أم ريال ((قصة حقيقية))
 

حصلت في السعودية

تقدم سعود لخطبة ريم هي رفضت في البداية بحجة كل البنات إنها تكمل دراستها
لكن أمها وأبوها أقنعوها بالأخير لأن الولد أخلاق ومستقيم ووظيفة محترمة ومن عائلة كبيرة والكل يمدح فيه ويتمناه لبنته....
المهم جاوشافها وشافته وأعجبو بعض..وأخذ موعد من أبو ريم علشان يجي مع أبوه ويتفاهمون على باقي الأمور الروتينية......
جا الموعد المحدد وحضرسعود مع أبوه وأثنين من أعمامه..ومعهم المهرررر
قام أبو ريم وفتح علبة المهر وأخذ منها ريال واحد ورجع الباقي وقال حنا نشتري الرجال!!!!!!

عجز المعرس وأهله يقنعون أبوريم فااستسلموا وأخذوا فلوسهم ومشوا(شكلهم ماصدقوا إن فلوسهم رجعت لهم)
مرت الأيام وريم عوضها أبوها المبلغ اللي رجعه وجهزت نفسها وجت ليلة العرس
...
أول مادخلت ريم على عريسها استقبلها وقال(هلا ياأم ريال)(الله يرجك ياسعود أنت ومزحك)
البنت طاااااااااااااااح وجهها ساعتها بس عدتها..موحلوة تسوي مشكلة من أول ليلة..

ومن ذاك اليوم وسعود ماتعدي ريم من عنده إلايعايرها بالريال
بعدين تطور الموضوع وصار يقارنها بكل شي بريال.....لين قال مرة(تشوفين علبة الببسي هذي؟تراها تسواك كلكم بريال خخخخخ!!!) وكمل ضحك وهي تغلي....

بس ريم كانت كتومة ماتحب تشتكي لأحد حتى أقرب الناس لها أمها..ومرت الأيام وهو مايناديها ألا أم ريال أو علبة الببسي!!...هو مايقصد يهينها بس المزح الثقيل الله يفكنا من شره
المهم راحت لأمها وأمها كانت ملاحظة عليها أنها متضايقة من شي فحلفتها تقول لها وش فيها
بعد محاولات كثيرة من الأم فضفضت لهاريم وهي تبكي وقالت لها الشيء الوحيد اللي منكد عليها حياتها..وطلبت من أمها إنها ماتجيب سيرة لأبوها..
لكن الأم قالت(لايابنتي أبوك غلط ولازم يصلح غلطته وياما قلت له إن هذا يقلل من قدر بنتك مايرفعه لأن الناس يقيسون بعض بالفلوس بس ماسمعني ..خليه يشوف وش سوى..أنتي يابنتي لك كرامة وإحنا مابعناك تطمني وخلي الموضوع علي)
وراحت أم ريم طيران لأبوريم وهي تغلي بتنفجر من القهر وحكت له السالفة..
أبو ريم أنهبل من اللي سمعه وحلف ماتطلع ريم من بيته إلا رادلها إعتبارها
جاسعود بياخذ زوجته كالعادة بس ريم ماطلعت طلع ابوها بدالها وسلم عليه وطلب منه ينادي أبوه وأعمامه يجون يتقهوون عنده
وإنه بعد المغرب حيكون في إنتظارهم..
الولد ماشك في شيء وراح نفذ اللي قاله أبو ريم وجاب أبوه وأعمامه..استقبلهم ابوريم وجلسهم بالمجلس بدون مايحسون بشيء...
طلع أبو ريم من جيبه ريال ونادى ولده الصغير محمد وقال له (محمد أبوي رح للبقالة وجب لي علبة ببسي)
الرجال استغربوا وضحكوا فيما بينهم على تصرف ابوريم أما سعود ماوصلته الرسالة لسه..
جاب محمد الببسي على الطاولة..
شوي قام وطلع ريال ثاني نادى محمد وارسله يجيب له علبة ببسي ثانية..سعود بدى يعوره قلبه..كنه شم ريحة تلميح((توالناس)) جاالببسي وحطه أبو ريم جنب الأول..
وعمل نفس الشيء مرة ثالثة وجاب ببسي ثالث وحطه مع الباقين..
وقال(الحين الله يحييكم أقدر أقولكم ليه أنا مناديكم ..أنا أخذت منكم مهر بنتي ريال واحد... بس ولدكم ماقدرهالشيء..وقعد يعايرها بعلبة الببسي...أناألحين غيرت رأيي..أناباخذ بنتي...وأنتم خذوا بدال ريالكم ثلاث علب ببسي!)
الرجال مايدرون وين يودون وجيههممن كلام أبوريم تفاجأوا وفشلهم سعود بعمايله بجد أما سعود الله أعلم بحالته شوي ويغمى عليه هو كان يتميلح وريم تبلع بس ماتوقع
إنها بتكبر الموضوع..
أبو سعود قال(والله مالي وجه أقول شيء بس أتمنى إنك تمسحها بوجهي أما سعود أنا بتفاهم معه..وبنتك على راسي ترجع بيتها معززة مكرمة واضمن لك ماراح يعيد اللي سواه)
رد عليه أبو ريم(كلامك على عيني وراسي يابوسعود بس والله والله ماتطلع بنتي من بيتي إلابثلاث مية ألف ريال مهر زيها زي غيرها أنا يوم رفضت أول مرة أخذ الفلوس توقعت أنها بتكبر بعيونه لكن مع الأسف إكتشفت العكس)
طبعا الجماعة مايقدرون يقولون شيء الا أن هالشيء من حقك وحق بنتك..
وجمعوا المبلغ وقدموه للبنت ..وكذا ماعاد فيه شيء يضايق ريم بس سعود ماعادله عين يحطها بوجه أبوها.

رد: أم ريال ((قصة حقيقية))
 

تسلم على سرد هذه القصة التى تحكى لنا الواقع الاجتماعى وتحليلى للقصة

ان الاب لم ياخذ مبلغ باهض مهر لابنته

ليثبت ان يكرموا ابنته وحتى لو صار شى لاسمح الله يتحملوا بعض الامور ولاكن مسكين ابو البنت ما طاح فى زوج فاهم

تقبل تحياتى

رد: أم ريال ((قصة حقيقية))
 

شكرا على هذه القصه الجميله

رد: أم ريال ((قصة حقيقية))
 

انتهى زمن النخوه والرجوله

واللي يجي بساهل(( عند بعض الناس )) يروح بساهل


زمنا الحالي إذا ما دفع واستدان وأخذ قروض
ما تزوج
وكذا يحافظ عليها ويحرم يثني بعد............

مشكوره اختي اشواق على القصه

رد: أم ريال ((قصة حقيقية))
 

اللي سواه سعود جرح لكرامة البنت ويستاهل اللي جاه



يسلموووو أِشواق على هالقصة




عطرالشوووق

رد: أم ريال ((قصة حقيقية))
 

يعطيك العافيه اخي قصه رائعه ويستاهل الي جاه
وتصرف ابو ريم حكيم

تقبل مروري

رد: أم ريال ((قصة حقيقية))
 

اشكرك اختي اشواق على هذه القصه الرائعه
ويستاهل الي جاه

رد: أم ريال ((قصة حقيقية))
 

يستاهل الطيب مايصلح الا الواحد لازم يصير شين وقوي عين بعض الأحيان