تكفى ترى تكفى تهز الرجاجيل.
 

هي للشاعر
عماش بن عبيد المطيري
ووجهها يشكي ضائقته المالية إلى صديقه
مزيد المطيري
والقصيدة كاملة على النحو التالي:




تكفى تــــــــرا تكفى تهز الرجاجيل
ولولا ظروف الوقت مــا قلت تكفى

تكفى يـــــا مزيد ما يبا العلم تفصيل
المشكلـــه كبرت على عماش تكفى

مــــا قلت تكفى غير من فترة الحيل
وانتـــــه ولد من يفعل الطيـب تكفى

انخاك من كثــــر العنـــــا والبهاذيل
الفقر حطمني .. وانــا ازريت تكفى

غديت مثل اللي بــرك ضامه الشيل
تضحك بي ضعوف الرجاجيل تكفى

يــــومٍ لك وقفه .. وجاه .. ومداخيل
مــــــا نغتني عن مثل شرواك تكفى

افزع تــــــــرا وقتي غدى كنه الليل
والعلم مــــــــــا يخفاك يالقرم تكفى

مـــــا عاد بي شده ولا عاد بي حيل
ضدتنـــي الايـــام ... والـقــلّ تكفى

اروح وارجع مــا حصلي محاصيل
والرجل بادت .. يا فتى الجود تكفى

واليوم عندك يـــــــا رفيق المشاكيل
العذر مـــــــــــا ينفع وانا قول تكفى

حيثك من اهل الطيب واهل المفاعيل
يـــــــا زبن من جاله ومن قال تكفى

الجيب فـاضــــــي .. واليالـي مقابيل
عجزت اعيش مع الرجاجيـــل تكفى

والراتب المحدود .. يـــــروح تحويل
من الاداره .. لاهـــــــل الديـن تكفى

حتى عيالــي مـــــا قدرت الهم الكيل
والازمــــه لا جـــات .. صديـت تكفى

ارجـــى الفرج والله يجيـب التساهيل
واعيش فـــي راحه مع الناس تكفى

والله كريــــــــم .. يبـــدل الحال تبديل
ومــا قلّ دلّ .. وصامـل الهرج تكفى

قصيدة وجدانية مبكية . قاتل الله الفقر
لك تحياتي يالمشهوري

{ اللهم أني أعوذ بك من الفقر } ..

الفقر ذل ..

نشكرك أخي المشهوري على مانقلته .. ولك من صادق التحية والتقدير ،،،

مرورك يسعدني
أخي الكريم
ولك تحياتي أيضا

السلطان
وأنا أيضا أشكرك على مرورك الجميل
ولك خالص التحيه والتقدير

ستبقى هذه القصيدة من اجمل و ابلغ القصائد

وسيضل بقائك معنا فخراً لنا جميعاً

أعوذ بالله من الجهل والفقر والمرض

أشكرك أخي المشهوري لنقل هذه الرائعه


ريتاج

صــــــــــــــــح لسان من قالها
ويســـــــــــــلم من نقلهــــــــا





مشكووووور




ننتظر جديدك

ريتاج
مللك القلم
تحيااااتي لم جميعاً
ونحن بإنتضارجديدك أيضاً
تحيااااتي لك

ماعاد تكفى تهز الرجاجيل
......................مادام بنت النور هزت طيور شلوى