الشبكة العامة لقبائل الحويطات - المنبر الاعلامي و المرجع الرسمي المعتمد - الصورة التاريخية التي ابكت ملاك الأبل وقصائد عليها

- مكتبة الصور والرسوم والتصاميم (https://www.alhowaitat.net/forumdisplay.php?f=89)

الصورة التاريخية التي ابكت ملاك الأبل وقصائد عليها

صورة التقطها المواطن خالد بن سحمي السبيعي غرب ثادق ( شعيب اعوجات)

وهي الصورة التاريخية التي ابكت ملاك الأبل نظرا لقوة تجسيدها لحرب الحياة

والموت وتحسب الصورة للسبيعي الذي بالتأكيد لن ينسى تلك الصورة التاريخية..

http://www.alhowaitat.net/uploader//files/2129.jpg

وهذه قصائد تعليق على الصورة

قصيدة الشاعر نواف بن فراج الشامان

اعلموا ماكلّ صيـّـادٍ يصــــــــــــــيدْ ×××× القوافـي فنّ في تركيــــــبها
ماترفـّد من عبيد ومن يزيـــــــــــــدْ ×××× آزن الخطوه انا وادريــــــــبها
آخذ الجزلات من بحر القصـــــــــــيدْ ×××× اقطف ثمار الزّهر واجيـــــــبها
واسقي الازهار من دمّ الوريـــــــــدْ ×××× وانتقيها بحرص لمن يسليـــبها
وانظم المنظوم في عقد ٍفريـــــــــدْ ×××× واطرب اطراف ٍ تبي تطريـــبها
وجبتها بليهان في يوم ٍ نكــــــــيدْ ×××× ألتجي للرّبّ عالم غيــــــــــبها
يفزع ويكتب لنا عمر ٍ جديـــــــــــدْ ×××× والحوال مصلّحه يدريــــــــــبها
أن بغينا البرّ مشبوك بحديــــــــــدْ ×××× وانحشرنا حشرةٍ ماليـــــــــبها
والرعاه هنود والعلّه تزيـــــــــــــدْ ×××× والليال البيض ما نسريـــــــبها
آه انا ياوجدْ حالي للنشــــــــــــيدْ ×××× في تلال ٍ قفر عاون ذيـــــــبها
اتمشى براحتي من دون قــــــــيدْ ×××× مع غلام ٍ رغبتي داريــــــــــبها
يبرى لذوده فوق فكس آر ٍ جديــدْ ×××× والمراجل حازها ويشريـــــــبها
او على له شاص للبيدا عنيــــــــدْ ×××× مايتوانا فزّتـه ياطيــــــــــــــبها
اتمنى ويفعل الله مايريـــــــــــــدْ ×××× والمناوي عسرة ٍ وادريــــــــبها

قصيدة الشاعر عطية الزهراني

مالومكم يأهل الأبل والمزايــــين -- لو هلت دموع العيون الكلحــيله
من نظرة(ن) تدمي لها الروح والعين - ويخلي أجسام الأوادم هزيــــله
صوره لذات الروح تاقف على الطين- تتوسط الوادي وتبكي مســـيله
من وين مالدت ومن وين من ويـــــن- مافيه غير مزون برقا المخيــــله
الموت حاصارها وضاعت عناويــــن- ولافيهم اللي عارف(ن) له دليــله
كني بها تنشد رؤؤس السكاكيــــن- ولاتموت بوسط وادي وسيـــــله
أحد(ن) رفع راسه وفي نظرته بيـن- وأحد(ن) وطا راسه لفرقى خليله
واحد(ن) يتمتم بين نفسه ومابيــــن- جاره يقوله الموت واعزتي لــــه
مشهد يحير دمعة العين بالعيــــــن لكن مابه في القدر مستحـــــــيله
والصوره اللي جمعت هالبعاريــــن وحاصرتهم بين يوم(ن) وليــــــــله
تذكر الغافل بصوره لها سنـــين- تبكي معاناة الأسى والرذيلـــــه
دوله لها ياناس من فوق خمسيـــن -عام (ن) وهيه تعيش دايم ذليـــــله
ومادام ربي فك حصر المزاييــــــن- من وادي ارمه يوم سيل مسيــــله
نطلبه يرفع حصر هاك المساكـــين ويفك هذا الاسر باية وسيــــــــله
أدعي وابي منكم تقولون آآآآمين-- وآمين طلبة رب ماهي قليـــــــله