تحسبن الله قطوعٍ يخليك = ولا تفرح إن الله عن الخلق بداك
إنشده حط الطمع في تواليك = لو ما لقيته يافتي الجــــود يلقاك
والضيف قدم له هــلا حين يلفيك = مما تنوشه يافتي الجود يمناك
إكرم قباله ثـنها من شواديك = وإبذل لها المجهــــود ما دام يعنيك
إحذر تلاقي الضيف مقراً علا بيك = خله محباً لك صديقاً إذا جاك
ووصيك زلات الصديق إن عثا فيك = ما زال يغطاه الشعر فاحتمل ذاك
راعه ولو ما شفت إنه يراعيك = عساك تكسب نيته عن معــاداك
لا تامنه فطلب من الله ينجيك = ويكفيك ربك شر ذولا وذولاك
شفني أنا يابوك بأمرك وأنهيك = عن التعرض بين الأثنين حذرالك
إذا حضرت طلابتٍ بين شرابيك = اسعى لهم بالصلح ولا شي فداك
إبذل لهم بالطيب ربك ينجيك = لا تجذع الميزان مع ذا ولا ذاك
أما الشهادة أدها عند عافيك = بين عمود الدين لاعمية رؤياك
بالك تماشي واحدٍ لك يرديك = طالع بني جنسك وفكر بممشـــاك
رابع اصيلاً في زمانه يشاكيك = لا شاف غملاتك عن الناس غطاك
وإحذر عن طرد المزفي حذاريك = عليك بالمقبل وخل ألاٌ تعداك
ثم ألعن الشيطان الله يحميك = تري إن تبعته (ل) الشرابيك وداك
أوصيك لا تشكي علينا بلاويك = أنت السبب طرفك عيونك بيمناك
وأعرف تري ألاٌ وطي الخلق واطيك = ولا أنت أعز من الجماعة هذولاك
ألمسك ياراسي عن الذل وأخطيك = وإحذر تكلم يالساني حذراك
وألطف بجارك ثم (قم) دون عانيك = وأفطن لما يعنيك عن ربعة خواك
ياذيب أن جتك الغنم في مفاليك = فأكمن إلي حيث الرعايا تعداك
من أولاً ياذيب تفرس بياديك = واليوم جاى ذيب عن الفرس عداك
ياذيب عاهدني وعاهدك مرميك = مرميك أنا ياذيب لو زان مرمـــــاك
والنفس خالف رايها قبل ترميك = تري لها الشيطان يرمي بالأدراك
ومن بعد ذا لا تصحب النذل يعديك = وعن صحبة الأنذال حشاك حشاك
تري العشير النذل يخلف طواريك = وأن ارجي أنك ماتجي دون أباك
ولا هقوى إنك ماتجي دون أهاليك = ولا ذكر عود الورد يثمر بتنباك
والحر مثلك يستحي يصحب الديك = وإن صاحبه عاع معاعات الأدياك
لا تستمع قول الطرف يوم يلفيك = بالكذب يقضي حاجته كل ما جاك
من نملك نممك ولا فيه تشكيك = و إله قد أزرا رفيقك وأزراك
عندك حكى فيني وعندي حكى فيك = وأصبحت كارهنا وحنا كرهناك
من نملك نممك ولا فيه تشكيك = و إله قد أزرا رفيقك و أزراك
ما خطاك ما صابك ولو كان راميك = والاٌ يصيبك لوتتقيت ما خطاك
مير استمع مني عسا الله يهديك = النصح يا (مالك ) لك الله مولاك
عندي مضنة ماتمثـلتها فيك = وأطلب لك التوفيق من عند مولاك